Parbung, October 04, 2018, Virthli (ONP): Tipaimukh lampui NH-2 siemṭhatna sin thawtu NHIDCL/Nidhi Creative Infrastructure Pvt. Ltd. hai chun Parbung khawsung lampui siemthatna sin chu vawisun an thaw tan.
Khawsung lampui siemthatna sin thawa um hi Parbung Village Authority le NHIDCL/Nidhi Creative Infrastructure Pvt. Ltd.(NHIDCL/NCI) han MoU an lo ziek dungzuia thaw a nih. NHIDCL/NCI han Tipaimukh lampui NH-2 siemthatna sin an thaw sunga an umna ding/camp hmun ding Parbung VA in an lo pek le inzawma khawsung lampui siemthatna sin thaw pek ve dinga ti a nih.
Parbung khuo hi National Highway in a hraw naw/a lut naw leiin tuta National Highway siemthatna ding a hin a huop sa naw hrim a ni a, MoU an ziek dungzui chun siemthatna sin chau ani a, Black topping ruokchu an thaw sa naw ding a nih.
