Perzawl/Silchar/CCPur, Oct. 7, 2018, Virthli (ONP): Tipaimukh Road Bukpui a inthawka Tuivai chen NHIDCL enkawlna hnuoia siemṭhatna sin thaw mêktu Nidhi Creative Infrastructure Pvt. Limited neitu, Managing Director Pu Pratika Godha, Pu Partho Chakroborty, Manager Nidhi Creative Infrastructure Pvt. Limited le Dr. Vanlallien Pulamte hai chun sin thaw mêka um thlirletna neiin hma lâk pei dan ding an hriltlang thu ei dawng.
Tuchena hin Bukpui a inthawka Pherzawl chen lam nawrruolna sin an vawikhat thaw zo phuor a nih tah a. GSB le WBM pha dan ding ruohmangna an siem mêk a, Christmas chena chu Bukpui a inthawka Sipuikawn chen nawrruolna sin thaw hman an in beisei thu anni hin Virthli palai indawnna dawnin an hril.
Hmarbiel mipui haiin kum thar Aithing zawr hun a an Aithing hai ṭhataka an zawr thei ngeina dingin Tuivai chen lam hi Aithing zawr hun (season) tlung hma ngeia nawrruolna sin thaw zo an tum a nih. Lunghernawina khawl (Stone Crusher) Pherzawl rama inṭhutin an buoipui mêk a, Bukpui a inthawka Tuivai chen nawrruolna sin zo a nih pha, GSB le WBM pha in carpeting/blacktopping thaw ding thu, Bukpui a inthawka Tuivai chen lam siemṭhatna ding tender NHIDCL in Tender No. NHIDCL/Manipur/Churachandpur-Tipaimukh/pkg-II ‘Restoration/Reconstruction of Churachandpur-Tipaimukh road from km 185.00 (Bukpi) to km 262.00 (Tipaimukh) in the state of Manipur on EPC mode’ hmangin May 2, 2018 chen khan tender a hawng a. Tender hi Company pathum; M/s Garg sons Estate Promoters Pvt. Ltd, M/s Bhartia Infra Projects Ltd le M/s Nidhi Creative Infrastructure Pvt. Ltd haiin an dawn a. June 21, 2018 khan M/s Nidhi Creative Infrastructure Pvt. Ltd haiin an man tah a nih.
Nidhi Creative Infrastructure hai sinthawna a ṭha tawk le tawk naw enfel dingin, Central Team Ministry of Road Transport and Highways, Government of India New Delhi, Nidhi Creative Infrastructure neitu le Dr. Vanlallien Pulamte hai chun an sinthawna hmun ngei hun remchang hmasataka pan an tum a chu ding chun tuhin an insingsa mek a nih.
Tuchena hin Bukpui a inthawka Pherzawl chen lam nawrruolna sin an vawikhat thaw zo phuor a nih tah a. GSB le WBM pha dan ding ruohmangna an siem mêk a, Christmas chena chu Bukpui a inthawka Sipuikawn chen nawrruolna sin thaw hman an in beisei thu anni hin Virthli palai indawnna dawnin an hril.
Hmarbiel mipui haiin kum thar Aithing zawr hun a an Aithing hai ṭhataka an zawr thei ngeina dingin Tuivai chen lam hi Aithing zawr hun (season) tlung hma ngeia nawrruolna sin thaw zo an tum a nih. Lunghernawina khawl (Stone Crusher) Pherzawl rama inṭhutin an buoipui mêk a, Bukpui a inthawka Tuivai chen nawrruolna sin zo a nih pha, GSB le WBM pha in carpeting/blacktopping thaw ding thu, Bukpui a inthawka Tuivai chen lam siemṭhatna ding tender NHIDCL in Tender No. NHIDCL/Manipur/Churachandpur-Tipaimukh/pkg-II ‘Restoration/Reconstruction of Churachandpur-Tipaimukh road from km 185.00 (Bukpi) to km 262.00 (Tipaimukh) in the state of Manipur on EPC mode’ hmangin May 2, 2018 chen khan tender a hawng a. Tender hi Company pathum; M/s Garg sons Estate Promoters Pvt. Ltd, M/s Bhartia Infra Projects Ltd le M/s Nidhi Creative Infrastructure Pvt. Ltd haiin an dawn a. June 21, 2018 khan M/s Nidhi Creative Infrastructure Pvt. Ltd haiin an man tah a nih.
Nidhi Creative Infrastructure hai sinthawna a ṭha tawk le tawk naw enfel dingin, Central Team Ministry of Road Transport and Highways, Government of India New Delhi, Nidhi Creative Infrastructure neitu le Dr. Vanlallien Pulamte hai chun an sinthawna hmun ngei hun remchang hmasataka pan an tum a chu ding chun tuhin an insingsa mek a nih.
