CCPur, September 10, 2018, Virthli (ONP): Mihrang Pasaltha Pu S. Damkung Khawbung (kum 90) chu hunsawt taka inthawka damnawna leiia enkawla lo um tah chu vawituk khan a chengna Shanveng, Rengkai, CCpur ah ei lo the tah. Pu Damkung hi 1960 laia Kuki le Hmar buoi laia General-in-Chief of Hmar Volunteers’ Force tia ko hiel a nih. Hmar hnam do le ral kara sanhimtu, Pi le Puhai nundan thu le hla, lam le thuom zierang thangtharhai kawkhmutu, Hmar hnam laia miril le mi pawimaw zuol bik laia tiem a nih. Hmar hnam ta ding chau khawm ni lo, India ram ta ding khawmin a hratlai hun lo hmangtu a nih.
Pu S.Damkung hi Parbung khuosuok ani a, Rengkai Shanveng a inpem lut a nih. Raldona a a hlawtlingna thurûk a hril chu "Khuo raw ding le indo dinga ka suok zatin lecture (briefing) ka nei zie a, chutaka ka hril ngun tak chu, nuhmei chunga kut nghallo ding ti le nu le nau chunga nunrawng lo ding, ti a na, hi lei hin ni thei a tih, kan fena tieng tieng an kuo duok duok hlak a, indo hun sung khan sâwn va thlak an um der nawh"
Pu S.Damkung hi Parbung khuosuok ani a, Rengkai Shanveng a inpem lut a nih. Raldona a a hlawtlingna thurûk a hril chu "Khuo raw ding le indo dinga ka suok zatin lecture (briefing) ka nei zie a, chutaka ka hril ngun tak chu, nuhmei chunga kut nghallo ding ti le nu le nau chunga nunrawng lo ding, ti a na, hi lei hin ni thei a tih, kan fena tieng tieng an kuo duok duok hlak a, indo hun sung khan sâwn va thlak an um der nawh"
