~ Jami Darngawn
✍ Khawvela hin mi tam tak chu mihai ngaisang nuom leia an thaw naw ding chen chen thaw khawm ei um mek a, mihai ngaisang nuom leia thei le thei lova sin inrim taka thaw hram hram khawm ei um bawk, chun mi È›henkhat chu inlar/ ngaisang nuom leia Setan chen lo bie hiel khawm an um bawk a nih.
Ani ngei mihai mi ngaisang/inlar chu inhawi ve bawk a tih, amiruokchu mi ngaisangtuha'n ei thlarau an mi
sandam/ sukdam pek thei dim? Ti chu ngaituo tham a tling a nih.
Awleh, khawvel le a sunga um po po Siemtu le Neitu ei Pathien chun mi ngaisang/ ngaina sien la, chu neka țha le ropui chu a um ta di'm a ni maw?
Pathien naupa Lal lsu chun hi khawvela a um lai khan thilmak tamtak a thawa, thumak tamtak a hril bawk,mi ngaisang a nei ve sun laia pakhat chu sipaizahotu hi a nih.
👇
Matthai 8:
5 Chun Kapernaum khuo a lûtin, a kuomah sipaizahotu a hung a, țhangpuina a ngên a,
6 “Lalpa, ka siehlawpa a zeng a, inah a zâl zing el, nasataka suknatin a um a nih,” tîn.
7 Chun Isun a kuomah, “Hung ka ta, sukdam ka tih,” a ta.
8 Chun sipaizahotu chun, “Lalpa, ka in sûng i lûtna tlâk an nawh. Thu chauh hril la, ka siehlawpa dam el a tih.
9 Kei khawm thuneina hnuoia um ka na, ka hnuoiah sipaihai an um a. Chu pa chu, ‘fe rawh,’ ka ti chun, a fe hlak; chun mi dang kuomah,‘Hung rawh,’ ka ti chun a hung hlak a; ka siehlawpa kuoma khawm,‘Hihi thaw rawh,’ ka ti chun a thaw hlak,” tîn, a dawn a.
10 Isun chuong thu chu a hrietin mak a ti hle a, ama zuituhai kuoma chun. “Titakzetin ka hril cheu, Israelhai lai khawm hieng ang lawma ringna nasa hi ka hmu nawh!
13 Chun Isun sipaizahotu kuoma chun, “Fe ta rawh, i ring angin i chungah hung tlung raw se,” a ta. Chuongchun a siehlaw chuh chu dâr a chun a lo dam ta a.
Sipaizahotu hi entawn tlak ava ni ngei de aw! Sipai officer a nih a chu Lal lsu hmaa chun iengmalo anga a zuk inngaina le, a RINGNA mawl kha a nih a ropui chu ! Lal lsu khawma a Ringna kha ropui a ti hle a "lsraelhai lai khawm hiengang Ringna hi ka hmu nawh" tiin a hril hiel a nih.
Chun, Lalpa hmaa chun ienganga milien, mivar, mihausa khawm nisien a tlawm rawng rawng el a nih ti chu a chieng bawk a nih.
Lal lsun sipaizahotu kuomah "i in ah hung ka ta hung sukdam ka tih" a tih a, sipaizahotu chun "Lalpa ka in sung i lutna tlak an nawh thu chauh hrila dam el a tih" a tia, a ring ang chun a siehlawpa a dam el a nih.
Sipaizahotu Ringna kha a nasat em leiin Lal lsu ngaisang /makti a tling phak hiel a nih.
Nang le keikhawm hin ei Lalpa Pathien chu iengang takin am aw ei Ringzo?
Nikhat chu lungril natna ka neia ka lungril natna chu ka pasal kuoma ka hrila, ka pasal khawm chun a mi tuorpui hle, lungrilna ngawi ngawia mi siemtu chu suosal ka tum lai chun tuta Bible thu suk langa um hi ka tiema ka lungril a tawk em em tah a nih. "Sipaizahotu'n Lal lsu a ringzo em em ang hin kei khawma ka ringzo chun ka lungril natna hi Lalpa kuoma intlun ka ta, Aman mi relfel/sukdam pek a tih" tiin ka lungril ka siem tah a. Chuongchun Lalpa kuomah ka țawngțai tah a, ka țawngțai la la chun ka lungril natna po po kha a hung dam tah a, ka va lawm de aw !
Lalpa ropui raw seh.
Ei thlarau, lungril, taksa natna chen mi sukdam pek theitu ei Pathien chu inpakin um raw seh !
MIHAI MI NGAISANGNA NEKIN LALPA PATHIEN EI RINGZONA HIN THIL A THAWTHEI LEM A NIH.
✍ Khawvela hin mi tam tak chu mihai ngaisang nuom leia an thaw naw ding chen chen thaw khawm ei um mek a, mihai ngaisang nuom leia thei le thei lova sin inrim taka thaw hram hram khawm ei um bawk, chun mi È›henkhat chu inlar/ ngaisang nuom leia Setan chen lo bie hiel khawm an um bawk a nih.
Ani ngei mihai mi ngaisang/inlar chu inhawi ve bawk a tih, amiruokchu mi ngaisangtuha'n ei thlarau an mi
sandam/ sukdam pek thei dim? Ti chu ngaituo tham a tling a nih.
Awleh, khawvel le a sunga um po po Siemtu le Neitu ei Pathien chun mi ngaisang/ ngaina sien la, chu neka țha le ropui chu a um ta di'm a ni maw?
Pathien naupa Lal lsu chun hi khawvela a um lai khan thilmak tamtak a thawa, thumak tamtak a hril bawk,mi ngaisang a nei ve sun laia pakhat chu sipaizahotu hi a nih.
👇
Matthai 8:
5 Chun Kapernaum khuo a lûtin, a kuomah sipaizahotu a hung a, țhangpuina a ngên a,
6 “Lalpa, ka siehlawpa a zeng a, inah a zâl zing el, nasataka suknatin a um a nih,” tîn.
7 Chun Isun a kuomah, “Hung ka ta, sukdam ka tih,” a ta.
8 Chun sipaizahotu chun, “Lalpa, ka in sûng i lûtna tlâk an nawh. Thu chauh hril la, ka siehlawpa dam el a tih.
9 Kei khawm thuneina hnuoia um ka na, ka hnuoiah sipaihai an um a. Chu pa chu, ‘fe rawh,’ ka ti chun, a fe hlak; chun mi dang kuomah,‘Hung rawh,’ ka ti chun a hung hlak a; ka siehlawpa kuoma khawm,‘Hihi thaw rawh,’ ka ti chun a thaw hlak,” tîn, a dawn a.
10 Isun chuong thu chu a hrietin mak a ti hle a, ama zuituhai kuoma chun. “Titakzetin ka hril cheu, Israelhai lai khawm hieng ang lawma ringna nasa hi ka hmu nawh!
13 Chun Isun sipaizahotu kuoma chun, “Fe ta rawh, i ring angin i chungah hung tlung raw se,” a ta. Chuongchun a siehlaw chuh chu dâr a chun a lo dam ta a.
Sipaizahotu hi entawn tlak ava ni ngei de aw! Sipai officer a nih a chu Lal lsu hmaa chun iengmalo anga a zuk inngaina le, a RINGNA mawl kha a nih a ropui chu ! Lal lsu khawma a Ringna kha ropui a ti hle a "lsraelhai lai khawm hiengang Ringna hi ka hmu nawh" tiin a hril hiel a nih.
Chun, Lalpa hmaa chun ienganga milien, mivar, mihausa khawm nisien a tlawm rawng rawng el a nih ti chu a chieng bawk a nih.
Lal lsun sipaizahotu kuomah "i in ah hung ka ta hung sukdam ka tih" a tih a, sipaizahotu chun "Lalpa ka in sung i lutna tlak an nawh thu chauh hrila dam el a tih" a tia, a ring ang chun a siehlawpa a dam el a nih.
Sipaizahotu Ringna kha a nasat em leiin Lal lsu ngaisang /makti a tling phak hiel a nih.
Nang le keikhawm hin ei Lalpa Pathien chu iengang takin am aw ei Ringzo?
Nikhat chu lungril natna ka neia ka lungril natna chu ka pasal kuoma ka hrila, ka pasal khawm chun a mi tuorpui hle, lungrilna ngawi ngawia mi siemtu chu suosal ka tum lai chun tuta Bible thu suk langa um hi ka tiema ka lungril a tawk em em tah a nih. "Sipaizahotu'n Lal lsu a ringzo em em ang hin kei khawma ka ringzo chun ka lungril natna hi Lalpa kuoma intlun ka ta, Aman mi relfel/sukdam pek a tih" tiin ka lungril ka siem tah a. Chuongchun Lalpa kuomah ka țawngțai tah a, ka țawngțai la la chun ka lungril natna po po kha a hung dam tah a, ka va lawm de aw !
Lalpa ropui raw seh.
Ei thlarau, lungril, taksa natna chen mi sukdam pek theitu ei Pathien chu inpakin um raw seh !
MIHAI MI NGAISANGNA NEKIN LALPA PATHIEN EI RINGZONA HIN THIL A THAWTHEI LEM A NIH.
