Responsive Ad Slot

Lekhabu 'Moulkhawpui' tlangzar a nih

Friday, August 31, 2018

/ Posted by Simon L Infimate
Muolhoi:30 August 2018 (Virthli ONP):  Zani zan  8:00 PM khan C.H Khawthlang Memorial Hall, Muolhoi a, lekhabu ‘MUOLKHAWPUI’ ti hming chawia Pu Siekkhohen Tamhrang in a buotsai chu Pu John Mark Pena, President, HSA Assam Hills JHQ in tlangzarna a nei. Hi programme hi Muolhoi Val-Upa hai keihruoina hnuoia nei a nih. Upa Darrowa Darngawn in hun hawng tawngtaina a nei zo in Hnam hminga organization dang dang - HSA, HYA, HPU, Village President, Val-Upa, VDP le MADA haia inthawk thuhrilna nei ani a, hieng ang lekhabu, Muolhoi chanchin pawimaw tak tak ziekna buotsai theia um hi lawmum an ti thu an hril. Hun vawngtu Pu Lalrochan Sungte, V/Chairman, Val-Upa, Muolhoi niin, Pastor James Lalremthang in tawngtaina neiin hun suktawp a nih.

Pu Siekkhohen hi lekha ziekmi tak el, tawngkam thiem le Hmar tawng thiem a nih ti chu a lekhabu lo ziek tah haiah an lang a. Tawng kalhmang le a thu hriet a hei thursuokhai hei bichieng chun mi anga hming khelah ziek tlar ding nei ve naw sien khawm, tawng mawi em em le tiem inhawi tak, inchiktlak le hriet ding tam tak el, ngainuom um tak tak hung ziek suoktu hi a taimakna le a tumruna hi inpak a umin, entawn tlak tak ani bawk. Thang la hung thar peihaiin Muolhoi khuo chanchin hi kimchang tak le lekhabu ropuitaka la hung ziek dinghai khawmin, hi lekhabu hi sirbi pawimawtaka an  la hung nei thei hiel ding a nih.

Don't Miss
© all rights reserved
made with by Simon L Infimate