Responsive Ad Slot

HSA in Free Medical Camp a huoihawt

Wednesday, August 29, 2018

/ Posted by Simon Infimate
Haflong/Doiheng, 29 August, 2018 (Virthli ONP) : Vawisun khan Doiheng, Dima Hasao ah HSA Assam Hills Jt Hqrs hmalaknain Free Medical Camp huoihawt a nih. Hi hun a hin Haflong anthawk Pu John Mark Pena, President, HSA Assam Hills JHQ inrawina hnuoi ah HSA thuoitu mi 16 an fe bakah HSA GHQ tieng anthawk Pu Josef V Tuolor, Gen. Secretary in a uop sa bawk. Doiheng khuo le a sevĂȘl a mipui fekhawm an thahnem hle a, mi tamtak el fe le hungna harsa leia Doctor pan thei lo hai ta dinga HSA hmalaknaa a thlawna mani veng ngeia Doctor pan theina le damdawi hai a thlawna hmu theia an um chu khawsung mipuiin nasatakin lawmthu an hril.


Hi medical camp hi HSA hmalakna in Holy Spirit Hospital, Haflong le 43rd Assam Rifle hai thangkawpa buotsai a nia, Doctor le Nurse hai khawm anni in an provide bakah Damdawi le thil dang dang chu Joint Director, Health Services, Dima Hasao in a tum bawk a nih.

Medical camp el ni lovin HSA chun Doiheng mipui le khawsung thuoitu hai kuomah 'Stop Illegal Killing of Birds' ti thupui hmangin ngenna an siem bakah Banner hai tarna an nei sa bawk. Doiheng khuo a hin vate (Migratory Birds) chi dang dang kum tin an hung fuonkhawm hlaka, hi thil lei hin nasatakin mi ngaiven a hlawa, a en dingin Foreign anthawk dam in Doiheng khuo hi an hun pan hlak a nih.
Don't Miss
© all rights reserved
made with by Simon L Infimate