Responsive Ad Slot

Sûnna: Captain Singlienkung @ Captain S. J. Hriler (76)

Monday, July 9, 2018

/ by VIRTHLI HMAR
Captain Singlienkung @ Captain S. J. Hriler (76) 
(1942 - 2018)

A natna: Tukum kum bul tieng khan Phingpui Cancer bakah Zunthlum, mitliem an lo invawi hmusuok ani a, Super Care Hospital, Shillong ah a phingpui Operation thaw a ni a, ICU ah ni 13 lai a um a, hung tha tung peiin, siet lo tuok pal thut khawma tiin a ditthlangnain Rengkai ngeia thi a nuom thu hrila, Rengkaiah inhluoa umhmun khuor a lungril a, chuonglai zing chun, a makpa Jimmy Hrangate in ruok chu a remchang leiin an hluo tah a nih.


Thi hun: A natna le inzawmin Dr. Ginte le Dr. Maryjone hai rawnin enkawl zing a ni a, amiruokchu zani 8 July, 2018 zing 10:30 khan a chau zuol thut leiin Churachanpdpur District Hospital, Medicine ward ah admit a ni a, nisienlakhawm a natna chi hran hran a kei tuong leiin tha el thei lovin a um ta a, zantieng 5:30 PM khan chatuonram a mi lo inlawisan tah a nih.

Vuini: Rengkai, July 09, 2018

A chanchin tawi: Captain Singlienkung @ Captain S. J.  Hriler hi (L) Thangkhawkam Zote le (L) Rokim F. Tusing (L) hai inkara rila ra nau malsawmna an dawng hai laia naupang tak hung ni dingin March 3, 1942 khan Lungthulien, Manipur-ah a hung pieng a, inchukna tieng chu 1963 khan Matric Guwahati University ah a passed a, Army Medical Corp hnuoiah inziek tlingin, 1969 khan Commission (IMA) a hung inziek kai nawk a nih. 1986 khan D.th Singapore-a a zo a nih. Chun, 1993 khan Zonal Co-ordinator of Madurai Kamaraj University in East India niin, National Institute of Research for Exellence (Mizoram) a ni bawk. Lekhabu hieng Hmar- English Word Finder, Spoken English (Speak Better English) ti hai le adang dang Hmar tawng le saptawngin lekhabu 10 chuong laizet a lo buotsai hman a nih. Chun Director Mellinium Security Agency Pvt. limited. lo indintu khawm niin Rastrya Ekta Award by Global Economic Council 1990 for outstanding Achievment and Contribution hai chen lo dawng phak ve a nih.

Pi Lalbiekkim Buongpui, Rengkai leh 1972 khan dan angin in neiin. Pathien malsawmna rila ra nau nuhmei pathum le nau pasal pakhat an nei a, tu khawm 10 lai a hmu hman a nih: A nauhai chu:
1. Mrs. Buonglienkim, H. Lalrawngbawl, a nuhmei, (Assistant Head Master, Saikot Govt. H/S sin thawlai le Rengkaia um mek a nih.
2. Mr. David Lalkulsang a nuhmei Lami niin nau pasal 3 pathum neiin, tuhin Jowai, Jantia Hills, SSA, Teacher sin thaw lai mek a nih.
3. Mrs. Marylyn  W/o Jimmy Hrangate, Second in Command. BSF, niin tuhin J& K-ah an Post mek a nih.
4. Miss Amy Grace, Mascom zoin tuhin sin zawng lai mek a nih.
Don't Miss
© all rights reserved
made with by Simon L Infimate