Huonveng (Haflong), July 05, 2018, Virthli (ONP): HSA Assam Hills Joint Headquarters huoihawtna hnuoiah vawisun khan Huonveng Community Hall, Haflong a Education Awareness programme hmang ani a, zing dar 10:30 anthawk programme hi hmang tan in, zantieng dar 4:30 vel a suk tawp a nih. Programme hmang ding hin Muolhoi anthawk HSA Assam Hills JHQ thuoitu hai baka HSA Jt. Higher Secondary & Colleges Unit le HSA Muolhoi Unit thuoitu thangsa in mi 21 an fe a, HSA GHQ anthawk Pu Josef V Tuolor, Gen. Secretary le Pu George Mang Neihsial, Secy. Social & Cultural hai baka Huonveng Village Authority, nu le pa haiin an uop sa bawk.
Hla tieng panga Huonveng EFCI Choir hai le Tv. Jubilee S Thiek haiin thiem takin mipui fekhawm hai an in awi a, Programme zo ah HSA Assam Hills JHQ hai chu HSA Huonveng Unit le Khawtlang thuoitu haiin inpawltlangna le bu faktlangna an nei pui. HSA Huonveng Unit haiin iengkim arrangement an lo thaw dan enin JHQ thuoitu hai chun an inpak hlea Pu John Mark Pena President, HSA Assam Hills JHQ chun ei palai a hril.
Hi huna resource persons hai chu:-
1. Rev. Kawlthanglien infimate, Career Counsellor, HSA Assam Hills JHQ
(Role of parents in Education)
2. Dr. Solomon V. Faihriem, Career Counsellor, HSA Assam Hills JHQ
(Health & Sanitation)
3. Pu Manthang Parate, Adviser, HSA Assam Hills JHQ
(Economic Development)
4. Pu Josef V. Tuolor, GS, HSA GHQ.
(Importance of Basic Education)
