Responsive Ad Slot

YMA in nau tamtak nei dingin ngenna a siem

Sunday, June 17, 2018

/ by VIRTHLI HMAR
Aizawl, June 17, 2018 (HT/Virthli-ONP): India national policy in mihriem an tam tak leia nau nei tlawm ding a ti laiin, Kristien state Mizoram a chun Young Mizo Association (YMA) in tamtak nau nei dingin ngenna a siem. YMA chun Mizoram a hin hmun awl lien tak hluosip ding a la um leia tamtak nau nei dinga thurawn chu a siem a nih.

Tuta Mizoram population dungzuiin sq km khat peiah mihriem 52 pei an um anga sût a ni a, chuleiin, Mizoram hi India a density inhnuoi tak Arunachal Pradesh dawttu a nih. 2011 census dungzuiin Mizoram a hin mihriem 11 lakh an um a, YMA chun, Mizoram a hmun ruok lien tak hi mumal taka hluo an ni nawh tiin a hril.

YMA thusuokin a hril pei dan chun, Mizoram population chu Bihar le UP district pakhat ang chau a nih tiin a hril. Mizoram mihai an inthlapung hrat chun, state sungah ‘illegal immigrants’ an tlawm pha ding niin an hril a, anni chau ni lovin, Mizoram Kohran khawmin nau tamtak nei chu an thlawp ve niin YMA chun a hril bawk.


Don't Miss
© all rights reserved
made with by Simon L Infimate