Responsive Ad Slot

Sipuikawn ah electric meivar la lut naw le inzawmin inthungkhawmna nei; lam hrawna nei tum

Monday, June 18, 2018

/ Posted by VIRTHLI HMAR
Sipuikawn, June 18, 2018, Virthli (ONP): Zani (June 17, 2018) khan Sipuikawn Joint Department ințhungkhawmna nei ani a, hi huna hin Sipuikawn khawsunga tuchena electric meivar (power supply) la hmu naw zing chungchang ngaituo a nih. Chun, khawsunga electric ban/post hai phun zo lo le transformer khawsunga ding inngir a la ni naw hai hriltlangna an nei bawk.


Hi inthungkhawm chun hung tlung ding June 23, 2018 chena, electric department tieng panga hmalatuhai hmel an la hmu naw rawp chun an lungawi naw zie inentirna dingin mipui pungkhawm in lamhrawna nei dingin thuthlukna an siem a nih. Sipuikawn hi power station innghatna nisienlakhawm tu chen hin electric hrui/wire hai keizam le thil dang dang zo fel lo vawng ani thu hai an hril a, Sipuikawn 132/33 KV Power Sub-Station ah power peklut vawng a ni tah a, electric post le a line buoipuitu hai ngaiven naw leia power khawsunga lut lo niin an hril bawk a nih.

Hi lamhraw hnunga ngaiven a la ni naw rawp chun thuneitu insang lemah a thei china hmalak an tum thu an rel sa bawk a nih. Power station hawnga um khan an hma tienga electric meivar khawsungah peklut dinga thuneituha'n an tiemkam ani a, an intiemkam anga a um naw hi mipui lung a awinaw hle thu le mipui nawrna leia țhuoituhaiin hiengang hin an rel tah a nih. (input: Best Julyboy Leiry)
Don't Miss
© all rights reserved
made with by Simon L Infimate