Haflong, May 18, 2018, Virthli (ONP): Liemtah 07.04.2018 ni a Retzawl, N.C Hills, Assam a vangduoithlak taka Kângmei laka siettuok hai ṭhangpuina chu a la chawl nawh. Vawisûn 18.05.2018 (Zirtawpni) khan HYA NC Hills Joint Headquarters hmalâkna in Pu Zara Joute HYA Adviser, hai in-ah Gas Stove Set le Cylinder chu siettuok hai kutah Pu Zara Joute Adviser HYA le Tv. Sumneikung Ṭhiek President, HYA NC Hills JHQ. haiin inhlânna an nei. Siettuok hai hi sungkuo hni an ni a Haflong chen a hin HYA Retzawl Branch in an hung ṭawiawm a nih. Chun, District Disaster Management Committee khawma ṭhangpuina pêk an intiemna anga an pêk vat theina dingin HYA Jhq hin hma a lâk pui ding thu an hril bawk. Retzawl HYA President Pu P.L Tuolor chun Ṭhuotu hai kuomah lawmthu hrilin hmatieng peia khawm ṭhangruola hmalâk zawm pei a beisei thu a hril bawk. Hieng siettuok sungkuo hai kut a hin HYA le HWA Jhq. hai chun kha hma khawm khan relief fund le thil pawimaw ṭul dang hai khawm thei ang angin an lo inhlânna tah bawk a nih.
