Responsive Ad Slot

Ginger Festival-ah CM Biren Singh khuollienin a thang ding

Wednesday, April 4, 2018

/ Posted by Simon Infimate
PHERZAWL, April 04, 2018 (HT): Hungtlung ding April 19-20, 2018 hai khin Ginger Festival Organizing Committee, Pherzawl District, Manipur huoihawtnain Parbung, Pherzawl District, Manipur-ah ni 2 sung aw ding 1st State Level Ginger Festival-cum- Business Summit puithu taka hmang tum a nih. Programme hi Day I le II session hran hrana the a ni a. Hun kar lakah Cultural Programme le Seminar-cum-Workshop hai nei ni bawk a tih. April 19, 2018 10:30 AM khin session -1 ah Festival hawngna programme hmang ning a ta, hi huna hin Manipur Chief Minister N. Siren Singh khuollienin thang a ta, Chief Host in Pu Vungzagin Valte, MLA, Thanlon A/C thang a ta, functional president in Pu Th. Shyam Kumar, Minister (Horticulture), Govt. of Manipur thang a tih.

Day-I1 April 20, 2018 a chun Pu Th. Bishwajit Singh, Minister ( PWD, Rd & Panchayati Raj, IDPR, Industries & Com, Adm. Reforms), Govt. of Manipur khuollienin thang a ta, Guest of Honour in Pu T.T. Haokip, Chairman, HAC le functional president in Pu V. Hangkhanlian, Minister. (Agri. Vety & AH) thang a ta, Chief host in Dr. Chaltonlien Amo, MLA Tipaimukh A/C thang a tih.

A nikhatni hin Ginger Product exhibition le competition hai bakah cultural program, cultural dance, hna mut, Theihle mut, le perkhuong zut hai nei ning a ta. A ni hninaa hin Seminar-cum-workshop hai khawm nei ning a tih.

Festival sung hin Pu Laltuoklien (pistol puokruk), Mami Sinate,  Lawmnakim hrangate, eljay Ngaite, Christina Shakum, Hossanmawi Songate le Ginger Choir han hla sakin mipui inawi bawk an tih.

Manipur a chun Kachai hmunah Lemon Festival, Tamenelong-ah Orange Festival le Andro, Imphal East- ah Pineapple festival hai hmang a lo nita a, Pherzawl District ngeia 1st State Level Ginger Festival hmang a ni ding thu hi Manipur Horti & Soil Conservation Minister Thounaojam Shyamkurnar chun tuta hma meta Manipur Assembly huna khan a lo hrillang ta a nih.


Hi Festival thiltum chu Manipur state sunga Ginger (Aithing) tamlem thar suok le Aithing chingtu hai ta dinga hamthatna le an ngirhmun siemthat a nih.

Festival hmang ding le inzawm hin Organ/Mg Committee chun inpuochana ngawr takin an nei mek a nih.

Don't Miss
© all rights reserved
made with by Simon L Infimate