Responsive Ad Slot

Buoina FC ti hi lo belchieng ei tih aw...

Saturday, April 7, 2018

/ Posted by VIRTHLI HMAR
-LRS Puruolte

Buoina Football Club @Buoina FC hi a hung suok dan tak chu danglam le ropui ve tak chu a lo nih! Pu T. Romeo Hmar hi mi tam tak hriet angin mihai buoina sukkieng dinga hma latu a ni rawp hlak a. A bik takin a'n pek zona le a nina hai leiin NE India mihaiin ei hrietlarin ei sawr hle a nih... Mi haiin an buoina (harsatna le mangangna) chi tum tum hai leia telephone/mobile phone Call khawm a dawng rawn thei hle a, Call a dawng hun hai reng reng ah 'Hello!' ti ṭawngkam hmang loin 'Iem buoina? (A umzie: ieng am buoina i nei?/ieng am i buoina?)' ti ṭawngkam hi a hmang uor em em hlak a... A umzie tak chu english a 'May I Help You?' le Hmar ṭawng a "Ṭhangpui theina che ka nei am?" ti leh thuhmun char an nih! A naupa Master Onis T. Buhril (4 yrs) khawmin a pa (a papa) ṭawngkam 'Iem buoina?' ti chu a pa hming ang hiel el in a hung hrietbel hne em em a, 'Buoina, Buoina...' a ti hlak (naupang ta ding chun a environment a zirin chuong anga thil um chu a awm ve tho...). A nu le pa ruolhai/mihai khawmin 'Iem buoina?' ti ngawtin Onis chu an hung ko pha ta hiel a nih.


Chuong ang pei chun a nu le pa le an ruolhai chu an inbiek chang hai 'Hello!' ti neka 'Iem buoina?' tia telephone/mobile phone Call hrim hrim lo dawn hmasa hlak anni rawp bawk a, chu khawm chu hi football club hming hung suok phutna a ni nawk tah pei bawk a nih.

An club hming hi a danglam rieu leiin ngaiven khawm a hlaw rieu a, ṭhenkhat chun buoina ngaisang ding le buoina siem chak lawp lawp dinga zuk sawn pal thei a nih. Chuong ang a zawng chu niloin mihai buoina (harsatna le mangangna) sawmdawltu an la hung ni sunzawm pei ding a nih...

Chuong ang pei chun an ni hai hi mihai ṭhangpui nuom mi niin tuta The 15th Manipur State Level Hmar Martyrs' Trophy 2018 (football tournament) @Saikot Playground Apr. 3-May 16 sunga um a khawm hin Buoina FC ti hming chawiin an suok ve a. An 1st Match Apr. 7 @1:30pm Results chu FC Pallai leh in tawngin 4-1 in Full Time ah an hrat. Anni hin 1st half ah 6 mins sungin an khingpui hai goal ah goal 2 lai an thun hman a, tuchen ah chu tuta tournament femek ah record danglam deu siemtu an nih. Buoina FC Goal Scorers: Khangam (9) 4:50", Kali Kali (11) 6:21", Khanngam (9) 37:30", Sailesh (13) 71:00" & FC Pallai Goal Scorers: Ginmuansang (9) 62:00".

Buoina FC Owner hi International Singer ni phak ngat Mrs. Roslyn Lalumpui w/o Mr. T. Romeo Hmar, Brand Ambassador, Kaziranga University; Convenor, MTFD; Jt. Secy., Hmar FC; Vice Chairman, Delhi Hmar Welfare Assn.; Delhi Police NE Representative; President, NE Tribal Union; Coordinating Secy., NE Committee & Monitoring Cell, Delhi Govt. & etc. niin Manager Mr. Emmanuel Sungte, Coach Mr. Ramsangthang Infimate, Chief of Pherzawl & Prop., M/s RS Automobiles le Co-Founder Mr. Robert S. Hmar hai an nih a, an squad hai khawm insit an um naw hle. Anni club inkhel hi mi tam tak lo ngaiven a nih. An 1st Match a hun le hmun ngei a en thei hai kha mi vangnei chungchuong tawp an nih. Next match chu nang khawm a hun le hmun ngei ah en ve tum ta rawh.

14/4/2018 (Sat)= 3:00pm
Saidan YC v/s Buoina FC
23/4/2018 (Mon)= 1:30pm
Tuiring FC v/s Buoina FC

An  fans Jersey i dit a, inchawk nuom ve a ni chun Special Offer an pek che a, +91-9810874663
Call rawh. A man chu a size chin le a lien ₹150 and above a ni tawp!...
>>
Takchapa! Come on
Lets Football
SUPPORT YOUR TEAM
Buoina FC
"Iem buoina?..."

Powered by
Kaziranga University
Don't Miss
© all rights reserved
made with by Simon L Infimate