~ Eden H Pena
Mitin in inpâk ei lawm seng, amiruokchu hi article hi lo tiem sin rawh
Jonnie Barnett chu kum 30 vel liem ta khan Marville, Tennessee a Club pakhat ah ahnuk chawmna dingin hla asak lau lau hnung chun in an lawia, lampuiah laklaw deu hin buoina a tuok ta thut el a, a car ke a thêp peka, zân inthim sa tak hnuoia chun a buoisie ta hle el a, chu zan chun an ngaise a, țhangpuitu hmel a hmu hlau ani chun chu hmel tluka țha chu um thei dingin a ring nawh.
Mihai chun an tlan pel zung zung khawm ring a um, a lungril hrie ni hai sien chu an va țhangpui awm de aw!!
A Jaguar car siet tieng pan tah chu ake tak ala hang se pek nawk kher kher, țhangpuitu hmel hmu beisei in lam sira chun a ngir zinga, a motor ke sie chu ama chaua hang siem el chi ani naw leiin motor dang hung tlan hai chu lo phar chat ahang tum hlaka; sienkhawm țhangpui chi ah an ngai naw mani ding, a phar chat hai khawm chun Jeriko lampuia thiempuhai ang el khan an maksan nawk pei sia, Barnett chu abeidawng tak zet a nih.
Sienkhawm hringna ala tawp nawa, hun hi sana bân in 'chek...chek' ala ti sung chu beiseina meisi la hung ințêk sar sar khawm chun meipui in alan chang thei hlak a nih hi!! Ni e, Barnet ata ding chun chu zan inthim sa tak ah chun beiseina khawm anei ngam ta naw hnungah thleirawl kum 19 mi hin pickup truck a hung khal phei bap bapa, Barnet akuom a hungtlung chun a ngir a, "Buoina I tuok amani pu"
Chu thleirawl chu Silchar phairuoma driver la ni ve ngei tuma bufai phur truck handyman sin hai khawm lo trained hrep tah ang el hin Barnet a motor hnuoia hai chun zei deu hin an rawl luta, asiem a siema, a siemțha chu ani ta der el. A siem zo chun hang fe a tuma, Barnet chun lawmthu hril na'n dollar 20 pek ahang tuma, chu theirawl driver chun alak nuom ta der dal a!! Alak nuom naw el chau ni loin, "Pu, mi pek angai naw reng reng, ka laka hin iengkhawm bat I nei nawh" ala hang ti ta deu deu.
Sienkhawm Barnet chun alawm em leiin pek ahang tum nawka, a țawngkam thiemna po po chun lawmthu a hrilsa mawl mawl bawka. Chu thleirawl driver chun dollar 20 le apek tumtu pa hmel khawm chu amel sin nuom naw reng renga. Sum le lawmthu adawng nuom naw ringawt khawm chu a puitling tlak ta vei leh, chu thleirawl chun vantirko țawngkam ni awm tak hi ala hmang zui ta deu deu! Chu țawngkam ditum tak le mawi tlukpui chu hi khawvelah hin atam naw khop el. "Pu, lawm leia lawmman imi pek nuom tak tak ani chun, nakie leh mi dang țhangpui ngai ihmu hunah lo țhangpui ve la, chuong ang huna chun mi hre suok de tini" ati ta daia.
Driver a inthawka hla
Jonnie Barnett chun chu thleirawl driver țawngkam chu iengtik lai khawm a theinghil nekin atak ram thawnthu tawi aziek pha ta a. Chu thawnthu tawi besan chun aruolpa Rory Lee leh hi country hla ditum tak el - 'The Chain of Love' hi an phuok a nih.
Tu hriet zui lo driver leia hla hung pieng hi amei mei nawa, hi hnuoia ei dam sunga zawm ngei chu thawnthu ropui tak a nih.
Vawikhat zantieng deu hin mi pakhat hi a in tieng panin a Pontiac car chun a thlana, a tlan par par lai chun lamsira hin nu pakhat tar tieng pan tah hin alo khâm a, chu nu tar Mercedes car chu asie a nih. Chu khuo kar lampui re rui el ah chun beidawng le țium a tuok khel ah harsatna tuok pumin chu nu tar tieng pan tah chun țhangpuitu a mamaw ngai ngawi ti a hrieta, vûr sur hnuoia chun a ngira, dei ati em lei chun an thin bap bap a, chu nu țhangpui ding chun a motor a inthawk chun an chawmthla a, -"Pi, thlaphang naw rawh, nang țhangpui dingin ka hung a nih" ti pum chun, ka hming chu Joe a nih, ahang ti zawm zata. Chu pitar chu alawm hlum naw cho a nih. "St. Louise tieng mi ka nia, kan zin kuol vel mei mei a nih. I hma ah khan car aza telin an milo tlansan tah annawm, I chunga hin ka lawm tak zet a nih a tia, lawmthu a hril mawl mawla.
Joe chun chu pitar car sie chu ahang siem pek zung zunga, a tlan nawk thei nghala. Pitar chun Joe kuoma chun " I lak hin bat ka va hang hau de aw!! ti pum chun lawmthu hrilna in a mansa chu ahang phawra, Joe ruok chun a tangka ang zawngin hringnun hi alo thlir ve nawa, hieng hin a dawna, "Ka laka hin iengkhawm bat I nei nawa, nang ang bawk hin țhangpui ngaiin kalo um ve tah a, mifel tak pakhat in țumkhat chu a milo țhangpui ve tah annawm, ami țhangpui dan angin kei khawmin ka țhangpui el che ani, lawmthu hrilna dinga pawisa imi pek nuom tak tak ani chun hieng ang hin mihai lo țhangpui ve pei la, hi sungril nun khaidiet hi nang ah intawp tir el naw rawh"
Lawm em em pumin chu pitar chu an khal suok nawk tah a. Mêl khat vel a tlan hnung chun lampui sira fakthei le thil ramtin inchawkna (cafe) chiterek ah hin a luta. Chu cafe a nuhmei pakhat chun innui sai (smiling face) pumin fak ding a hung peka. Thil afak mawl mawl lai chun afak ding hung pek nu chu ahang en chienga, inrai pûr tah le nau nei hun ahlat tak naw leia taksa chakvak talo ani ti ahriet nghala. (Chuong anga lan hlaw ta chu anau nei ding sengso ding zawng ani aring khawm ani el thei chu pitar chun)
Pitar chun chu inrainu chanchin chu akip a kawiin a hriet vawng nawh. A hriet zui ding ngai reng reng ta naw ding khawm ani thei. Sienkhawm țhangpui ve thei dan neiin an hriet ta tlat a. Chuongchun afak mana dingin dollar 100 apeka, inrainu chun a hung let kir ding khawm nghak talo chun chu pitar chu an thungnaah chun hmur/kut vel hrûkna (napkin) ah chun inrainu tiem dingin Joe in a kuoma ahril kha a zieka, a maksan tah a.
"Ka lakah hin iengkhawm i bat naw e, nang ang bawkin țhangpui ngaiin kalo um ve tah a, mifel tak pakhat in ami țhangpui ve tah annawm, ami țhangpui dan angin kei khawmin ka țhangpui ve che a nih. Lawmthu hrilna dingin pawisa imi pek nuom tak tak ani chun hieng ang hin mihai lo țhangpui ve pei la, hi sungril nun khaidiet hi nang ah intawp tir el naw rawh"
Chu zana hotela inthawka inrainu in inlawi chu a lungril a hlim em em a, innui pumin apasal khuma lo zal tah kuoma chun ahang inrawl lut vea, dollar 100 anei dan le napkin a thu inziek chu a ngaituo tah tah, apasal lo in tah kuoma chun "iengkhawm lungngai ding a um ta nawh, iengkim afel vawng tah e, ka hmangai che...Joe ti pum chun lungawi takin a in ve tah a..
Rawngbawl dinga sandam
Hi hla hi iengtik huna mani chu lo ngai ve rawh. Hlim taka innui bawr bawr lai khan mi tumani chu khawlai hmun kilkhawra mani lungngaiin an dawm kuna, mi tumani chu nanga inthawk hmangaina, ngilneina kha alo nghak zing el thei. Mi danghai țhangpui ding hin mi chin taluo le lien taluo a um si nawa.
Hi hla thilthawthei dinga mihriemhai mi ko tu- 'The Chain of Love' hi a saktu Clay Walker khawmin aman fuk ve khop el. Hi hla ahriet hmasak tak țum khawm thil mak danglam takin ama ah sin athaw nin a hrieta, thlawmte thaw ve chaua ei inhriet hlak lai hin thil ropui tak tak ei lo thaw ran thei ti a mansuok ve chieng hle.
Vawikhat khawm, "vuongna in Dever kan vuong luta, Bus ah kan chuong hnungin restaurant ah kan chawla, pa pakhat, fit 6 chuong vela insang hin kan dawkan tieng chu hung ngha in ' I hla anga mi themtu hla dang kala ngai ngai nawh ka lungril hi midang kuoma ka hril ngai nawh' a tia, an her hmanga, afe hmang ta deia. Thu dang iengkhawm a hril nawh, autograph khawm ami hni nawh" tiin Walker chun ahril.
Chuong ang vel chu ani, țhangpuina kutin thucha thienghlim le hring a hril hlak dan chu!! Samari mițha tekhin thu ah khan, nangkhawm chuong ang chun thaw ve rawh ati kha.
Mitin in inpâk ei lawm seng, amiruokchu hi article hi lo tiem sin rawh
Jonnie Barnett chu kum 30 vel liem ta khan Marville, Tennessee a Club pakhat ah ahnuk chawmna dingin hla asak lau lau hnung chun in an lawia, lampuiah laklaw deu hin buoina a tuok ta thut el a, a car ke a thêp peka, zân inthim sa tak hnuoia chun a buoisie ta hle el a, chu zan chun an ngaise a, țhangpuitu hmel a hmu hlau ani chun chu hmel tluka țha chu um thei dingin a ring nawh.
Mihai chun an tlan pel zung zung khawm ring a um, a lungril hrie ni hai sien chu an va țhangpui awm de aw!!
A Jaguar car siet tieng pan tah chu ake tak ala hang se pek nawk kher kher, țhangpuitu hmel hmu beisei in lam sira chun a ngir zinga, a motor ke sie chu ama chaua hang siem el chi ani naw leiin motor dang hung tlan hai chu lo phar chat ahang tum hlaka; sienkhawm țhangpui chi ah an ngai naw mani ding, a phar chat hai khawm chun Jeriko lampuia thiempuhai ang el khan an maksan nawk pei sia, Barnett chu abeidawng tak zet a nih.
Sienkhawm hringna ala tawp nawa, hun hi sana bân in 'chek...chek' ala ti sung chu beiseina meisi la hung ințêk sar sar khawm chun meipui in alan chang thei hlak a nih hi!! Ni e, Barnet ata ding chun chu zan inthim sa tak ah chun beiseina khawm anei ngam ta naw hnungah thleirawl kum 19 mi hin pickup truck a hung khal phei bap bapa, Barnet akuom a hungtlung chun a ngir a, "Buoina I tuok amani pu"
Chu thleirawl chu Silchar phairuoma driver la ni ve ngei tuma bufai phur truck handyman sin hai khawm lo trained hrep tah ang el hin Barnet a motor hnuoia hai chun zei deu hin an rawl luta, asiem a siema, a siemțha chu ani ta der el. A siem zo chun hang fe a tuma, Barnet chun lawmthu hril na'n dollar 20 pek ahang tuma, chu theirawl driver chun alak nuom ta der dal a!! Alak nuom naw el chau ni loin, "Pu, mi pek angai naw reng reng, ka laka hin iengkhawm bat I nei nawh" ala hang ti ta deu deu.
Sienkhawm Barnet chun alawm em leiin pek ahang tum nawka, a țawngkam thiemna po po chun lawmthu a hrilsa mawl mawl bawka. Chu thleirawl driver chun dollar 20 le apek tumtu pa hmel khawm chu amel sin nuom naw reng renga. Sum le lawmthu adawng nuom naw ringawt khawm chu a puitling tlak ta vei leh, chu thleirawl chun vantirko țawngkam ni awm tak hi ala hmang zui ta deu deu! Chu țawngkam ditum tak le mawi tlukpui chu hi khawvelah hin atam naw khop el. "Pu, lawm leia lawmman imi pek nuom tak tak ani chun, nakie leh mi dang țhangpui ngai ihmu hunah lo țhangpui ve la, chuong ang huna chun mi hre suok de tini" ati ta daia.
Driver a inthawka hla
Jonnie Barnett chun chu thleirawl driver țawngkam chu iengtik lai khawm a theinghil nekin atak ram thawnthu tawi aziek pha ta a. Chu thawnthu tawi besan chun aruolpa Rory Lee leh hi country hla ditum tak el - 'The Chain of Love' hi an phuok a nih.
Tu hriet zui lo driver leia hla hung pieng hi amei mei nawa, hi hnuoia ei dam sunga zawm ngei chu thawnthu ropui tak a nih.
Vawikhat zantieng deu hin mi pakhat hi a in tieng panin a Pontiac car chun a thlana, a tlan par par lai chun lamsira hin nu pakhat tar tieng pan tah hin alo khâm a, chu nu tar Mercedes car chu asie a nih. Chu khuo kar lampui re rui el ah chun beidawng le țium a tuok khel ah harsatna tuok pumin chu nu tar tieng pan tah chun țhangpuitu a mamaw ngai ngawi ti a hrieta, vûr sur hnuoia chun a ngira, dei ati em lei chun an thin bap bap a, chu nu țhangpui ding chun a motor a inthawk chun an chawmthla a, -"Pi, thlaphang naw rawh, nang țhangpui dingin ka hung a nih" ti pum chun, ka hming chu Joe a nih, ahang ti zawm zata. Chu pitar chu alawm hlum naw cho a nih. "St. Louise tieng mi ka nia, kan zin kuol vel mei mei a nih. I hma ah khan car aza telin an milo tlansan tah annawm, I chunga hin ka lawm tak zet a nih a tia, lawmthu a hril mawl mawla.
Joe chun chu pitar car sie chu ahang siem pek zung zunga, a tlan nawk thei nghala. Pitar chun Joe kuoma chun " I lak hin bat ka va hang hau de aw!! ti pum chun lawmthu hrilna in a mansa chu ahang phawra, Joe ruok chun a tangka ang zawngin hringnun hi alo thlir ve nawa, hieng hin a dawna, "Ka laka hin iengkhawm bat I nei nawa, nang ang bawk hin țhangpui ngaiin kalo um ve tah a, mifel tak pakhat in țumkhat chu a milo țhangpui ve tah annawm, ami țhangpui dan angin kei khawmin ka țhangpui el che ani, lawmthu hrilna dinga pawisa imi pek nuom tak tak ani chun hieng ang hin mihai lo țhangpui ve pei la, hi sungril nun khaidiet hi nang ah intawp tir el naw rawh"
Lawm em em pumin chu pitar chu an khal suok nawk tah a. Mêl khat vel a tlan hnung chun lampui sira fakthei le thil ramtin inchawkna (cafe) chiterek ah hin a luta. Chu cafe a nuhmei pakhat chun innui sai (smiling face) pumin fak ding a hung peka. Thil afak mawl mawl lai chun afak ding hung pek nu chu ahang en chienga, inrai pûr tah le nau nei hun ahlat tak naw leia taksa chakvak talo ani ti ahriet nghala. (Chuong anga lan hlaw ta chu anau nei ding sengso ding zawng ani aring khawm ani el thei chu pitar chun)
Pitar chun chu inrainu chanchin chu akip a kawiin a hriet vawng nawh. A hriet zui ding ngai reng reng ta naw ding khawm ani thei. Sienkhawm țhangpui ve thei dan neiin an hriet ta tlat a. Chuongchun afak mana dingin dollar 100 apeka, inrainu chun a hung let kir ding khawm nghak talo chun chu pitar chu an thungnaah chun hmur/kut vel hrûkna (napkin) ah chun inrainu tiem dingin Joe in a kuoma ahril kha a zieka, a maksan tah a.
"Ka lakah hin iengkhawm i bat naw e, nang ang bawkin țhangpui ngaiin kalo um ve tah a, mifel tak pakhat in ami țhangpui ve tah annawm, ami țhangpui dan angin kei khawmin ka țhangpui ve che a nih. Lawmthu hrilna dingin pawisa imi pek nuom tak tak ani chun hieng ang hin mihai lo țhangpui ve pei la, hi sungril nun khaidiet hi nang ah intawp tir el naw rawh"
Chu zana hotela inthawka inrainu in inlawi chu a lungril a hlim em em a, innui pumin apasal khuma lo zal tah kuoma chun ahang inrawl lut vea, dollar 100 anei dan le napkin a thu inziek chu a ngaituo tah tah, apasal lo in tah kuoma chun "iengkhawm lungngai ding a um ta nawh, iengkim afel vawng tah e, ka hmangai che...Joe ti pum chun lungawi takin a in ve tah a..
Rawngbawl dinga sandam
Hi hla hi iengtik huna mani chu lo ngai ve rawh. Hlim taka innui bawr bawr lai khan mi tumani chu khawlai hmun kilkhawra mani lungngaiin an dawm kuna, mi tumani chu nanga inthawk hmangaina, ngilneina kha alo nghak zing el thei. Mi danghai țhangpui ding hin mi chin taluo le lien taluo a um si nawa.
Hi hla thilthawthei dinga mihriemhai mi ko tu- 'The Chain of Love' hi a saktu Clay Walker khawmin aman fuk ve khop el. Hi hla ahriet hmasak tak țum khawm thil mak danglam takin ama ah sin athaw nin a hrieta, thlawmte thaw ve chaua ei inhriet hlak lai hin thil ropui tak tak ei lo thaw ran thei ti a mansuok ve chieng hle.
Vawikhat khawm, "vuongna in Dever kan vuong luta, Bus ah kan chuong hnungin restaurant ah kan chawla, pa pakhat, fit 6 chuong vela insang hin kan dawkan tieng chu hung ngha in ' I hla anga mi themtu hla dang kala ngai ngai nawh ka lungril hi midang kuoma ka hril ngai nawh' a tia, an her hmanga, afe hmang ta deia. Thu dang iengkhawm a hril nawh, autograph khawm ami hni nawh" tiin Walker chun ahril.
Chuong ang vel chu ani, țhangpuina kutin thucha thienghlim le hring a hril hlak dan chu!! Samari mițha tekhin thu ah khan, nangkhawm chuong ang chun thaw ve rawh ati kha.
