Muolhoi, March 13, 2018, Virthli (ONP): Hmar Inpui Office ah Village Goan Bura le Organisation dang dang hieng HYA, HPU, HSA, HWA hai fe khawmin Hmar Inpui NC Hills & Karbi Anglong huoihawtna in General Meeting nei a nih
Hun khatna-ah Ministry of Minority Affairs hnuoia hun sawttak anthawka Hmar Inpui hmalâkna hai chu Pu H.L Sanga Neingaite, President Muolhoi Village in palai fe khawmhai kuoma hrilhrietna a nei a, meeting ko nasan hai hrilin Hmar khuo 26 lai vel chun Development Scheme chi hrang hrang Additional Class Room (ACR), Hostel, Toilet, Water Tank le Medical Sub centre hai chu an lo hmu tah thu hai hrilin, sin hai chu ṭan el ta dingin work order hai khawm kei dawk ani ta thu hai a hril bawk.
Official thil a bawzuitu pawl dingin N.C Hills sunga Inpui tin in mawphurna NCHISF hai kuoma 2013 kum lai deia an lo pek anga ringum taka an bawzui na leiin a puitling thei ani thu hai hrilin Pu Rosang Hrangchal, President Hmar Inpui N.C Hills & Karbi Anglong Region chun lawmthu a hril. Chun Hmar khuo sûnga lût po hi crores iemanizat zet ani phâk a, hieng ang hi Council an'thawk khawmin ei la hmu nga inaw leiin Scheme lûtna Khuotin Goan Bura hai sinthawtu hai kawng iengkima ṭha taka hma lo la pui dingin a fiel bawk. Chun fekhawm Goan Bura tin le Organisation dang dang HPU, HWA, HYA le HSA hai chun tha taka sin hai sawrkar in ami pek ang taka sin thaw ani thei ngei na dingin hriltlângna nei ani a, chun tukhawma a kal zawng le a chawk buoi zawnga hma lo la lo dinga hril ani bawk. Khuotin GBs hai chun Hmar Inpui in an ring phak lo an khuosunga development an hung Thun hi mak an tiin an lawm hle thu hai hrilin Hnam Pa an ni zie an suk chieng hle thu tawplo in an hril tawl bawk a nih.
Chun Pu Nicholas Thiek, General Secretary Hmar Inpui chun fekhawm hai kuoma chun khuotin a schemes a lut dan hai hrilhriet in tuta schemes dang dang hmu a umhai hin ei tul po po lo phur hruk hne naw sienkhawm hmatienga schemes la hung um pei dinga hin Inpui chun theitawp an hung suo pei ding thu hai a hril a, chun proposal hrim hrim Inpui in ṭul le ṭha a ti anga Hmar hnam sunga mi hai alo pek ta hlak ang bawk in next proposal 15 Crores lai zet pêk nawk dinga um khawm hi Inpui hnuoia felfai taka pêk ani theina dingin khuotin a GBs hai chun an khuo senga an mamaw zuol biek hai chu an pawimaw i zira list in siema hung submit dinga hril an ni bawk.
Hi huna hin NCHISF President Tv. David keivom khawm fiel ani angin thuhril tawi a neina a chun ''Hmar Inpui in kawng iengkima in mi thlawpna leiin lawmthu ka hril a, a bul ei ṭan lai mi tam tak nuisaw ni inla khawm in mi ringzo na leiin hi chen hi Pathien in ami ṭhuoia tuta hi eiin ṭan na ani a hmatieng khawm nasataka ei ram develop na dingin ei theina zawn senga organization dang dang hai thangtlang in hma ei lâk tlâng a ṭul tak zet a nih,'' tiin Scheme chungchang ah hrilfiena tawite a nei bawk.
Hun hnina-ah Lt. General Pu SB Negi chun Chawimawina thilpêk Pu Lalhruoi Hmar, Muolhoi chu a pek nuom leiin 15th March hin Muolhoi community Hall a ngei programme an hung siemna thu a hnam sunga Organisation hai kim taka ṭhang seng dingin Hmar Inpui chun a fiel. Hi huna hin DC,SP le Army tienga an hotulien hai tam tawk tak hung dinga beisei an nih. Pu Lalhruoi Hmar hi PoW (Prisoner of War) 1971 Pakistan le India indo lai a Pakistan jail a kumkhat le ni sawmpariet (1year and 18days) lai zet lo intang, ama hi N.C Hill a Prisoner of War a dam la um sun a nih. Program hi phuisui taka hmang dinga in puocha tum a nih.
Hun khatna-ah Ministry of Minority Affairs hnuoia hun sawttak anthawka Hmar Inpui hmalâkna hai chu Pu H.L Sanga Neingaite, President Muolhoi Village in palai fe khawmhai kuoma hrilhrietna a nei a, meeting ko nasan hai hrilin Hmar khuo 26 lai vel chun Development Scheme chi hrang hrang Additional Class Room (ACR), Hostel, Toilet, Water Tank le Medical Sub centre hai chu an lo hmu tah thu hai hrilin, sin hai chu ṭan el ta dingin work order hai khawm kei dawk ani ta thu hai a hril bawk.
Official thil a bawzuitu pawl dingin N.C Hills sunga Inpui tin in mawphurna NCHISF hai kuoma 2013 kum lai deia an lo pek anga ringum taka an bawzui na leiin a puitling thei ani thu hai hrilin Pu Rosang Hrangchal, President Hmar Inpui N.C Hills & Karbi Anglong Region chun lawmthu a hril. Chun Hmar khuo sûnga lût po hi crores iemanizat zet ani phâk a, hieng ang hi Council an'thawk khawmin ei la hmu nga inaw leiin Scheme lûtna Khuotin Goan Bura hai sinthawtu hai kawng iengkima ṭha taka hma lo la pui dingin a fiel bawk. Chun fekhawm Goan Bura tin le Organisation dang dang HPU, HWA, HYA le HSA hai chun tha taka sin hai sawrkar in ami pek ang taka sin thaw ani thei ngei na dingin hriltlângna nei ani a, chun tukhawma a kal zawng le a chawk buoi zawnga hma lo la lo dinga hril ani bawk. Khuotin GBs hai chun Hmar Inpui in an ring phak lo an khuosunga development an hung Thun hi mak an tiin an lawm hle thu hai hrilin Hnam Pa an ni zie an suk chieng hle thu tawplo in an hril tawl bawk a nih.
Chun Pu Nicholas Thiek, General Secretary Hmar Inpui chun fekhawm hai kuoma chun khuotin a schemes a lut dan hai hrilhriet in tuta schemes dang dang hmu a umhai hin ei tul po po lo phur hruk hne naw sienkhawm hmatienga schemes la hung um pei dinga hin Inpui chun theitawp an hung suo pei ding thu hai a hril a, chun proposal hrim hrim Inpui in ṭul le ṭha a ti anga Hmar hnam sunga mi hai alo pek ta hlak ang bawk in next proposal 15 Crores lai zet pêk nawk dinga um khawm hi Inpui hnuoia felfai taka pêk ani theina dingin khuotin a GBs hai chun an khuo senga an mamaw zuol biek hai chu an pawimaw i zira list in siema hung submit dinga hril an ni bawk.
Hi huna hin NCHISF President Tv. David keivom khawm fiel ani angin thuhril tawi a neina a chun ''Hmar Inpui in kawng iengkima in mi thlawpna leiin lawmthu ka hril a, a bul ei ṭan lai mi tam tak nuisaw ni inla khawm in mi ringzo na leiin hi chen hi Pathien in ami ṭhuoia tuta hi eiin ṭan na ani a hmatieng khawm nasataka ei ram develop na dingin ei theina zawn senga organization dang dang hai thangtlang in hma ei lâk tlâng a ṭul tak zet a nih,'' tiin Scheme chungchang ah hrilfiena tawite a nei bawk.
Hun hnina-ah Lt. General Pu SB Negi chun Chawimawina thilpêk Pu Lalhruoi Hmar, Muolhoi chu a pek nuom leiin 15th March hin Muolhoi community Hall a ngei programme an hung siemna thu a hnam sunga Organisation hai kim taka ṭhang seng dingin Hmar Inpui chun a fiel. Hi huna hin DC,SP le Army tienga an hotulien hai tam tawk tak hung dinga beisei an nih. Pu Lalhruoi Hmar hi PoW (Prisoner of War) 1971 Pakistan le India indo lai a Pakistan jail a kumkhat le ni sawmpariet (1year and 18days) lai zet lo intang, ama hi N.C Hill a Prisoner of War a dam la um sun a nih. Program hi phuisui taka hmang dinga in puocha tum a nih.
