Responsive Ad Slot

Hmar band The Pirates in pakhatna an lak

Monday, February 5, 2018

/ by Simon Infimate
Guwahati, Feb.05, 2018, Virthli (ONP): North-East India’s Biggest Cultural Fest tia an ko hiel, IIT Guwahati hai festival Alcheringa 2018 huna band inelna Rock-o-Phonix ah Hmar band The Pirates hai chun liemtah Pathienni zan, 4 February khan thiemtak nina an lo lak tah.

Hi inelna ah hin India hmun hrang hrang anthawkin band 28 lai an thang a, The Pirates in pakhatna la in, Astitva in pahnina an lak a, pathumna chu Radio City an nih. Rock-o-Phonix a lawmman po po belkhawm hi INR 3,70,000 lai zet a nih.


The Pirates hai hin Rock-o-Phonix winner an ni lei hin Jaisalmer, Rajasthan hmunah tuta thla tawp hin Rajasthan Festival nei a ni hun ah headline act in zu thang an tih. Virthli palaiin The Pirates hai inbiekpuina a neina a chun, “Za-ah za Pathien thilthaw lei lieu lieu a nih, a san chu talent ang zawnga thlir ding chun chu band dang kan inelpui hai laka chu baksam kan hau bik em em a. Pathien kuoma le a mi lo tantu sung-le-kuo, unau le ruoltha hai kuomah lawmthu kan hril a nih.” tiin an hril.

The Pirates band lineup:
Vocals: Jehova Tuolor
Guitars: Solon Hrangate
Bass: Thanghoulien
Drums: Jason Joute

Don't Miss
© all rights reserved
made with by Simon L Infimate