Responsive Ad Slot

Lekhabu thar ‘HMAR HLA SUINA’ tlangzar a nih

Thursday, December 21, 2017

/ Posted by VIRTHLI HMAR
New Delhi/CCPur, December 21, 2017, Virthli (ONP): Zani (Dec.20, 2017) khan Zoram Khawvel ziektu Pu Lalthlamuong Keivom, IFS (Retd.) in a ziek lekhabu thar ‘Hmar Hla Suina’ (Hmar History, Culture and Literature) tlangzar a nih. Hi lekhabu hi Rev. Thangngur a thi champha ngaihruina’n December 20 khera tlangzar a nih.

Hi lekhabu hih hmun hni-ah tlangzar a ni a. Sielmat, Tuithaphaiah Dawntlang - Thangngur Memorial Lecture hmang ani hunah Pu LB Sinate’n a tlangzar a, Prof. Laldena'n lekhabu thlirlawkna hun a nei a, Rev. Lalkhawlien Pulamte le Pu Thangsawihmang haiin critical analysis an thaw bawk a nih.



A ziektu in, Delhi-ah Pastor Lalsiesang Zote in a tlangzar bawk a nih. Delhi khawpuia lekhabu tlangzarna hun hi ziektu’n a fiel bik mi iemani zatin an uop a. Tv. Blessing Buhril in a lekhabu ‘preview’ zovin, Pastor Lalsiesang Zote’n Pathien kuomah inhlanin mitin tiem thei dingin a tlangzar a nih.

‘Hmar Hla Suina’ ziektu Pu L.Keivom in Hmar hnam damna dingin thu le hla le a ziek tieng thang lak a pawimaw hle ti a hriet leia hi lekhabu hi a ziek ni’n a hril a. Thangngur thlarau in Hmar hnam hi a la fang zing a, a la fang pei bawk ding ni’n a hril bawk.

Tlangzara um tah lekhabu thar ‘Hmar Hla Suina’ hi ‘Library Edition’, a kawm le ‘quality’ tha taka siem, phek 408 a sa, a ziektu naupa Pu James Lalropui Keivom, New York, USA in a ‘publish’ a nih. Bu khata cheng 500 man a nih.


Hi lekhabu a hin Hmar histawri, nunphung le thu le hla tam tak el ziektu a hlu lut a. Hnam ro tling lekhabu a nih.




Don't Miss
© all rights reserved
made with by Simon L Infimate