Rev. Darsanglien Ruolngul (82) chu November 29, 2017 zanril dar 12 vel khan lungphu chawl (stroke) leiin Churachandpur District Hospital ah a suong-le-kuo, a kohran, a rawngbawlpui hai hi khawvel a'nthawk a lo maksan tah a nih.
Rev. Darsanglien Ruolngul hi kum 1936 khan Muolvaiphei, Churachandpur, Manipur ah famtah Upa Lalau Ruolngul le Chawnglungthieng hai kara a pieng a nih. Inchukna tieng chu 1959 khan Gauhati university hnuoia BA a passed a, 1975 kumin Union Biblical Seminery, Pune ah BD a passed nawka, 1959-60 khan Sielmat Christian High School ah Vice Principal a nih.
1961-62 khan IBP Mission le ICI hnuoiah Field Superintenent sin a chel a, 1962-63 khan ICI Director a nia, 1980-86 khan Sielmat Bible College ah Principal a nia, 1994-2000 sung po kha ICI Executive Secretary sin a chel bawk a nih.
Khawtlang tlawmngaina thilah; 1975-89 khan Hmar Literature Society, Secretary sin a chel a, 1996-1999 khan Hmar Christian Leaders' Forum ah Chairman ani a, 1997 kum a Paite- Kuki buoi lai Chief Minister Risang Keishing sawkarna hnuoia Peace Committee a Chairman ani a, 1997 khan Tuibuong Peace Ground chu ama'n a hawng a nih.
A sin thaw that leiin Award khawm iemanizat a dawnga, Award a dawng thenkhat hai chu 1973 khan Christian Ministry, UBS-ah Paul Wood Award a dawnga, 1974 kumin UBS-ah UBS Good Conduct Award a dawng bawk. (Virthli)
Lekhabu khawm iemanizat a zieka, hienghai lai hin Commentary 4, Translation (hmar) 2 le Original work 8 lai an nih.
Rev. Darsanglien Ruolngul hi 1966 kuma ICI General Assembly ah Rev H.L. Bana in a lo ordained a nih.
A nuhmei Pi Darlienzo leh nau pasal 4 an neia, Sielmant a khawasa an nih.
