Responsive Ad Slot

Rawvakawt ah lamhrawna nei

Monday, November 6, 2017

/ Published by VIRTHLI
Rawvakawt, November 06, 2017, Virthli (ONP): Chanchin ei dawngdan chun vawituk dar 7:00AM khan Pherzawl District sunga um Rawvakawt khuo chun Job Car/MGNREGS le inzawmin lam hrawna (Rally) an nei. Hi Rally an neina san hi hunsawt tak el Job Card hlaw lak ta lo leia mipui in an lungawinaw le nuor thu an inentirna a nih. Hi chungthu hi HSA le HYA țhuoitu hai kuoma intlun in, HSA le HYA hai chun joint meeting an nei a, chutaka chun V/A hai kuoma mipui chanpuol job card hi sem vat ro tiin hun an pek a. Amiruokchu sem nuom lo in an uma, mipui lungawinaw leiin Rally hi nei a nih. Kum 100 le ti Rawvakawt khuo hi hluo tah hnunga hieng anga rally hi neiin ala um ngai naw nih. Tuta mi hi a vawikhatna ani nghe nghe a nih. Mipui chun kan chanpuol job card hi indiktaka sem le dawng kan nuom tiin khawlaidung an fang. A chin a lien tukhawm hi taka hin a țhang naw ram san an um nawh. Pitar putar, tlaisungtu inkhat nu hai khawm țhang seng a nih.Nuhmei in mani hnam pouon Hmarpuon an bi a, chun students le Kohran Upa haiin hma an țhuoi a nih.




Hun iemani chen le an khat tawkin Job Card/MGNREGS chungchang a lamhrawna le insel inhalna hi a tlung rawp a. Hril neu neu khaw lai lai khawm a hung um zawm zut el tah hi chu Sawrkar khawmin suk tawp el ta sien an nuom thu mi tam takin an in zawt. Corruption suk hluortu chi khat khawm a ni leiin a pawi tak zet. MGNREGS hi chu hmun tam lem a chu thaw lo chi tak a lo ni awm.
Don't Miss
© all rights reserved
made with by Simon L Infimate