CCPUR, October 12, 2017, Virthli (ONP): Sielmat HSA Unit in inchuklaihai hmakhuo a ngaipawmaw leia liemtah October 2, 2017 nia tana lo um tah, a thang nuom taphawt hai ta dinga zantieng zata Free Tuition (pawl 7 anthawka pawl 9 chen) a buotsai chu tulai hin Sielmat HYA Hall ah ngawr takin a fepui mek. Hi Free tuition a hin Mathematics le English Grammar ah inhrilhrietna hun hmang a ni a,uluk takin student hai tuition pek an nih. Tutor in mi 6 (mi tlawmngai thenkhat le Sielmat HSA Unit a OB hai) an thang a nih. Hi free tuition a hin student 34 an thang mek thu, free tuition thla khat thaw phawt ding ti chu a tul ang peiin an sunzawm tum thu Sielmat HSA thuoituhai chun an hril . Chun hi free tuition a hmang ding electric bulb le a hmangruo Pu Issac Pakhuongte, Principal ,SCHSS in a hung tum pek chu lawmum an ti thu an hril bawk a nih. Hi free tuition a hin Sielmat khawsung el chau nilo, khuo dang dang anthawk student iemanizat an thang a nih.
