Muolhoi/Haflong, September 7, 2017, Virthli (ONP): Vawituk dar 5:00 an'thawk Lumding le Silchar Road (NH-54 (E) Indefinite Blockade NC Hills Indigenous Students' Forum (NCHISF) huoihawtna hnuoia nei chu vawisun khan Haflong Jatinga point ah mipui 500 bawr vêl fekhawmin mawtawr inlawn hai an dang. Sienkhawm zantieng dar 5 vel khan ziek ngeia NHAI Chief General Manager in 'assurance' a bek leiin indifinite bandh hi hlip nawk nghal a nih.
Silchar tienga inthawka Motor hung insuo ani naw a, Lumding tienga inthawk ruok chu motor iemanitawk an hung insuo leiin Jatinga point a hin dang chat vawng ani a, nunphung pangai a tawkbuoi pha hle.
NCHISF hin Railway Compensation thuah Rail blockade nithum lai alo thaw tah bawk a, hi lei hin Railway ṭhuoitu hai chun NCHISF in mipui tadinga an thil ngiet compensation chu pêk makmaw a ngaiin a ram neitu kutah an hmu ding ang an lo pêk tah. Chun tuta Highway Blockade thaw nawka um hin sawrkar na a dêng hle a, tiemchin umlo ani bawk leiin District Administrator, Law and Order kengkawtu hai chu namên loin an buoi, vawisûn Chief General Manager, National Highways Authority of India (NHAI) chu meeting pawimaw alo nei leiin written assurance chu a hung pêk el thei naw leiin NCHISF ṭhuoitu hai chun CGM in assurance a pêk hma chu Blockade Call Off/hlip lo ding an ti tlat leiin Law and Order kengkawtu hai lu an suk hai hle a, buoina sosang ding nasa takin an veng.
Zantieng dar 5:15pm vêl khan a ziek ngeiin NHAI Chief General Manager, RO North East, chun a office an'thawk fax a assurance lekha a hung thawn a, kar thara ama CGM ngei Haflong a hunga inbiek a nuom thu ziek ngeiin a hung thawn chu mipui hmaah ADC in tiemlangna a nei zoin Road blockade hi 5:30 pm vêl in hlip alo ni tah.
Zing ni 08.09.17 sun dar 11:30 hin DC Office Conference Hall ah Preliminary meeting NHAI Project Director, DC, SP, le NCHISF ṭhuoitu hai chun nei an tih. Hi huna hin CGM NHAI le meeting nei hun ding sukfel an tum bawk a nih.
Road Blockade thaw nasan hi Construction Company dang dang haiin lam hai an siema, ram le tui tamtak mipuiin an chân ta bawk a, ram man (compensation) an pêk ding ang an la pêk zo naw bâka lam hraw mêka um enkawlna hi a ṭha tawk naw leiin NKC Construction Company mawphurna latu hai hlak an sin tawpsana fe el an tum ta leiin an fe hma ngeia an ram le tui suksiet man hai indiktaka an pêk theina ding le Highway hi siemțhat ani ngei na dinga Indefinite Road Blockade hi NCHISF chun mipui harsatna an liengko a innghatin sawrkar thuneitu hai an nawr a nih.
Silchar tienga inthawka Motor hung insuo ani naw a, Lumding tienga inthawk ruok chu motor iemanitawk an hung insuo leiin Jatinga point a hin dang chat vawng ani a, nunphung pangai a tawkbuoi pha hle.
NCHISF hin Railway Compensation thuah Rail blockade nithum lai alo thaw tah bawk a, hi lei hin Railway ṭhuoitu hai chun NCHISF in mipui tadinga an thil ngiet compensation chu pêk makmaw a ngaiin a ram neitu kutah an hmu ding ang an lo pêk tah. Chun tuta Highway Blockade thaw nawka um hin sawrkar na a dêng hle a, tiemchin umlo ani bawk leiin District Administrator, Law and Order kengkawtu hai chu namên loin an buoi, vawisûn Chief General Manager, National Highways Authority of India (NHAI) chu meeting pawimaw alo nei leiin written assurance chu a hung pêk el thei naw leiin NCHISF ṭhuoitu hai chun CGM in assurance a pêk hma chu Blockade Call Off/hlip lo ding an ti tlat leiin Law and Order kengkawtu hai lu an suk hai hle a, buoina sosang ding nasa takin an veng.
Zantieng dar 5:15pm vêl khan a ziek ngeiin NHAI Chief General Manager, RO North East, chun a office an'thawk fax a assurance lekha a hung thawn a, kar thara ama CGM ngei Haflong a hunga inbiek a nuom thu ziek ngeiin a hung thawn chu mipui hmaah ADC in tiemlangna a nei zoin Road blockade hi 5:30 pm vêl in hlip alo ni tah.
Zing ni 08.09.17 sun dar 11:30 hin DC Office Conference Hall ah Preliminary meeting NHAI Project Director, DC, SP, le NCHISF ṭhuoitu hai chun nei an tih. Hi huna hin CGM NHAI le meeting nei hun ding sukfel an tum bawk a nih.
Road Blockade thaw nasan hi Construction Company dang dang haiin lam hai an siema, ram le tui tamtak mipuiin an chân ta bawk a, ram man (compensation) an pêk ding ang an la pêk zo naw bâka lam hraw mêka um enkawlna hi a ṭha tawk naw leiin NKC Construction Company mawphurna latu hai hlak an sin tawpsana fe el an tum ta leiin an fe hma ngeia an ram le tui suksiet man hai indiktaka an pêk theina ding le Highway hi siemțhat ani ngei na dinga Indefinite Road Blockade hi NCHISF chun mipui harsatna an liengko a innghatin sawrkar thuneitu hai an nawr a nih.
