Responsive Ad Slot

SSDC keihruoina in Saikot SDO Complex ah meeting nei

Wednesday, August 16, 2017

/ Published by Simon L Infimate
Saikot, August 16, 2017, Virthli (ONP): Saikot Sub Division Demand Committee hmalakna in Saikot SDO Complex ah meeting a vawi 37-na chu 15th Aug. 2017 khan nei a ni a. Hi meetingna a hin, Lal, Authority, Saikot Youth Club, HYA, Saikot Branch, HSA, MZP,YMA, SSDC member mi 35 an thang. Hi meeting a hin Saikot SDO puitling meka a umna le inzawmin facilitation programme siem dingin thutlukna siem ani a, a nia Special Guest fiel ding, sum le pai le programme a mawphurtu dingin SSDC ruot a nih.

Saikot SDO nilai zing Pi Lalthazam, MCS in a thei ang anga Saikot SDO sukburipna dinga a hmalakna hai palai fe khawmhai chun tha an tiin inpakum an ti hle. Hmatieng peiah a thiltha thaw sunzawm pei thei din ditsakna palai fekhawm hai chun an inhlan.

Hi huna Palai fekhawm, Village Authority, Lal, SSDC, HYA, Saikot Branch, HSA, Saikot Youth Club, Val Upa-Saikot, Saikot Defense Party hai chun, vawisun chena Saikot Sub Division Demand Committee hmalakna chu tha an ti a, full support an pek thu an puong bawk a nih.



Date 11. 08. 2017 nia Revenue department, Manipur-in SDO, Saikot a ding staff 4 attachment a hung pekna chungchangah  Pu Karam Shyam, Hon’ble Minister, Revenue kuomah palai fekhawm hai chun lawm thu an hril a. Staff 4  (1) Solomon L. Fimate, SDC, Inao Mandol, David Vanlalrem Joute, LDC le Niangkhannem, LDC hai hi palai fekhawm hai chun phur takin an lo lawmlût a nih.

Pu Timothy Z. Zote, Chairman, SSDC le Pu R. Lalkaisanga, Secretary, SSDC hai chun SSDC hmingin vawisun khan thusuok siem in vawisunni chena SSDC hmalaknaa kawng hran hrana thangpuitu theinghil thei lo hieng - Pu V. Hangkhanlian, Hon'ble Minister, Vety. and Animal, Husbandry, Manipur, Pu Dr. Lalkhawlien Pulamte, Robert L. Sungte, Journalist, Elim R. Hmar, Prof. L. Ruoivel Pangamte, Pu Thangsawihmang, Dr. Rosiem Pudaite le Prof R. Tawna Khawbung bakah Pawl mi supportu - Hmar Inpui, Hqrs , Mizo Peoples Convention, Manipur, Kuki Inpi, Chhurachandpur, Vaiphei Peoples’ Council le Zomi Council le HYA, General Hqrs. HSA, Churachandpur JHQ, HWA, Hqrs, HNU Block No. 5 hai po po kuomah SSDC chun lawmthu a hril mawl  mawl thu an tarlang.

Chun, Pu Lalmalsawm Sellate, Editor, Hmasawnna Thar , Churachandpur a Local Cables hai le CCPur Correspondent hai popo, Social Media – Virthli, Hmar Group le RPC Hq., transportation tieng pang ngaituo pektu hai kuoumah lawmthu SSDC hmingin an hril a nih.

Don't Miss
© all rights reserved
made with by Simon L Infimate