Office of the
HMAR STUDENTS’ ASSOCIATION
General Headquarters
Ref. No. HSA/GHQ/EDU/2016-17/OD-04
10 August 2017
MANIPUR STATE SUNGA SAWRKAR SCHOOL SIEMṬHATNA DING THUA HSA
HMALÂKNA LE THUSUOK
HSA in nasa taka ei umna hmun haia sawrkar school hai le inchûkna siemṭhat tuma hma a lak zing
laiin Dt. 24 July 2017-a Parvachawm High School naupang haiin an School zirtirtu hmel an hmu ta
naw leia School tiemchin um loa khar a ni thu hi HSA chun a hrietpuiin pawi a ti tak zet a, a ṭul
angin hma a lak nghal.
1. Emergency Meeting, HSA GHQ, Manipur State Coordination Committee, Hmarram JHQ le
Churachandpur JHQ Dt. 25.07.2017 khan inṭhung a ni a, hmalak dan ding inrang taka rêl a nih.
2. Education Commissioner, Pherzawl ZEO le Concern DI hai hmu nghal a nih.
3. Tipaimukh Block Education Committee Chairman hai le Parvachawm High School Headmaster hmu
nghal a ni bawk.
4. Fact Finding Team insiemin Hmarram JHQ inrawina in Dt. 01.08.2017 anthawka 03.08.2017 sûng
khan a hmun ngei Parvachawma fein thu umdan hai va hrietchieng a nih.
5. Inchûkna hmun khara um zing hi remchangin a hriet naw leiin HSA chun inchûklai hai kuomah
zirtirtu an hmu ta ding thu hrilin Parvachawm High School chu Dt. 7.8.2017 anthawk khan kai ṭan
nawk a nih.
6. Parvachawm High School staff hai popo an hma tieng taka an umna (posting-na) hmun a fe ngei
ding le posting hmu thar hai khawm an sin zawm vata a hmuna fe ngei dingin HSA chun a phût.
7. Pherzawl, Jiribam le Churachandpur District sung haia Sawrkar School hai siemṭhat tumnain HSA
chun School visit le Data Collection a thaw mêk a, theitawpin sawrkar thuneitu hai kuomah a thil
hmu hai tlungpuiin, School siemṭhatna dingin hma nasa takin a lak pei ding a ni leiin thawktu hai
popo mani umnaa lo um seng dingin an hriettir nghal bawk.
Mi tuelkhawm hi chungthua HSA hmalakna hi lo thlawp seng dingin ngen ei nih.
Joyful L Thiek
Secretary, Education
HSA General Headquarters
