Responsive Ad Slot

TLÂNG INSAWN

Friday, July 7, 2017

/ Published by VIRTHLI
~ Jami Darngawn

Matthai 21: 21
Chun lsun an kuomah, in ringhla naw chun, theichang chunga thaw ang chau hi thaw naw ti niuva, hi tlâng kuoma khawm hin, ' Lo insawn la tuifinrietah lo inpei thla rawh,' in ti chun, in ti ang chun lo um a tih.

Iengleia tlâng um țawk țawk chu insawn dingin Pathien kuomah ka hni ning a ta le..? Asan chu !  Lal lsun "in ringhla nawha in ring chun hi tlâng kuoma khawm hin lo insawn la tuifinrietah lo inpei thla rawh in ti chun in ti ang chun lo um a tih"  a ti lei anih. Ka lungrilin a sip liema hi thu hi 2007 lai khan. Saikawt kan inchungah ka kaitunga Bungeiin Lalpa kuomah kan in  hnungtienga tlâng um chu kan inkawla tuițhapuisunga  tla dei dingin ka hang hni tak tak ana leh !  ringhla lovin ringzo takin ka hni a ka mit ka hang meng chun tlânghai chu apangai in a um zing a, tu chen khawm hin ala um zing anih.

Ana chu Lal lsu țawngbau ani lei chun umzie nei taka ahril  ani lei chun ka lungrila iengtin takin  mani a uma,  ka ring tlat anih.

A zinga chun ka Pasal in lmphal a inthawkin phone in a mi hung biek a "Ka ruolpa a dam nawha kei ka hungsuok thei naw ding leiin nangin va kan la va țawngțai pek rawh aw"  a hung ti lei chun,  thu awi tak chun ka va fe tah a, chu damnaw hai in a chun mi tam deu an lo uma inzak um ka ti deua chu ka va lut tho tah anih, damnaw pa kha alo zala kan ti ti a ram tin kan hrila   ka testimony hai dam ka  hrila,  ka hrilzo thawk khat ta leiin  țawngțaina nei ka tum lai chun,  kil khata pasal pakhat chun inphalam deu pum  chun a mi hung hnai a  "Unaunu i thu hril hai chun ka lungril a tawk khawpela kei khawm phurrik ka neia i mi țawngțai pek thei ding ?"  A mi tih a, kei khawm chun "thei ie"  ti malam chun chu pa luchunga ka kut kan nghat lai tak chun  Lalpa rawl ka hriet tah a "I ringhla nawha i ring chun vawisun hin tlâng ansawn ding anih"  a hung ti tah a,  ka țawngțai pek ding pa kuomah chun "i ringhla nawha i ring chun vawisun hin nanga um tlâng lientak/i phurrik hai  an sawn ding anih"  ka ti tah a,  a ma khawm chu lungril inhawng tak chun a uma ka  țawngțai tah a, chu ni chun Unaupa (Hmingthup) chu  mak takel in a ma a um tlâng lientak Pathien le an inkara tlâng um chu Lalpa'n ansawn tir tah anih !  Haleluiah Lalpa ropui tak raw se .

Awle, Unau !  Nanga um harsatna, beidawngna, natna tlâng hai kha, i ringhla nawha i ring chun,  Lalpa Pathien in vawisun hin nang a'nthawkin  ansawntir/lakhmang thei zing anih

Lalpa'n athu Thienghlim ei hung suklang hi, athar takin tiemtuhai lungril ah malsawm raw se.
Don't Miss
© all rights reserved
made with by Simon L Infimate