Responsive Ad Slot

Parbung CHC ah Doctor kar 3 vel um ta lo

Saturday, July 1, 2017

/ Published by Simon L Infimate
Parbung, July 1, 2017, Virthi (ONP): Pherzawl District aka Hmarbiel/Tipaimukh a Damdawiin (Hospital) function umsun, Community Health Centre (CHC) Parbung a chun kar thum (3 weeks) vel Doctor an um ta naw leiin damnaw hai le mipuiin harsatna an tuok thu le an beidawng thu dawng a nih. CHC Parbung hi a Parbung mi chauh nilo, khaw dang dang a'nthawk damnaw inrik tak tak haiin an pan hlak a nih. CHC Parbung hi function hlak sienkhawm, hun tam lem chu Doctor an um ngai nawh! Doctor hi an rengin 8 vel an um a hriet a ni a, hieng pa 8 a umsun hai khawm hi pakhat khatin an um insawk hlak a nih. A khuo-mi Medicinist/Compounder pakhat inrawina hnuoia Nurse pahni velin an enkai mei mei ni a hril a ni bawk. Damnaw inrik an um khawma anni hai hin an enkai el hlak a nih. Hieng a ni lei hin sawrkar thuneitu haiin hma an lak vat nuom a um. Ngaisak a hlaw vat naw chun social le human rights activist, media person ni bawk pakhat chun a ram mipuihai harsatna hi sukkieng a ni vat theina dingin hma nasatak a lak a tum thu hrilin harsatna tuortu ha'n lo thlawp dingin Virthli fethlengin a hril.


Hi damdawiin hin baksam tam tak a la nei laia hieng anga thil a um hi tha a ti naw thu le mihriemna (humanitarian ground) a khawm mitin, ram le hnam thuoitu, khawtlang thuoitu pawl tum tum haiin ngaivena theitawpa hma ĺa di'n a dit tawl thu a hril bawk.
Don't Miss
© all rights reserved
made with by Simon L Infimate