Special Report:
UKB in HYA, Imphal 1-0 in a hneban; FC Ridil in Lenlai Club Penalty ah 3-1 in a hneban
(Semi-Final Sielmat YC le United Khawzim Brothers (UKB), FAST-A le FC Ridil hai an kai tah)
CCPUR, May 10, 2017: Manipur a tournament lien pawl hung ni mek laia mi The 14th State Level-Hmar Martyrs' Trophy Football 2017 a Quarter Final chu May 10 zantieng dar 1:00 PM a inthawk khan Saikot Playground ah inkhel a ni a. Hi hun a inkhel team hai khawm a inbei tawk tawl hle a. Entu mipui an tam hle bawk. Final Match anga ngai thei hiel khawpin inkhelna le mipui entu an tam a nih. Hi huna hin Media Coverage khawm a tha a, Drone Camera chen a coverage thaw a nih. I-League leh khawm an dang naw hle niin a'nlang!
Inkhelna hmasalem a chun HYA, Imphal le United Khawzim Brothers' (UKB) an inkhel a, player an nei tha ve ve a. Full time ah an inkhel hun sawttak sung ball an chang insawk a, goal an tlungpui insawk zak zak hnung minutes 70-na a chun UKB tienga Ginminthang (1o) chun an khingpui HYA, Imphal goal a chun a hung thun lut thut a. Hun sawtnawte minutes 10 le ti met a chun inkhel hun a hung tawp tah leiin hratna changin Semi-Final ah UKB chu a lut tah a nih. Anni le hin Defending Champion Sielmat YC chu May 12, 2017 (Friday) 2:00 PM ah inkhel an tih.
Inkhelna nawk Club thar le rihau neina ve tak FC Ridil le Club inlar le suongum em em, Club tha le insitumlo, Club detdo tak el Lenlai Club chun 3:11 PM ainthawk 40 Minutes, 40 Minutes plus 2 Minutes an inkhel a. A tu tieng tieng khawmin goal an thun thei naw ve ve a, an goal keeper hai khawm I-League a chen goalkeeper ni thei ta nanana chun goal an lo nghak thain ball an insuo naw tawp el a. Ball chun an goal a tlung insawk zak zak de khawmin inkhel hun a bo chenin a tu tieng tieng khawm goal thun umloin an indraw a. Extra Time a inkhel um loin Penalty an pet a. Chu taka chun FC Ridil in an khingpui Lenlai Club chu 3-1 an hne tah a nih. FC Ridil chun Pathien zar lieu lieu a nih tiin an hril a, Lenlai Club khawm an thiemin an inkhel a mawi hle thu an hril. Anni hi a hma khawmin friendly match lo nei nuom le tum sienkhawm la thaw hman lo an ni tu le hun remchang a um chun friendly match khawm an la nei thei thu an hril. May 13, 2017 (Saturday) 2:00 PM hin FAST-A (Rengkai) leh FC Ridil chun Semi-Final inkhel an tih. FAST khawm hi Club inlar le tha ve tak an nih a. Tuta hma kum dang khawm khan hi tournament a hin Semi-Final le Final lo kai tah hlak an nih.
FC Ridil chun an hrat le hratnaw khawmin hi tournament neina hmun Saikot Playground, CCPur sir vel laia mipui fak le dawnna hmunhnawkhai chu anni inkhel zantieng hin ni danga an lo thaw hlak angin an inthielfai nawk vawng hlak a nih. Anni chunga hin Organising Board chun lawmthu hrilin midang khawmin entawn ve dingin an infui.
#FIXTURE :
SEMI-FINAL
12-05-2017 (Fri) 2:00 PM Sielmat YC v/s United Khawzim Brothers (UKB) -V
13-05-2017 (Sat) 2:00 PM FAST-A v/s FC Ridil -W
FINAL MATCH
16-05-2017 (Tue) 2:30 PM Winner of V v/s Winner of W
UKB in HYA, Imphal 1-0 in a hneban; FC Ridil in Lenlai Club Penalty ah 3-1 in a hneban
(Semi-Final Sielmat YC le United Khawzim Brothers (UKB), FAST-A le FC Ridil hai an kai tah)
CCPUR, May 10, 2017: Manipur a tournament lien pawl hung ni mek laia mi The 14th State Level-Hmar Martyrs' Trophy Football 2017 a Quarter Final chu May 10 zantieng dar 1:00 PM a inthawk khan Saikot Playground ah inkhel a ni a. Hi hun a inkhel team hai khawm a inbei tawk tawl hle a. Entu mipui an tam hle bawk. Final Match anga ngai thei hiel khawpin inkhelna le mipui entu an tam a nih. Hi huna hin Media Coverage khawm a tha a, Drone Camera chen a coverage thaw a nih. I-League leh khawm an dang naw hle niin a'nlang!
Inkhelna hmasalem a chun HYA, Imphal le United Khawzim Brothers' (UKB) an inkhel a, player an nei tha ve ve a. Full time ah an inkhel hun sawttak sung ball an chang insawk a, goal an tlungpui insawk zak zak hnung minutes 70-na a chun UKB tienga Ginminthang (1o) chun an khingpui HYA, Imphal goal a chun a hung thun lut thut a. Hun sawtnawte minutes 10 le ti met a chun inkhel hun a hung tawp tah leiin hratna changin Semi-Final ah UKB chu a lut tah a nih. Anni le hin Defending Champion Sielmat YC chu May 12, 2017 (Friday) 2:00 PM ah inkhel an tih.
Inkhelna nawk Club thar le rihau neina ve tak FC Ridil le Club inlar le suongum em em, Club tha le insitumlo, Club detdo tak el Lenlai Club chun 3:11 PM ainthawk 40 Minutes, 40 Minutes plus 2 Minutes an inkhel a. A tu tieng tieng khawmin goal an thun thei naw ve ve a, an goal keeper hai khawm I-League a chen goalkeeper ni thei ta nanana chun goal an lo nghak thain ball an insuo naw tawp el a. Ball chun an goal a tlung insawk zak zak de khawmin inkhel hun a bo chenin a tu tieng tieng khawm goal thun umloin an indraw a. Extra Time a inkhel um loin Penalty an pet a. Chu taka chun FC Ridil in an khingpui Lenlai Club chu 3-1 an hne tah a nih. FC Ridil chun Pathien zar lieu lieu a nih tiin an hril a, Lenlai Club khawm an thiemin an inkhel a mawi hle thu an hril. Anni hi a hma khawmin friendly match lo nei nuom le tum sienkhawm la thaw hman lo an ni tu le hun remchang a um chun friendly match khawm an la nei thei thu an hril. May 13, 2017 (Saturday) 2:00 PM hin FAST-A (Rengkai) leh FC Ridil chun Semi-Final inkhel an tih. FAST khawm hi Club inlar le tha ve tak an nih a. Tuta hma kum dang khawm khan hi tournament a hin Semi-Final le Final lo kai tah hlak an nih.
FC Ridil chun an hrat le hratnaw khawmin hi tournament neina hmun Saikot Playground, CCPur sir vel laia mipui fak le dawnna hmunhnawkhai chu anni inkhel zantieng hin ni danga an lo thaw hlak angin an inthielfai nawk vawng hlak a nih. Anni chunga hin Organising Board chun lawmthu hrilin midang khawmin entawn ve dingin an infui.
#FIXTURE :
SEMI-FINAL
12-05-2017 (Fri) 2:00 PM Sielmat YC v/s United Khawzim Brothers (UKB) -V
13-05-2017 (Sat) 2:00 PM FAST-A v/s FC Ridil -W
FINAL MATCH
16-05-2017 (Tue) 2:30 PM Winner of V v/s Winner of W
