Responsive Ad Slot

Hmar Inpui, Special Assembly (9th Hmar Inpui Assembly) nei; Assembly Secretariat Officers 2017-'20 thlang

Friday, May 26, 2017

/ Published by VIRTHLI
CCPUR. May 26, Virthli (ONP): Vawisun May 26, 2017 (Friday) 11 AM - 2 PM khan LJ Memorial Hall, JJ Plaza, Rengkai Road, CCPur, Manipur hmun ah Hmar Inpui, Special Assembly (9th Hmar Inpui Assembly) nei a nih. House Invocation Dr. Vanlalnghak, Assembly Speaker in a nei a. Chu zo chun Pathien kuoma tawngtaina Rev. (Dr.) V. Lalnghakthang Secy., Hmar Christian Leaders' Forum (HCLF) in a nei a. Presidential Address Pu Joseph Lalrothang, President, Hmar Inpui, Gen. Hqrs in a nei a. Hmar Inpui hmalakna le hmatienga a thil tum hai hrillangna a nei bawk.

Bussiness Session hun a chun Agenda tum tum hai ngun taka ngaituotlangna nei a ni a. Chuhai lai chun Resolutions 6/7 passed a nih a, Hmar Inpui, Gen. Hqrs Executive Committee la bawzui dinga ti a ni tlangpui tawl. Hi zo hin Rev. Ros Infimate, Vice Chairman, HCLF in Pathien kuoma tawngtaina a nei a. Assembly Secretariat Officers (ASO) 2017-'20 Election, Election Commission dinga ruot Hmar Christian Leaders' Forum (HCLF) inrawinain nei zawm nghal a ni a. Hieng hai hi lungruoltaka uncontest/secret ballot paper hmanga thlangtling an nih. Assembly Speaker: Dr. Vanlalnghak, Meghalaya (Uncontest);, Asembly Deputy Speaker (Senior): Pu Lalhmuok Famhoite, Manipur (Uncontest); Assembly Deputy Speaker (Junior): Pu Ruolsangkam @R.S. Puruolte, Assam; Assembly Secretary: Pu Lalthalien Khuongpui, Manipur (Uncontest) le Deputy Assembly Secretary: Pu. R. Th. Varte, Meghalaya (Uncontest) hai an nih.  Hi huna hin Hmar Inpui hnuoia affiliated bodies 9 a inthawk le region/co-ordination committee palai 52 lai fekhawmin an thang a nih.


Thlangtling a um, hi huna um le mani taksa ngei inlang theihai chu Chief Election Officer Rev. Rohminglien Pakhuongte, Chairman, HCLF in Oath Taking an nei tir zoin Rev, (Dr.) Lalhmuoklien, Asst. Secy., HCLF in thlang thar a um hai Pathien kuoma tawngtai pekna le hun khar tawngtaina a nei zoin hun hmang zo a nih.

Don't Miss
© all rights reserved
made with by Simon L Infimate