Responsive Ad Slot

Tv. Lalnunthar Zate Gospel Music Video Album Volume 1 & 2 tlangzar ding;

Wednesday, December 28, 2016

/ Published by VIRTHLI
Tv. Lalnunthar Zate Gospel Music Video Album Volume 1 & 2 tlangzar ding;
Sum hmu po Cancer invawi hai thangpuina le Pathien ram rawngbawlnaa hmang ding

Muolhoi, December 28, 2016, Virthli (ONP): Tv. Lalnunthar Zate @ Zatea HN Zate Lntz in hun iemanichen anthawka alo buoipui tah Gospel Music Video Album pahni zet, Volume- I: KHEL HRIL NGAILO LALPA ti le Volume-II: THANK YOU LORD ti hai chu zofel ni ta in zing tarik 29 December, 2016 hin EFCI Biekin, Muolhoi, Haflong hmuna tlangzar ning a tih. Volume-I hi Pi Hnemi Tuolor in tlangzarna nei ata, Volume-II hi Pi Cross L Hmar in a tlangzar ding a nih. Pathien kuoma Album hai inhlanna chu Rev. Lalrotluong Darngawn, PS EFCI in nei ata, hi Album tlangzarna hun hi Upa RS Puruolte keihruoina hnuoia hmang ning a tih. Hi huna hin tulaia NC Hills a Hmar hlasakthiem inlar Kimi Ralsun le Gracila Zote haiin hlasakna an nei bawk ding a nih.


Tv. Lalnunthar Zate chun tlangzar zana Album hai zawrnaa sum hmu po po chu Muolhoi khawsunga Cancer a na hai thangpuina dinga a pek ding thu a hrila, a hnunga zawrdawk po chu Pathien ram rawngbawlna dinga hmang ani ding thu a hril.

Hieng Album pahni hai hi Pathien-in hla a i pek hai le ama bakah Pi Daduhi Khiangte le Felicia Singson (Bluecorn) hai leh dam an sak kawpna dam a uma, a music hi PB Lianhminga (Mizoram) in a siem le Recording studio inlar tak tak el Hauhnar Recording Studio, Aizawl le Ruolngul Records, CCPur a record ngat an nih. Album a hla hai hi Hmar, English, Duhlian, Hindi tawnga mi dam a nih.

Album a hla um dinghai chu hienghai hi an nih-

Volume-1: KHEL HRIL NGAILO LALPA
1. Khel hril ngailo Lalpa
2. A hmangaina ah ka chawl in
3. Lalpa lungawi a tim!
4. Ka i biek Pathien
5. Pawisanawi in maw rawng ei bawl?
6. Pathien hmangaina
7. Ka lawm ie Lalpa
8. Inpak tlak Pathien (Duet with Daduhi Khiangte)
9. In ngaituo rawh (Duet with Felicia Singson (Bluecorn)
10. Kristien sungkuo
11. Hmangaina lamtluong
12. Lalpa hmangaina
13. Hnuoi hi ka in an nawh
14. Thenawna Zion rammawi
15. Vuong hmang ka tih
16. Pasaltha thangsuo

Volume-2: THANK YOU LORD
1. Thank you Lord
2. I will sing
3. The love of God
4. This is the promise
5. One more river to cross
6. This world is not my home
7. I'll fly away
8. Mere mangne se jyada
9. Mera Yeshu hai kitna Mahan
10. Lal hma ah ka lam ang
11. Pathian hmangaihna ropui
12. A hmangaihna ah ka chawlhin,
13. Inpak tlak Pathien (Duet with Daduhi Khiangte)
14. In ngaituo rawh (Duet with Felicia Singson (Bluecorn)

Hieng Album pahni hai hi tlangzar zo hnunga Muolhoia ICI, EFCI le Presbyterian thuoitu hai kawla inthawka inchawk thei ning a tih.

Don't Miss
© all rights reserved
made with by Simon L Infimate