Muolhoi, 07/09/2016: Virthli (ONP):: Vawisun chawhnungtieng khan Hmar Inpui NC Hills & Karbi Anglong inrawina hnuoia NC Hills a hnam Organisation dang dang thuoitu hai Joint meeting nei a nih. Hi Meeting a hin Assam Political Demand chung thu a sawrkar thuneitu hai le HPC(D) Assam Region hminga hnam in a tir palaihai August (Thlazing) ni 30, 2016 a inbiekna report ngaithlak ani a, hma dawm pei dan ding hai hriltlangna nei ani bawk. NC Hills hnam buoi lai case la nei hai sukbo dinga hma lakna hai le a hlawtlingna hai report ngaithlak ani bawk a nih. Kum 2003 a Hmar Inpui in a ilo rel ta angin hnam dang kuomah hrim hrim mani ram hai zawr lo ding ti hi mipui hrieta tlangzar nawk nisien ti ani bawk.
