CCPUR | Aug. 5, 2016, Virthli (ONP): Churachandpur area a JE natna indarzau pei leia mi tam tak a suk thlabar hle lain HYA GHQ hotuhaiin theitawp tak meu insuoin hma an lakna chu hma a sawn pei a. Vawizan a'nthawk Muolvaiphei khuo ah JE natna phurtu Thokang thatna damdawi fogging chu VA hai hrietpuinain HWA le HYA volunteer ha'n kap tan an tih. Hi khawl (Machine) chang ding hin a thu le over telephone a zuk chang-el thei a ni naw a, HYA GHQ thuoituhai hin Hnam hmangaina lientak neiin a mawinaw le hmingsiet khawm dawn lovin CMO office a'nthawk a'nchuin an inchu thlak a ni deu tak. Hi khawl hi vawisun HYA GHQ President rawiin CMO office a mi hang lak a nih a, damdawi le a tul ding hai popo Muolvaiphei VA hai hrietpuinain HWA le HYA kuta peksuok nghal a nih.
Fogging thaw ding hin a hnuoia ang hin rotation siem a ni a, foggin hi khuo tina kap kim a ni vat theina dingin a hnuoi khuo keikawp ang hin khawtlang thuoitu hai inbietuoin zan khata kapzo pei ni thei sien an nuom thu HYA GHQ thuoituhai chun an hril. Veng/khuo tina VA le HYA haiin mani khuo kap ding hun lo ngaiven seng dingin HYA GHQ thuoituhai chun ngenna an siem nghal bawk.
July 5, 2016 zantieng a'nthawk a khuo indawt a hmang dan ding chu hiengang hi a nih: Muolvaiphei, Hmarveng, Khawmawi, M. Ramthar, Saidan, Thingchom, Saikot, Hmuntha, Varparkawn, Khawpuibung, Muolbem, Thenmuol le Ngurte ning a tih. Chun, hi fogging khawl hi iemani ti a a lo function tha naw pal a ni chun thiemnaw sasa a thawlui el lovin Tv Lallienkhum, (8732065320) Executive Member HYA-GHQ of Khawmawi contact vat ding a nih tiin HYA GHQ thusuok chun a hril. Hienganga HYA GHQ I hma a lak chu mi tam tak lawm le inpak a hlaw hle.
Fogging thaw ding hin a hnuoia ang hin rotation siem a ni a, foggin hi khuo tina kap kim a ni vat theina dingin a hnuoi khuo keikawp ang hin khawtlang thuoitu hai inbietuoin zan khata kapzo pei ni thei sien an nuom thu HYA GHQ thuoituhai chun an hril. Veng/khuo tina VA le HYA haiin mani khuo kap ding hun lo ngaiven seng dingin HYA GHQ thuoituhai chun ngenna an siem nghal bawk.
July 5, 2016 zantieng a'nthawk a khuo indawt a hmang dan ding chu hiengang hi a nih: Muolvaiphei, Hmarveng, Khawmawi, M. Ramthar, Saidan, Thingchom, Saikot, Hmuntha, Varparkawn, Khawpuibung, Muolbem, Thenmuol le Ngurte ning a tih. Chun, hi fogging khawl hi iemani ti a a lo function tha naw pal a ni chun thiemnaw sasa a thawlui el lovin Tv Lallienkhum, (8732065320) Executive Member HYA-GHQ of Khawmawi contact vat ding a nih tiin HYA GHQ thusuok chun a hril. Hienganga HYA GHQ I hma a lak chu mi tam tak lawm le inpak a hlaw hle.
