CCPUR: July 9, 2016, Virthli (ONP): June 8, 2016 zan khan Life Cafe, Rengkai Road, CCPurah Pengpelep Single Music Video “Chawnlam Hla” ti tlangzarna program hmang a nih. Pu Romeo Hmar, Convenor, MTFD chu Chief Guest in a thang a, Functional President in Pu Lalhrillien, MDC le Guests of Honour in Major Jonatha Joute, Hmar Inpui, HAA, HYA GHQ, HSA hai chu hmang an nih. Hi huna hin Nk. Mercy Lalumpui chu host niin prokram a kehruoi. Hun hawng tawngtaina Pu Ramnunsiem Sanate in a neia, mipui fekhawm hai lawmlutna Tv. Zawlkapthang in a nei.
Hi Single Music Video hi Pu Ramnunsiem Sanate in Review na a neia, pi-pu nun tulai thangthar hai ngainuom zawng taka siem a ni thu, ei nunphung, tienlai/pi le pu hla (folk song) hai sukhmasawnna dinga hi album hi buotsai a ni thu hrilin. Hi album buotsaituhai chu inchuklai vawng anni thu, thiemna tieng khawm insitumlo tak tak anni thu a hril. Hi music video siem ding hin ei ram Leilung ngeiah shooting an nuom leiin mani chit intumin hi music video hi an buotsai thu a hril. A hril peinaa chun hi music video hi a music khawm tulai deua siem a nia, mi tamtak ngainuom abiktakin thangthar hai ngainuom zawng a ring thu a hril bawk a nih.
Chief Guest Pu Romeo Hmar chun hi huna hin "Chawnlam Hla" chu a tawpna ni lova hma tieng peiah thangtlang dingin le ei culture, folk song hai chawilar le sukhmasawn pei dingin Pengpelep band hai chu an fuia, ama ngei khawma a theina le mamawna an nei chun thangtlang pei dingin a hril. Hmar hai chu thu le hla ah hnam dang hai enchung ei ni thu hrilin hmatieng peiah ei thu le hla suk hmasawnna kawngah a theina na-ah in thangpuituo dingin a hril bawk.
Hi huna Functional President Pu Lalhrillien, MDC chun "Chawnlam Hla" chu Hnam Rohlu a tling ngei a beisei thu a hrila, ei culture le ei folk song hai chawilar le suklar a tul zie hai a hril. Chun Pengpelep chu 'change' mi siempektu le midang dang hai ta dinga "Challenge" tu nisien a ditsak thu a hril. Iengtiklai khawm a tul le pawimawna a um chun rawn thei a ni zing thu le thangpui an huom zing thu hai a hril bawk a nih.
Hi huna Guest of Honour Major Jonathan Joute chun hieng ang folk song Pengpelep band haiin an hung buotsai chu lawmum a ti thu hrilin, hmun danga umhai ta dingin a hlutzie thu a hrila, hiengang music video sinthawna leia hmun dang danga um Hmarnauhai ta ding lem chun a thatzie le a hlutzie thu a hril. Chun, Pengpelep hai chu hnam darthlalang an ni thu a hril bawk.
Hi huna hin Tv. Lalngailien Joute le Pi Roselyn Lalumpui haia inthawkin hnam hla mawitak tak el ngaithlak a nih. Chun HSA, HYA, HAA thuoitu hai khawmin thuhrilna hun neiin hi hun hi an uop a nih.
Hi single music video "Chawnlam Hla" hi Pu L. Keivom, IFS (Retd) le TV. Samuel Joute (Pilot) hai i produced a nia, Tv. Zacharia Varte chu Director a nih. Mawi taka music remtu chu Leonard Sanate le Samuel Pakhuongte hai niin Muanlal Recording Studio, New Lamka a khum a nih. Insitumlo taka video & editing thawtu chu Jeffrey D. Tusing a nia, Make-up chu Lal Singson, an thuom hai (costume) hi Sinlung House of Design (Pi Lily Buhril) in a chei a nih.
Pengpelep Band Members:
Mercy Lalumpui
Melody Varte
Zawlkapthang Thiek
Lalhrietsung Sanate
Hlado insamtu: Pu Lalsanhim
Photographs & Report: Muona Infimate
Hi Single Music Video hi Pu Ramnunsiem Sanate in Review na a neia, pi-pu nun tulai thangthar hai ngainuom zawng taka siem a ni thu, ei nunphung, tienlai/pi le pu hla (folk song) hai sukhmasawnna dinga hi album hi buotsai a ni thu hrilin. Hi album buotsaituhai chu inchuklai vawng anni thu, thiemna tieng khawm insitumlo tak tak anni thu a hril. Hi music video siem ding hin ei ram Leilung ngeiah shooting an nuom leiin mani chit intumin hi music video hi an buotsai thu a hril. A hril peinaa chun hi music video hi a music khawm tulai deua siem a nia, mi tamtak ngainuom abiktakin thangthar hai ngainuom zawng a ring thu a hril bawk a nih.
Chief Guest Pu Romeo Hmar chun hi huna hin "Chawnlam Hla" chu a tawpna ni lova hma tieng peiah thangtlang dingin le ei culture, folk song hai chawilar le sukhmasawn pei dingin Pengpelep band hai chu an fuia, ama ngei khawma a theina le mamawna an nei chun thangtlang pei dingin a hril. Hmar hai chu thu le hla ah hnam dang hai enchung ei ni thu hrilin hmatieng peiah ei thu le hla suk hmasawnna kawngah a theina na-ah in thangpuituo dingin a hril bawk.
Hi huna Functional President Pu Lalhrillien, MDC chun "Chawnlam Hla" chu Hnam Rohlu a tling ngei a beisei thu a hrila, ei culture le ei folk song hai chawilar le suklar a tul zie hai a hril. Chun Pengpelep chu 'change' mi siempektu le midang dang hai ta dinga "Challenge" tu nisien a ditsak thu a hril. Iengtiklai khawm a tul le pawimawna a um chun rawn thei a ni zing thu le thangpui an huom zing thu hai a hril bawk a nih.
Hi huna Guest of Honour Major Jonathan Joute chun hieng ang folk song Pengpelep band haiin an hung buotsai chu lawmum a ti thu hrilin, hmun danga umhai ta dingin a hlutzie thu a hrila, hiengang music video sinthawna leia hmun dang danga um Hmarnauhai ta ding lem chun a thatzie le a hlutzie thu a hril. Chun, Pengpelep hai chu hnam darthlalang an ni thu a hril bawk.
Hi huna hin Tv. Lalngailien Joute le Pi Roselyn Lalumpui haia inthawkin hnam hla mawitak tak el ngaithlak a nih. Chun HSA, HYA, HAA thuoitu hai khawmin thuhrilna hun neiin hi hun hi an uop a nih.
Hi single music video "Chawnlam Hla" hi Pu L. Keivom, IFS (Retd) le TV. Samuel Joute (Pilot) hai i produced a nia, Tv. Zacharia Varte chu Director a nih. Mawi taka music remtu chu Leonard Sanate le Samuel Pakhuongte hai niin Muanlal Recording Studio, New Lamka a khum a nih. Insitumlo taka video & editing thawtu chu Jeffrey D. Tusing a nia, Make-up chu Lal Singson, an thuom hai (costume) hi Sinlung House of Design (Pi Lily Buhril) in a chei a nih.
Pengpelep Band Members:
Mercy Lalumpui
Melody Varte
Zawlkapthang Thiek
Lalhrietsung Sanate
Hlado insamtu: Pu Lalsanhim
Photographs & Report: Muona Infimate
