Hnamdang hai entawnthlaka ei um a tul:Pu Romeo Hmar
CCPUR: Hmar Women Association (HWA), Sielmat chun zani zantieng khan Pu Romeo Hmar, Northeast India Support & Monitoring Cella Coordinator Secretary le Convenor, Manipur Tribal Forum, Delhi (MTFD) ni bawk chu Sielmat lalpa Pu Mawia chengnainah bufakpuina an nei bakah zani zan dar 7 khan Sielmat Youth Club Hallah inpawlpuina an nei a, hi huna hin a nuhmei Pi Roselyn Lalumpui leh Thangsuopuon insiltirna an nei bawk.
Hi huna Pu Romeo Hmar in thuhrilna a nei hunah, Hmar tawng hmang hai hi Pathienin Chanchintha Mansapui bangnaa a mi hmang ei ni leiin ei mawphurna hi a lien in an sang hle a, hi lei hin ei kawng iengkimah ei unau hnam dang dang hai entawnthlaka ei um a tul. Hieng a ni lei hin Kohran thila mani annawleh thil dang leia inremlona um hai peithlain, Chanchintha mansapui bangna ei ni ang hrimin inthuruolna kawngah hmathuoitu le ei unau hnam dang hai entawn thlaka um hi a pawimaw hle a nih.
Chanchintha mansapui bangna hnam ei ni ang hrima eini sunga inthuruolna tha tak nei a, hnam le hnam kara intheidana le inremnawna um hai khawm sukremtu ei ni a tul; chu chu ei mawphurna dinga Pathienin a ruot a nih. Eini hnam sunga inthuruolna tha tak a um phawt chun ei unau hnam dang hai entawn hung niin, tlangmi hnam tum tum hai kara inthuruolna thalem a hung intlun ngei ding a nih tiin a hril.
ADC huntiem zanikhan a tawp tah
CCPUR: July 14, 2016 nia ADC, CCPur hnuoia MDCs han meeting an nei huna CCPur khawpui sunga Dawrkai le Sa zawrtu hai zui le zawm dinga an rel hai le inzawma thupek (order) insuoa um chu July 16, 2016 khan a tawp tah.
ADC sitting in Dawrkai le Sa zawrtu hai zawm dinga thutlukna an siem hai lai Arsa zawrtu han Ar hmul pawtfai sa hai glass container sunga an sie ding, thildang le Arsa zawr kawp lo ding; Dawrkai tinin electronic weighing machine (bukna) an hmang seng ding ti a nih. Thlakhat sung hun pek a ni a, Arsa zawrtu thenkhat in glass container an hmang tan ta a, sienkhawm Arsa zawrtu tamlemin an la zawm naw bakah Dawrkai tamlemin electronic weighing machine an la hmang naw niin ei thu dawngna chun a hril.
Thupek zawm lo hai chunga action lak dinga ADC in thu an suo a ni a, hun tiem sung a tawp ta le inzawm hin bawzuina a um dim ti ruok chu hi thu sut chena hrietna ei nei nawh.
A la lalo han an rang thei anga la dingin
CCPUR: ZEO le ADC/CCPur hnuoia Mid Day Meal dawng Schools 462 hai kuoma July 8, 2016 a inthawk Towel le Dettol sem a ni a. A la lalo Schools hai chun an rang thei anga la dingin Nodal Officer, MidDay Meal Mr Kaikhanlian Guite chun inhriettirna a siem. Zani chen khan CCPur Blockah Schools 96, Henglep Blockah schools 43, Singngat blockah school 31, Thanlon blockah school 20, Samulamlan blockah school 19 le Tipaimukh blocka schools 12 in an lak tah.
Promotional Tour Concert June 18ah
CCPUR: Tribal Euphony Solo Hunt Top 12 Promotional Tour Concert chu July 18, 2016, 2:00PM a inthawk khin YPA GHQ Hall, Hiangtam Lamka, CCPurah a um ding a nih. Manipur tlangmi hai laia inthuruolna thalem a um theina dingin promotional tour concert hi Hmar Artiste Assn; (HAA), Kuki Artistes Progressive Union (KAPU) le Zogam Artistes Assn. (ZAA) han thangruolin an mikhuol ding a nih. Hi huna hin Tribal Martyrs hai sunna hunser khawm hmang a ni ding a ni leiin Joint Artistes Association chun mitin thang dingin fielna an siem. Hi huna thang nuom hai ta dinga Hall ticket chu Pu Lalsuong Famhoite, Vice President (HAA); Lengtonghoih Studio, Lamka le Sauliim Book Barn, Tiddim Road haiah hmu thei ning a tih tiin Joint Artistes Association chun inhriettirna a siem
.
DSO in pawisa deposit dingin an hriettir
CCPUR: National Food Security Act (NFSA) hnuoia Rationing Agent hai ta dingin July 18, 2016 khin Release Order (RO) semdawk a ni ding a ni a. Hi le inzawm hin RO lakdawkna dingin thla 1 quota a ding pawisa deposit hmasa seng dingin Mr M. Ginzasuan, District Supply Officer (DSO), CCPur chun Rationing Agent hai an hriettir.
Football Tournament a thang thei
CCPUR: July 25, 2016 a inthawk khin Zogam Hoihnu Football Club (ZHFC) chun P.T. Sports Complex, New Lamkaah 3rd. ZHFC Day Open Football Tournament huoihawt an tih. July 23, 2016 chena entry fee Rs. 1,500 peka thang thei ning a tih. Lawmman pakhatna latu kuomah Rs. 10,000 le pahnina latu kuomah Rs. 6,000/ le Best Team of the Tournament kuomah Rs. 2,000/ pek ning a tih. Entry form Saia Hai Dawr, Rengkai Roadah lak thei a nih.
Sugnu lampui siemna Day 3: Vawisun Saikawt mipuiin an sunzawm ding
CCPUR: Sawrkarin a ngaisaknaw leia Muolvaiphei khawtlang thuoituhai hmalaknaa Muolvaiphei khawsung National Highway Sugnu lampui siemthatna sin chu zani khawm khan sunzawm nawk a ni a, zanikha lampui siemthatna sin an thaw a ni thumna a nitah. Muolvaiphei khaw mipuiin groupa inthea lampui siemna sin an thaw hi vel khat an zona a nita a. Zanikhan Tipper 20 order nisienkhawm Tipper 6 chau a hung tlung hman.
July 16, 2016 hin Saikawt Village Authority inrawinain Truck 4 le Tractor 4 hmangin hi lai lampui siemthatna sin an thaw zawm ding a ni a, Saikawt mipui a tam thei ang tak thang dingin Saikawt V/A hai chun ngena an siem.
Lampui siemthatnaa hin lungphit tam tak vur a la tul leiin mi thahnemngai mimal thenkhatin thangpuina an pek zing bawk a, zanikhan Pu Joseph Lalrothang, President, Hmar Inpui khawmin a hmuna va sirin lampui siemnaa hmang dingin Rs. 5,000/ a pek bakah Pu LB Sinate in Rs. 500/ le Pu Zuola Shunate in Rs. 1100/ a pek a, midang dang dang khawmin sinthawhai thingpui dawnna ding Chini le sum iemanizat zat an thawlawm bawk.
Muolvaiphei V/A haia inthawk tuchena thanpuina pe, a petam zuol deu hai lai Pu Sangremsiama Rs. 500/ ; Dr Jire L. Pudaite Rs. 1000/; Lalsuong Famhoite Rs. 500/; Bethesda School of Nursing Rs. 2,000/ hai an thang. Chun, bieltu MLA Pu Hrila in zani hmasa khan Truck hire in lungphit Truck sip 5/6 vel a thak tlung a, a hmuna loading man hai a tum vawng bakah Culvert siemnaa hmang ding Cement Bag 2 a tum bawk a nih. Thangpuina petu dang dang khawm an um a, a then a zar chau ei hung tarlang a nih.
Manipur Assembly Election hun sukhnai tumna a la um nawh;
Parliament Session-ah National Sports University Bil putlut ning a tih- O. Nabakishore
IMPHAL: State Assembly election hung um dinga insingsatna sin chu tan a ni tah. Electoral Roll revision thaw tan a ni ta a, September, 2016 khin Draft Electoral Roll insuo ning a tih. Tuta State Assembly fe mek hun (term) chu March 18, 2017 a tawp ding a ni a, hi hma hin election nei ning a tih. Election hun ding puonglang a la ninaw bakah tuchen hin election hun sukhnai tumna a la um nawh. Electronic Voting Machine (EVM) enfelna sin zingah tan ning a tih. Election hung um dinga hin Mobile application hmang ning a ta, online voting khawm thaw thei a ni el thei. Election hung um dinga hin a hmaa ang bawkin Central paramilitary forces thahnemtawk tak hmang ning a tih. Rationalisation of Polling Station thaw a ni ta a, tuhin polling stations 2704 a um a, Election Commission of India chun polling station hi siem belsa a hung ngen tiin zanita DIPR Complex, Moirangkhom, Imphal hmuna press Conference hunah Chief Electoral Officer (CEO), Manipur le Chief Secretary ni bawk O. Nabakishore Singh chun a hril.
State Assembly Elction hung um dinga hin GIS map hmang ning a tih. State Election Department in branch offices 24 a nei a, thalai kum 18/19 tling thar mi 70,000 vel an um ring a ni a, sienkhawm kum tin kum 18 tling thar, electoral Roll a sielut hi 10,000 chau an nih. Nuhmei kum 30 chen tling ta si, an nu le pa hai kuoma la um anga electoral Roll a chuong hi mi 1.4 lakh vel an la um a, pasal nei tahai chun an vote umna polling station an thlakthleng a tul a nih. Electoral Roll indik tak a hung um theina dingin voterhai chu an address thar, thina thu le a dang dang haiah information indik tak pe seng dingin a ngen. January 1, 2016 qualifying date a hmanga electoral Roll insuo nuhnung taka chun Manipur a voter umzat chu 18,26,926 a ni a, hienghai laia 8,93,957 chu pasal an ni a; 9,31,005 hai chu nuhmei an ni a, pasal vote nekin nuhmei votes 35,048 in a tam lem. Voter list a zieklut thar umzat chu 53,041 a nih tiin zanita Press Conference huna N. Praveen, Joint CEO, Manipur chun a hril.
July 18, 2016 a intahwk Parliament Monsoon session tan ding a ni a, session sung hin Lok Sabhaah Manipura National Sports University Bill pasi dinga putlut ning a tih. June 10, 2014 a Union Finance Minister budget speech a khan Manipur a National Sports University indinna ding hin Rs. 100 crore pek ni dingin a hril. National Sports University building ding bawlzo a ni hmapo chu Khuman Lampak Sports Complex hi University dinga lo hmang ning a ta, Session hmasa tak kum 2017 a tan thei dinga beisei a nih. Hi University bawlna dinga Yaithibi Loukon, Thoubal District a ram chungchang chu sukfel tep a ni a, July 31, 2016 a sukfel tum a nih. Hi University bawlna digna ram mamaw chu 200 acre a ni a, tuta la sukfel lo hi acres 34 a nih tiin O. Nabakishore Singh in zanita
Press Conference huna a hril bawk. Kum 5 sunga mi HAC in report pe lo
IMPHAL: Hill Areas Committee (HAC), Manipur chun kum 5 sunga mi 20112012 to 20152016 inkara mi Administrative reprot a la pek naw a hril a nih. State Chief Secretary chun hi hun sunga report pe dingin Chairman, HAC kuomah lekha a thawn. India danpui Clause (2) Article 371(C) dungzuiin HAC, Manipur chun Governor fethlengin President kuomah Annual report a pek hlak ding ti a nih tiin Chief Secretary, Manipur chun a hril.
Kum 201516 sung Sie Rs. 966.02 lakh
IMPHAL: Kum 201516 sung khan Zu sen chi (IMFL) zawrnaa inthawk Sie Rs. 966.02 lakh bakah tuolsuok zu le IMFL dan kala zawr haia inthawk fine Rs. 33.47 lakh hmu a nih tiin Shailesh Kumar Chaurasia, Commissioner of Excise, Manipur chun zanita DIPR, Imphala Press Conference huna a hril.
AG thar dingin a sin a chel tan
IMPHAL: Accountant General (Audit), Manipur thar dinga ruot D. Jaisankar, IA & AS chun July 1, 2016 a intahwk khan a sin hi a lo chel tan tah. Ama hi Post Graduate in Agricultural Sciences, Tamil Nadu Agriculture University, Coimbatore a zo le IA&AS 2000 batch a nih. Kum 1996 khan ICARah scientist sin a lo chel ta bawk.
Karnatakaah Biekin rawsiet
TUMAKURU: Karnataka state sunga Tumakurua Siragate hmuna Tomlinson Church Kristien Biekin chu zani zingkar khan tu ti hrietlo han petrol buok khumin an raw niin SP Karthik Reddy chun a hril. Hi Biekina inkhawm hlak member pakhat chun, kum 60 chuong hi Biekina an lo inkhawm ta a, tuta tum hi misuolin an Biekin an bei vawikhatna a la ni thu a hril. Deputy Commissioner Mohan Raj chun hi thil tlungna hi a hmun ngeiah a va enfel a, venghimtu a pek ding thu a hril. Biekin rawna le inzawm hin Tumakuru Police chun case an registered.
Tuki in ni 10 sung hun a ngen belsa
ITANAGAR: Arunachal Pradesh Chief Minister Nabam Tuki chun zanikhan Arunachal Pradesh acting Governor Tathagata Roy an hmupui a, July 16, 2016 nia Assemblya majority a command zo le zonaw inentir dinga inhriettirna a lo siemta chu thul a, Assemblya floor test a thawna dingin ni 10 sung hun la pe dingin a ngen. Governor chun, hi chungthua hin legal experts hai a la rawn ding thu a lo hril niin Nabam Tuki chun Governor an hmupui zoin Reporters hai kuoma a hril. Tuki hi July 13, 2016 a kha Supreme Court in Arunachal Pradesh Chief Minister ni nawk dinga a rel, hi le inzawma Tuki hi Governor in July 16, 2016 nia majority a command zo le zonaw inentir dinga zani hmasaa kha an hriettir a nih.
PM rawiin Inter State Council meeting
NEW DELHI: Prime Minister Narendra Modi inrawinain vawisun hin New Delhi hmunah Inter State Council meeting um a tih. Hi meetinga hin Union Ministers le India rama state tina Chief Ministers hai thang seng dinga beisei an nih. Meeting huna hin Aadhar chungthu, Subsidies, benefits le Public services haia Direct Benefit Transfer (DBT) hmang dan ding thu hai an hriltlang ring a nih. Hienghai baka hin internal security, education quality siemthat dan ding thu hai khawm an hriltlang sa ring a nih tiin Home ministry thusuok chun a hril. InterState Council meeting nuhnung tak chu December 2016 khan New Delhi hmuna nei a nih.
India mi 156 hai Delhi hung phurtlung
NEW DELHI: Tulai Sudan ram buoina le inzawma India mi um hai thuoisuokna dinga ‘operation Sankat Mochan’ hnuoiah India mi 156 hai chu him takin New Delhi hung phurtlung an ni tah. India ram hung phurtlung hai lai hin Trivandrum mi 85 an thang. Operation Sankat Mochan hi Minister of state for External Affairs Gen. V.K. Singh rawia thaw niin ama ngei vuongnaa hin chuongin passenger hai le hin India ram an hungtlung a nih. Buoina ngirhmun zieum tieng a pan pei ta leiin India mi 300 vel hai chun la chambang dingin lungril an siem tiin reprot chun a hril.
CBSE Chairman dingin RK Chaturvedi
NEW DELHI: Mr Rakesh Kumar Chaturvedi chu Central Board of Secondary Education (CBSE) Chairman thar dinga ruot a nih. Prime Minister Narendra Modi inrawinaa Appointment Committee meeting in Mr Chaturvedi hi CBSE Chairman dinga an ruot a nih.
Mr Chaturvedi hi 1987 batch IAS Officer, Madhya Pradesh cadre niin CBSE Chairman sin hi kum 5 sung chel a tih. CBSE Chairman sin hi December, 2014 a inthawk a ruoka lo um ta a nih.
PRRS leiin Vawk 3,613 an thi
AIZAWL: Mizorama distrticts 6 haia chun April, 2016 a inthawk tuchena hin Porcine Reproductive and Respiratory Syndrome (PRRS) leiin Vawk 3,613 an thi niin state Animal Husbandary and Veterinary department report chun a hril. PRRS inlengna district hai chu Champhai, Serchhip, Lunglei, Lawngtlai, Saiha le Aizawl district hai an ni a, Kolasib le Mamit district hai chau an him niin report chun a hril.
Police 12 thangin mi 13 in hliemna an tuok
GUWAHATI: Assama Changsari hmuna AIIMS sawndawk dinga ngenna le inzawma protetors hai le Police hai zanikhan an inbeituo a, hi huna hin Police 12 thangin mi 13 in hliemna an tuok. Hliemna tuok Police hai lai hin Additional SP khawm a thangsa. Protestors hai hin Police hai lungin an deng a, Police chun protestors hai hnawtdarna dingin tear gas an kap bakah lathicharge le blank fire hai an thaw bawk. Protestors hai chun AIIMS hi Raha, Nagaon districta sawn/sie dingin an phut a nih.
Pakistan in Wani martyr in a puong
ISLAMABAD: Pakistan Prime Minister Nawaz Sharif chun tulai hnaia Jammu & Kashmira Security forces han an kap hlum Hizbul Mujahideen Commander Burhan Wani chu ‘Martyr” in a puong bakah Kashmir mipui hai tuorna le an hmalakna thlawpnain July 19 chu Black Day a hmang a ni ding thu a puong. Kashmir buoina chungthua zanita Lahore khawpuia special Cabinet meeting nei huna hi thu hi Mr Nawaz Sharif in a puong a nih. Cabinet meeting chun France, Saudi Arabia, Bangladesh, Turkey le Indonesia ram haia terrorist hai chetna chu an dem bawk.
Francea Bastille Day hmangnaah Truck in mi 84 a hrut hlum
PARIS: Zani zingkar khan France rama French mipui han Nice khawpuia Bastille Day (National Day) an hmangna hunah Truck paikhatin mipui pungkhawm hai a baw a, mi 84 in thina an tuok bakah midang 100 velin hliemna an tuok.
Truck khaltu kum 31 mi FrenchTunisian citizen chu kap hlum a nih. Hi thil hi terrorist hai chetna a nih. HI thil tlunga thi le hliem hai lai India mi an thang nawh tiin Ministry of External Affairs thusuok chun a hril.
Hi thil tlung lei hin France President Francois Hollande chun thla 3 sung aw ding Emergency a puong.
India President, Pranab Mukherjee, PM Narendra Modi le Congress President Sonia Gandhi hai chun Nice khawpuia thiltlung hi nasa takin an dem a, thina tuok sungkuo hai an tuorpui thu an puong tawl.
US President Barack Obama khawmin Nice khawpuia thil tlung hi nasa taka demin, hi thil tlung suizuina kawngah France ramin a mamaw chun US in a thangpui ding thu a hril.
VAWISUN THUPUI
Ngaituona suol hnawttuhai chun an hung hnai a, Anni chu i dan hlata um an nih. Aw Lalpa, nang chu i hnai a, I thupek po po chu thutak a nih.~Sam 119:150151
Editorial: Sakei tia ti
In a vai chi ran hai hi chu ei ti bek nawh. Khawingam an ni lei a nih. In a vai chi ran hai laia a tium tak chu Ui kawl hi an nih. Ramsa chi tum tumhai ruok hi chu ei chengtlangpui hlak an ninaw leiin ei nel nawh. Amiruokchu, ramsa khawm hi vai ngam thei le inchuktir thei an nih. Hiengang bawk hin vate hai khawm khawingam thei an nih. Ramsahai lai mihriem ta dinga tium tam tak an um a. Ei rama ramsa hai laia tium tam tak an um a, chu hai laia an lar zuol deu hai chu Sakei, Savawm le ram Sai hai an nih. Mihriem an suknain an sukhmelhem el bakah mi an that hlak leia hieng ramsa hai hi ei ti bek bek an nih. Savawm le ram Sai hai hin mi suknain an that hlak. Amiruokchu, mihriem sa em chu an fak naw leiin ei ti dan a dang. Sakeihai ruok chun mihriem thata an sukhliem chau ni lova mihriem sa an fak hlak leiin ei ti zuol bik a, sa kawlah ei ngai. Hieng a ni lei hi ni ngei a tih tienlai upa hai khan “Sakei tia ti” tawngbau an lo hmang hlak kha.
Sakei tia ti ti chu a tium natieng hrilna chau ni lovin a tha naw tieng hrilnaa hmang a ni hlak. Ei ngaituo hlak dim, mihriem khawm hi Sakei tia ti an um hlak. Studenthai khawmin ei Zirtirtuhai ei ti dan le ei nel dan an ang ngai nawh. Zirtirtu suol, nunrawng, hrangsie, lungturuk nei, belte phul ang ela lunginrawm hai chu student han inza nekin sakei ti takin an ti a, an nel ngam ngai naw a, inchuktirna le an lekha hrilfiena hai khawm an hrietthiem thei ngai nawh. Hi lei hin Zirtirtuhai chu studenthai nel thei le inza tlaka an nundan an hmang that le an fimkhur hle a ngai a nih. Nungchang annawleh nundan el chau ni lova incheina le tawngbau hmang dan haia khawm zirtirtuhai an fimkhur le an uluk a tul em em el a nih.
Nu le pa hai khawm, a bikin pahai khawm nauhai inza, ngaisang le entawn tlaka ei nundan ei hmang a pawimaw em em el a nih. Nau han pahai sakei ti anga an mi ti pha chun thil a fe indik thei ngai naw a, sungkuo buoi le hlim lo ei hung ni hlak. Tulai hin pa le nauhai tlangnel taka inpawl le titi tlang thei ta der lo thahnemtawk tak ei um ta niin an lang. Hi lei hin sungkuo buoi le sungkuo anga um thei ta lo, sungkuo a buthleng awt khawm thei ta lo, Pathienni tuk tak ngiel khawm sungkuo maicham neitlang thei ta lo, mani fena ding le thaw ding khawm inhril thei ta lo, sakei tia inti le inen el ta sungkuo inrem lo le hlim thei ta lo ei bo bik ta nawh. Sakei tia ei inti le ei inen sung hin chu sungkuo inhawi le hlim um thei ngai nawng ei tih.
Tulai khawvel suk ralmuong lotu, sukrinumtu le suksetu tak, mihai tisim le hril huoi huoi chu terroristhai an nih. Terroristhai hi ei inza le ei ngaisang leia ti ei ninaw a, an suol lei le an nunrawng bek bek leia mi han an thu le hla lova an tlawn that le an phal nawsa saa sum le pai khawm an pek el hlak a nih. Khawvel um sung chu mihai inza le ngaisang ni ngai naw ni hai a, mihai theida le tisim anni hlak ding a nih. Khawvel mihriem han terroristhai hi sakei ti neka ei ti an nih. Terrorist group hriet seng lo an um a, tulai khawvela mihai nghawk le tisim ding khawpa che le inlar em em el chu AlQaeda, Taliban le ISIS tihai hi an nih. Tulai tak lem hin chu a tibaium zuol bik chu ISIS pawl hi an nih. ISIS hai hi an nunrawng em em a, mi kap hlum, mi khai hlum el chau ni lovin, nuhmei suollui, nawmna taka an serhai chen sawisak hlak, mihai raw hlum, em hlum le but hlum hlak hiel khawpa nunrawng anni leiin khawvel mihai tisim an nih.
Ei ni ram le ei society sunga khawm helpawl ei tihai hi Sakei tia ei ti, ei thu le hla lova ei tlawn that an nih. Ei ti lei, ei inza lei le ei ngaisang lei an ni nawh. Mihai hringna an ngainep hle a. Anni hringna ruok chu an ngaihlu tiin pastor pakhat chun tulai hnai el khan mithi ralna huna Pathien thu a hrilnaah a hril pawp pawp el a. Thudik hril ngam Pastor ei nei hi ei vangnei hle. Kei chun hi Pastor hi Pastor huoisen, thudik hril ngam, ei sakhuona thil chau ni lo, ei ram le ei hnam hmangaia thudik puonglang ngam nin ka ngai. Iengtin am ei ngai ve tawl ding?
Mihriemhai ta dingin Sakei tia inti hi a that nawzie thar taka hrie a, sakei tia inti lo dinga ei nundan, ei khawsak dan, ei chet dan, ei thilthaw le hmalak dan hai ei thlakthleng nuom a um takzet el. Sakei khawm huoisen in hrang hle sienkhawm inchuktir thei le khawingam thei an nih. Hi lei hin Circus le Cinema haia khawm mihai ennuom dinga suklang hlak an nih. Ramsa hrang takel le ramsa kawl emem elhai hman inchuktir (training peka thuawi thei) thei an ni chun, mihriemhai khawm inchuktir thei, thiem, hriet le thaw nei thei ngei ngei dinga thuawina nun ei nei nuom a um. Ramsahai leh mihriemhai inthlau dan inhlat takel a nih ti hriea insiem tha dingin ei infiel a nih.
CCPUR: Hmar Women Association (HWA), Sielmat chun zani zantieng khan Pu Romeo Hmar, Northeast India Support & Monitoring Cella Coordinator Secretary le Convenor, Manipur Tribal Forum, Delhi (MTFD) ni bawk chu Sielmat lalpa Pu Mawia chengnainah bufakpuina an nei bakah zani zan dar 7 khan Sielmat Youth Club Hallah inpawlpuina an nei a, hi huna hin a nuhmei Pi Roselyn Lalumpui leh Thangsuopuon insiltirna an nei bawk.
Hi huna Pu Romeo Hmar in thuhrilna a nei hunah, Hmar tawng hmang hai hi Pathienin Chanchintha Mansapui bangnaa a mi hmang ei ni leiin ei mawphurna hi a lien in an sang hle a, hi lei hin ei kawng iengkimah ei unau hnam dang dang hai entawnthlaka ei um a tul. Hieng a ni lei hin Kohran thila mani annawleh thil dang leia inremlona um hai peithlain, Chanchintha mansapui bangna ei ni ang hrimin inthuruolna kawngah hmathuoitu le ei unau hnam dang hai entawn thlaka um hi a pawimaw hle a nih.
Chanchintha mansapui bangna hnam ei ni ang hrima eini sunga inthuruolna tha tak nei a, hnam le hnam kara intheidana le inremnawna um hai khawm sukremtu ei ni a tul; chu chu ei mawphurna dinga Pathienin a ruot a nih. Eini hnam sunga inthuruolna tha tak a um phawt chun ei unau hnam dang hai entawn hung niin, tlangmi hnam tum tum hai kara inthuruolna thalem a hung intlun ngei ding a nih tiin a hril.
ADC huntiem zanikhan a tawp tah
CCPUR: July 14, 2016 nia ADC, CCPur hnuoia MDCs han meeting an nei huna CCPur khawpui sunga Dawrkai le Sa zawrtu hai zui le zawm dinga an rel hai le inzawma thupek (order) insuoa um chu July 16, 2016 khan a tawp tah.
ADC sitting in Dawrkai le Sa zawrtu hai zawm dinga thutlukna an siem hai lai Arsa zawrtu han Ar hmul pawtfai sa hai glass container sunga an sie ding, thildang le Arsa zawr kawp lo ding; Dawrkai tinin electronic weighing machine (bukna) an hmang seng ding ti a nih. Thlakhat sung hun pek a ni a, Arsa zawrtu thenkhat in glass container an hmang tan ta a, sienkhawm Arsa zawrtu tamlemin an la zawm naw bakah Dawrkai tamlemin electronic weighing machine an la hmang naw niin ei thu dawngna chun a hril.
Thupek zawm lo hai chunga action lak dinga ADC in thu an suo a ni a, hun tiem sung a tawp ta le inzawm hin bawzuina a um dim ti ruok chu hi thu sut chena hrietna ei nei nawh.
A la lalo han an rang thei anga la dingin
CCPUR: ZEO le ADC/CCPur hnuoia Mid Day Meal dawng Schools 462 hai kuoma July 8, 2016 a inthawk Towel le Dettol sem a ni a. A la lalo Schools hai chun an rang thei anga la dingin Nodal Officer, MidDay Meal Mr Kaikhanlian Guite chun inhriettirna a siem. Zani chen khan CCPur Blockah Schools 96, Henglep Blockah schools 43, Singngat blockah school 31, Thanlon blockah school 20, Samulamlan blockah school 19 le Tipaimukh blocka schools 12 in an lak tah.
Promotional Tour Concert June 18ah
CCPUR: Tribal Euphony Solo Hunt Top 12 Promotional Tour Concert chu July 18, 2016, 2:00PM a inthawk khin YPA GHQ Hall, Hiangtam Lamka, CCPurah a um ding a nih. Manipur tlangmi hai laia inthuruolna thalem a um theina dingin promotional tour concert hi Hmar Artiste Assn; (HAA), Kuki Artistes Progressive Union (KAPU) le Zogam Artistes Assn. (ZAA) han thangruolin an mikhuol ding a nih. Hi huna hin Tribal Martyrs hai sunna hunser khawm hmang a ni ding a ni leiin Joint Artistes Association chun mitin thang dingin fielna an siem. Hi huna thang nuom hai ta dinga Hall ticket chu Pu Lalsuong Famhoite, Vice President (HAA); Lengtonghoih Studio, Lamka le Sauliim Book Barn, Tiddim Road haiah hmu thei ning a tih tiin Joint Artistes Association chun inhriettirna a siem
.
DSO in pawisa deposit dingin an hriettir
CCPUR: National Food Security Act (NFSA) hnuoia Rationing Agent hai ta dingin July 18, 2016 khin Release Order (RO) semdawk a ni ding a ni a. Hi le inzawm hin RO lakdawkna dingin thla 1 quota a ding pawisa deposit hmasa seng dingin Mr M. Ginzasuan, District Supply Officer (DSO), CCPur chun Rationing Agent hai an hriettir.
Football Tournament a thang thei
CCPUR: July 25, 2016 a inthawk khin Zogam Hoihnu Football Club (ZHFC) chun P.T. Sports Complex, New Lamkaah 3rd. ZHFC Day Open Football Tournament huoihawt an tih. July 23, 2016 chena entry fee Rs. 1,500 peka thang thei ning a tih. Lawmman pakhatna latu kuomah Rs. 10,000 le pahnina latu kuomah Rs. 6,000/ le Best Team of the Tournament kuomah Rs. 2,000/ pek ning a tih. Entry form Saia Hai Dawr, Rengkai Roadah lak thei a nih.
Sugnu lampui siemna Day 3: Vawisun Saikawt mipuiin an sunzawm ding
CCPUR: Sawrkarin a ngaisaknaw leia Muolvaiphei khawtlang thuoituhai hmalaknaa Muolvaiphei khawsung National Highway Sugnu lampui siemthatna sin chu zani khawm khan sunzawm nawk a ni a, zanikha lampui siemthatna sin an thaw a ni thumna a nitah. Muolvaiphei khaw mipuiin groupa inthea lampui siemna sin an thaw hi vel khat an zona a nita a. Zanikhan Tipper 20 order nisienkhawm Tipper 6 chau a hung tlung hman.
July 16, 2016 hin Saikawt Village Authority inrawinain Truck 4 le Tractor 4 hmangin hi lai lampui siemthatna sin an thaw zawm ding a ni a, Saikawt mipui a tam thei ang tak thang dingin Saikawt V/A hai chun ngena an siem.
Lampui siemthatnaa hin lungphit tam tak vur a la tul leiin mi thahnemngai mimal thenkhatin thangpuina an pek zing bawk a, zanikhan Pu Joseph Lalrothang, President, Hmar Inpui khawmin a hmuna va sirin lampui siemnaa hmang dingin Rs. 5,000/ a pek bakah Pu LB Sinate in Rs. 500/ le Pu Zuola Shunate in Rs. 1100/ a pek a, midang dang dang khawmin sinthawhai thingpui dawnna ding Chini le sum iemanizat zat an thawlawm bawk.
Muolvaiphei V/A haia inthawk tuchena thanpuina pe, a petam zuol deu hai lai Pu Sangremsiama Rs. 500/ ; Dr Jire L. Pudaite Rs. 1000/; Lalsuong Famhoite Rs. 500/; Bethesda School of Nursing Rs. 2,000/ hai an thang. Chun, bieltu MLA Pu Hrila in zani hmasa khan Truck hire in lungphit Truck sip 5/6 vel a thak tlung a, a hmuna loading man hai a tum vawng bakah Culvert siemnaa hmang ding Cement Bag 2 a tum bawk a nih. Thangpuina petu dang dang khawm an um a, a then a zar chau ei hung tarlang a nih.
Manipur Assembly Election hun sukhnai tumna a la um nawh;
Parliament Session-ah National Sports University Bil putlut ning a tih- O. Nabakishore
IMPHAL: State Assembly election hung um dinga insingsatna sin chu tan a ni tah. Electoral Roll revision thaw tan a ni ta a, September, 2016 khin Draft Electoral Roll insuo ning a tih. Tuta State Assembly fe mek hun (term) chu March 18, 2017 a tawp ding a ni a, hi hma hin election nei ning a tih. Election hun ding puonglang a la ninaw bakah tuchen hin election hun sukhnai tumna a la um nawh. Electronic Voting Machine (EVM) enfelna sin zingah tan ning a tih. Election hung um dinga hin Mobile application hmang ning a ta, online voting khawm thaw thei a ni el thei. Election hung um dinga hin a hmaa ang bawkin Central paramilitary forces thahnemtawk tak hmang ning a tih. Rationalisation of Polling Station thaw a ni ta a, tuhin polling stations 2704 a um a, Election Commission of India chun polling station hi siem belsa a hung ngen tiin zanita DIPR Complex, Moirangkhom, Imphal hmuna press Conference hunah Chief Electoral Officer (CEO), Manipur le Chief Secretary ni bawk O. Nabakishore Singh chun a hril.
State Assembly Elction hung um dinga hin GIS map hmang ning a tih. State Election Department in branch offices 24 a nei a, thalai kum 18/19 tling thar mi 70,000 vel an um ring a ni a, sienkhawm kum tin kum 18 tling thar, electoral Roll a sielut hi 10,000 chau an nih. Nuhmei kum 30 chen tling ta si, an nu le pa hai kuoma la um anga electoral Roll a chuong hi mi 1.4 lakh vel an la um a, pasal nei tahai chun an vote umna polling station an thlakthleng a tul a nih. Electoral Roll indik tak a hung um theina dingin voterhai chu an address thar, thina thu le a dang dang haiah information indik tak pe seng dingin a ngen. January 1, 2016 qualifying date a hmanga electoral Roll insuo nuhnung taka chun Manipur a voter umzat chu 18,26,926 a ni a, hienghai laia 8,93,957 chu pasal an ni a; 9,31,005 hai chu nuhmei an ni a, pasal vote nekin nuhmei votes 35,048 in a tam lem. Voter list a zieklut thar umzat chu 53,041 a nih tiin zanita Press Conference huna N. Praveen, Joint CEO, Manipur chun a hril.
July 18, 2016 a intahwk Parliament Monsoon session tan ding a ni a, session sung hin Lok Sabhaah Manipura National Sports University Bill pasi dinga putlut ning a tih. June 10, 2014 a Union Finance Minister budget speech a khan Manipur a National Sports University indinna ding hin Rs. 100 crore pek ni dingin a hril. National Sports University building ding bawlzo a ni hmapo chu Khuman Lampak Sports Complex hi University dinga lo hmang ning a ta, Session hmasa tak kum 2017 a tan thei dinga beisei a nih. Hi University bawlna dinga Yaithibi Loukon, Thoubal District a ram chungchang chu sukfel tep a ni a, July 31, 2016 a sukfel tum a nih. Hi University bawlna digna ram mamaw chu 200 acre a ni a, tuta la sukfel lo hi acres 34 a nih tiin O. Nabakishore Singh in zanita
Press Conference huna a hril bawk. Kum 5 sunga mi HAC in report pe lo
IMPHAL: Hill Areas Committee (HAC), Manipur chun kum 5 sunga mi 20112012 to 20152016 inkara mi Administrative reprot a la pek naw a hril a nih. State Chief Secretary chun hi hun sunga report pe dingin Chairman, HAC kuomah lekha a thawn. India danpui Clause (2) Article 371(C) dungzuiin HAC, Manipur chun Governor fethlengin President kuomah Annual report a pek hlak ding ti a nih tiin Chief Secretary, Manipur chun a hril.
Kum 201516 sung Sie Rs. 966.02 lakh
IMPHAL: Kum 201516 sung khan Zu sen chi (IMFL) zawrnaa inthawk Sie Rs. 966.02 lakh bakah tuolsuok zu le IMFL dan kala zawr haia inthawk fine Rs. 33.47 lakh hmu a nih tiin Shailesh Kumar Chaurasia, Commissioner of Excise, Manipur chun zanita DIPR, Imphala Press Conference huna a hril.
AG thar dingin a sin a chel tan
IMPHAL: Accountant General (Audit), Manipur thar dinga ruot D. Jaisankar, IA & AS chun July 1, 2016 a intahwk khan a sin hi a lo chel tan tah. Ama hi Post Graduate in Agricultural Sciences, Tamil Nadu Agriculture University, Coimbatore a zo le IA&AS 2000 batch a nih. Kum 1996 khan ICARah scientist sin a lo chel ta bawk.
Karnatakaah Biekin rawsiet
TUMAKURU: Karnataka state sunga Tumakurua Siragate hmuna Tomlinson Church Kristien Biekin chu zani zingkar khan tu ti hrietlo han petrol buok khumin an raw niin SP Karthik Reddy chun a hril. Hi Biekina inkhawm hlak member pakhat chun, kum 60 chuong hi Biekina an lo inkhawm ta a, tuta tum hi misuolin an Biekin an bei vawikhatna a la ni thu a hril. Deputy Commissioner Mohan Raj chun hi thil tlungna hi a hmun ngeiah a va enfel a, venghimtu a pek ding thu a hril. Biekin rawna le inzawm hin Tumakuru Police chun case an registered.
Tuki in ni 10 sung hun a ngen belsa
ITANAGAR: Arunachal Pradesh Chief Minister Nabam Tuki chun zanikhan Arunachal Pradesh acting Governor Tathagata Roy an hmupui a, July 16, 2016 nia Assemblya majority a command zo le zonaw inentir dinga inhriettirna a lo siemta chu thul a, Assemblya floor test a thawna dingin ni 10 sung hun la pe dingin a ngen. Governor chun, hi chungthua hin legal experts hai a la rawn ding thu a lo hril niin Nabam Tuki chun Governor an hmupui zoin Reporters hai kuoma a hril. Tuki hi July 13, 2016 a kha Supreme Court in Arunachal Pradesh Chief Minister ni nawk dinga a rel, hi le inzawma Tuki hi Governor in July 16, 2016 nia majority a command zo le zonaw inentir dinga zani hmasaa kha an hriettir a nih.
PM rawiin Inter State Council meeting
NEW DELHI: Prime Minister Narendra Modi inrawinain vawisun hin New Delhi hmunah Inter State Council meeting um a tih. Hi meetinga hin Union Ministers le India rama state tina Chief Ministers hai thang seng dinga beisei an nih. Meeting huna hin Aadhar chungthu, Subsidies, benefits le Public services haia Direct Benefit Transfer (DBT) hmang dan ding thu hai an hriltlang ring a nih. Hienghai baka hin internal security, education quality siemthat dan ding thu hai khawm an hriltlang sa ring a nih tiin Home ministry thusuok chun a hril. InterState Council meeting nuhnung tak chu December 2016 khan New Delhi hmuna nei a nih.
India mi 156 hai Delhi hung phurtlung
NEW DELHI: Tulai Sudan ram buoina le inzawma India mi um hai thuoisuokna dinga ‘operation Sankat Mochan’ hnuoiah India mi 156 hai chu him takin New Delhi hung phurtlung an ni tah. India ram hung phurtlung hai lai hin Trivandrum mi 85 an thang. Operation Sankat Mochan hi Minister of state for External Affairs Gen. V.K. Singh rawia thaw niin ama ngei vuongnaa hin chuongin passenger hai le hin India ram an hungtlung a nih. Buoina ngirhmun zieum tieng a pan pei ta leiin India mi 300 vel hai chun la chambang dingin lungril an siem tiin reprot chun a hril.
CBSE Chairman dingin RK Chaturvedi
NEW DELHI: Mr Rakesh Kumar Chaturvedi chu Central Board of Secondary Education (CBSE) Chairman thar dinga ruot a nih. Prime Minister Narendra Modi inrawinaa Appointment Committee meeting in Mr Chaturvedi hi CBSE Chairman dinga an ruot a nih.
Mr Chaturvedi hi 1987 batch IAS Officer, Madhya Pradesh cadre niin CBSE Chairman sin hi kum 5 sung chel a tih. CBSE Chairman sin hi December, 2014 a inthawk a ruoka lo um ta a nih.
PRRS leiin Vawk 3,613 an thi
AIZAWL: Mizorama distrticts 6 haia chun April, 2016 a inthawk tuchena hin Porcine Reproductive and Respiratory Syndrome (PRRS) leiin Vawk 3,613 an thi niin state Animal Husbandary and Veterinary department report chun a hril. PRRS inlengna district hai chu Champhai, Serchhip, Lunglei, Lawngtlai, Saiha le Aizawl district hai an ni a, Kolasib le Mamit district hai chau an him niin report chun a hril.
Police 12 thangin mi 13 in hliemna an tuok
GUWAHATI: Assama Changsari hmuna AIIMS sawndawk dinga ngenna le inzawma protetors hai le Police hai zanikhan an inbeituo a, hi huna hin Police 12 thangin mi 13 in hliemna an tuok. Hliemna tuok Police hai lai hin Additional SP khawm a thangsa. Protestors hai hin Police hai lungin an deng a, Police chun protestors hai hnawtdarna dingin tear gas an kap bakah lathicharge le blank fire hai an thaw bawk. Protestors hai chun AIIMS hi Raha, Nagaon districta sawn/sie dingin an phut a nih.
Pakistan in Wani martyr in a puong
ISLAMABAD: Pakistan Prime Minister Nawaz Sharif chun tulai hnaia Jammu & Kashmira Security forces han an kap hlum Hizbul Mujahideen Commander Burhan Wani chu ‘Martyr” in a puong bakah Kashmir mipui hai tuorna le an hmalakna thlawpnain July 19 chu Black Day a hmang a ni ding thu a puong. Kashmir buoina chungthua zanita Lahore khawpuia special Cabinet meeting nei huna hi thu hi Mr Nawaz Sharif in a puong a nih. Cabinet meeting chun France, Saudi Arabia, Bangladesh, Turkey le Indonesia ram haia terrorist hai chetna chu an dem bawk.
Francea Bastille Day hmangnaah Truck in mi 84 a hrut hlum
PARIS: Zani zingkar khan France rama French mipui han Nice khawpuia Bastille Day (National Day) an hmangna hunah Truck paikhatin mipui pungkhawm hai a baw a, mi 84 in thina an tuok bakah midang 100 velin hliemna an tuok.
Truck khaltu kum 31 mi FrenchTunisian citizen chu kap hlum a nih. Hi thil hi terrorist hai chetna a nih. HI thil tlunga thi le hliem hai lai India mi an thang nawh tiin Ministry of External Affairs thusuok chun a hril.
Hi thil tlung lei hin France President Francois Hollande chun thla 3 sung aw ding Emergency a puong.
India President, Pranab Mukherjee, PM Narendra Modi le Congress President Sonia Gandhi hai chun Nice khawpuia thiltlung hi nasa takin an dem a, thina tuok sungkuo hai an tuorpui thu an puong tawl.
US President Barack Obama khawmin Nice khawpuia thil tlung hi nasa taka demin, hi thil tlung suizuina kawngah France ramin a mamaw chun US in a thangpui ding thu a hril.
VAWISUN THUPUI
Ngaituona suol hnawttuhai chun an hung hnai a, Anni chu i dan hlata um an nih. Aw Lalpa, nang chu i hnai a, I thupek po po chu thutak a nih.~Sam 119:150151
Editorial: Sakei tia ti
In a vai chi ran hai hi chu ei ti bek nawh. Khawingam an ni lei a nih. In a vai chi ran hai laia a tium tak chu Ui kawl hi an nih. Ramsa chi tum tumhai ruok hi chu ei chengtlangpui hlak an ninaw leiin ei nel nawh. Amiruokchu, ramsa khawm hi vai ngam thei le inchuktir thei an nih. Hiengang bawk hin vate hai khawm khawingam thei an nih. Ramsahai lai mihriem ta dinga tium tam tak an um a. Ei rama ramsa hai laia tium tam tak an um a, chu hai laia an lar zuol deu hai chu Sakei, Savawm le ram Sai hai an nih. Mihriem an suknain an sukhmelhem el bakah mi an that hlak leia hieng ramsa hai hi ei ti bek bek an nih. Savawm le ram Sai hai hin mi suknain an that hlak. Amiruokchu, mihriem sa em chu an fak naw leiin ei ti dan a dang. Sakeihai ruok chun mihriem thata an sukhliem chau ni lova mihriem sa an fak hlak leiin ei ti zuol bik a, sa kawlah ei ngai. Hieng a ni lei hi ni ngei a tih tienlai upa hai khan “Sakei tia ti” tawngbau an lo hmang hlak kha.
Sakei tia ti ti chu a tium natieng hrilna chau ni lovin a tha naw tieng hrilnaa hmang a ni hlak. Ei ngaituo hlak dim, mihriem khawm hi Sakei tia ti an um hlak. Studenthai khawmin ei Zirtirtuhai ei ti dan le ei nel dan an ang ngai nawh. Zirtirtu suol, nunrawng, hrangsie, lungturuk nei, belte phul ang ela lunginrawm hai chu student han inza nekin sakei ti takin an ti a, an nel ngam ngai naw a, inchuktirna le an lekha hrilfiena hai khawm an hrietthiem thei ngai nawh. Hi lei hin Zirtirtuhai chu studenthai nel thei le inza tlaka an nundan an hmang that le an fimkhur hle a ngai a nih. Nungchang annawleh nundan el chau ni lova incheina le tawngbau hmang dan haia khawm zirtirtuhai an fimkhur le an uluk a tul em em el a nih.
Nu le pa hai khawm, a bikin pahai khawm nauhai inza, ngaisang le entawn tlaka ei nundan ei hmang a pawimaw em em el a nih. Nau han pahai sakei ti anga an mi ti pha chun thil a fe indik thei ngai naw a, sungkuo buoi le hlim lo ei hung ni hlak. Tulai hin pa le nauhai tlangnel taka inpawl le titi tlang thei ta der lo thahnemtawk tak ei um ta niin an lang. Hi lei hin sungkuo buoi le sungkuo anga um thei ta lo, sungkuo a buthleng awt khawm thei ta lo, Pathienni tuk tak ngiel khawm sungkuo maicham neitlang thei ta lo, mani fena ding le thaw ding khawm inhril thei ta lo, sakei tia inti le inen el ta sungkuo inrem lo le hlim thei ta lo ei bo bik ta nawh. Sakei tia ei inti le ei inen sung hin chu sungkuo inhawi le hlim um thei ngai nawng ei tih.
Tulai khawvel suk ralmuong lotu, sukrinumtu le suksetu tak, mihai tisim le hril huoi huoi chu terroristhai an nih. Terroristhai hi ei inza le ei ngaisang leia ti ei ninaw a, an suol lei le an nunrawng bek bek leia mi han an thu le hla lova an tlawn that le an phal nawsa saa sum le pai khawm an pek el hlak a nih. Khawvel um sung chu mihai inza le ngaisang ni ngai naw ni hai a, mihai theida le tisim anni hlak ding a nih. Khawvel mihriem han terroristhai hi sakei ti neka ei ti an nih. Terrorist group hriet seng lo an um a, tulai khawvela mihai nghawk le tisim ding khawpa che le inlar em em el chu AlQaeda, Taliban le ISIS tihai hi an nih. Tulai tak lem hin chu a tibaium zuol bik chu ISIS pawl hi an nih. ISIS hai hi an nunrawng em em a, mi kap hlum, mi khai hlum el chau ni lovin, nuhmei suollui, nawmna taka an serhai chen sawisak hlak, mihai raw hlum, em hlum le but hlum hlak hiel khawpa nunrawng anni leiin khawvel mihai tisim an nih.
Ei ni ram le ei society sunga khawm helpawl ei tihai hi Sakei tia ei ti, ei thu le hla lova ei tlawn that an nih. Ei ti lei, ei inza lei le ei ngaisang lei an ni nawh. Mihai hringna an ngainep hle a. Anni hringna ruok chu an ngaihlu tiin pastor pakhat chun tulai hnai el khan mithi ralna huna Pathien thu a hrilnaah a hril pawp pawp el a. Thudik hril ngam Pastor ei nei hi ei vangnei hle. Kei chun hi Pastor hi Pastor huoisen, thudik hril ngam, ei sakhuona thil chau ni lo, ei ram le ei hnam hmangaia thudik puonglang ngam nin ka ngai. Iengtin am ei ngai ve tawl ding?
Mihriemhai ta dingin Sakei tia inti hi a that nawzie thar taka hrie a, sakei tia inti lo dinga ei nundan, ei khawsak dan, ei chet dan, ei thilthaw le hmalak dan hai ei thlakthleng nuom a um takzet el. Sakei khawm huoisen in hrang hle sienkhawm inchuktir thei le khawingam thei an nih. Hi lei hin Circus le Cinema haia khawm mihai ennuom dinga suklang hlak an nih. Ramsa hrang takel le ramsa kawl emem elhai hman inchuktir (training peka thuawi thei) thei an ni chun, mihriemhai khawm inchuktir thei, thiem, hriet le thaw nei thei ngei ngei dinga thuawina nun ei nei nuom a um. Ramsahai leh mihriemhai inthlau dan inhlat takel a nih ti hriea insiem tha dingin ei infiel a nih.
