Responsive Ad Slot

HKI Thuoituha'n Project hai kanna le tawngtaina nei

Tuesday, July 12, 2016

/ by VIRTHLI HMAR
Hmarkhawpui (Sipuikawn): Tarik 10th July, 2016 khan Hmarram Kohran Inzawmkhawm (HKI)- Office Bearers (OB) hai chun Hmarkhawpui (Sipuikawn) khuoah HKI thiltumhai, Pathien thutak a rawngbawlna le Sawrkar building bawl mek a umhai an hmatienga bawlzo le mipui ta dinga tangkai taka hmang anni vat theina dingin Pu Rosang, V/A Chairman, Hmarkhawpui (Sipuikawn) inrawina hnuoiah a hmun ngeiah enfelna neiin, Contractor, building bawltu, sinthawtuhai, bieltu MLA le an nghatna khawtuol mihai ta dingin inhrilhrietna le Pathien kuomah tawngtaina hun hmang a nih. Hi hun a hin Khawtlang thuoitu, Kohran thuoituhai le mi tu el khawmin sinthawhai chawkbuoi zawnga um lo dingin le an hmatienga zo fel a ni a, mipuiin an sawr vat theina dingin mitin in lo support seng dingin HKI thuoituhaiin ngenna an siem.


Public Properties hrim hrim suksie hlaktuhai chu hnam le khawtlang inthanglienna ding daltu le hmelma ang anni a, duot taka enkawltu le venghimtuhai ruok chu malsawmna’n an inkhum hlak ti hai uor takin an hril. Tulai tak hin Hmarkhawpuiah hmasawnna sin nasataka thaw mek a ni a, PHC siemthar/ bawlzo a ni ta a, Tourist lodge bawl zo tep a ni ta bawk. Chun Power sub-station khawm bawl tan mek a nih.
(Lalnunthang Songate)
Don't Miss
© all rights reserved
made with by Simon L Infimate