Responsive Ad Slot

Political dialogue nei tan, State hran nei an ngiet

Wednesday, June 15, 2016

/ Published by VIRTHLI
New Delhi, June 15, 2016, Virthli (ONP): United Peoples' Front (UPF) le Kuki National Organisation (KNO) thuoituhai chun Central, State sawrkar le Political Dialogue vawisun khan Hotel Ashoka, New Delhi hmunah an nei tan. UPF le KNO, State le Central sawrkar hai hin kum 2008 a inthawka Suspension of Operation (SoO) an lo ziek tah a nia, tuta inbiekna hi formal taka political talk an neina chauh a nih.


KNO le UPF hai spokesperson Dr.Seilen Haokip le Aaron Kipgen hai chun State hran (separate statehood) nei dinga rawtna chu hi inbiekna dawkan a hin an hrillang a, KNO le UPF aiin suoi an kei bawk a nih. Hi huna hin induthaw takin Separate statehood nei chu makmaw ani thu hai an hrila, central sawrkar aiawtu hai chun hmatieng peia inbiekna (political talk) sunzawm nawk pei na dingin lampui siem dingin sawrkar chu an peisa zing a ni thu hai an hril bawk a nih.

 Hi inbiekna hi Ministry of Home Affairs, (MHA), Joint Secretary (northeast) Satyendra Garg keihruoina hnuoia nei a nia, Central sawrkar aiawin Brig Prasad, DGMI, Col. Amit tewatia, DGMI, Lt. Col. Pankaj Sharma DGMO hai an thang.

Manipiur sawrkar aiawin Dr J Sureshbabu, Addl. Chief Secretary, government of Manipur (home department) le P Doungel, Addl DPG (intelligence), Manipur hai an nih.

Chun KNO hmingin T. Lalpu Hangshing, ZRA, David Hangshing, KRA/KNO,TS Haokip, Defence Secretary, KNO, T Samuel, KNO, Seilen Haokip Spokesperson, KNO le Dino Zou of ZDV hai an nia, UPF hmingin Aaron Kipgen, spokesperson UPF, Sanga Hmar, HPC (D), Calvin, Convenor, UPF, Jacob Thadou, UKLF, Henkholal Doungel, KRF le Romeo Haokip, UKLF hai an nih.

Kuki National Organisation (KNO) hnuoia a hin Kuki National Front (Military Council), Kuki National Front (Zogam), United Socialist Revolutionary Army (Old Kuki), United Komrem Revolutionary Army (UKRA), Zomi Reunification Front (ZRF), Zou Defence Volunteer (ZDV-KNO), Hmar National Army (HNA), Kuki Revolutionary Army (Unification), Kuki Liberation Army (KLA-KNO) le Kuki National Army (KNA) hai an nh.

United People’s Front (UPF) hnuoi ah United Kuki Liberation Front (UKLF), Kuki Revolutionary Army (KRA), Kuki National Front (KNF-S), Kuki National Front (KNF-P), Zomi Revolutionary Organisation (ZRO), Hmar People’s Convention (HPC-D), Zou Defence Volunteer (ZDV) le Kuki Liberation Army (KLA) hai an um a nih.

Don't Miss
© all rights reserved
made with by Simon L Infimate