New Delhi, June 30, 2016, Virthli (ONP): Naga Community, Delhi huoihawtna hnuoiah famtah Lt. Isak Chishi Swu (1929-2016), Chairman, NSCN (IM) condolence service chu 29th June 2016, 5PM khan Nagaland House, New Delhi hmuna hmang a nih.
Hi hun hi Mani Charanamei, Former Member of Parliament, Lok Sabha keihruoina hnuoia hmang a niin, Condolence Message hrilna Rev. Dr. Ricky Medom, Pastor, Naga Christian Fellowship, Delhi in a nei a, thuhrilna hun National Socialist Council of Nagaland (IM) hai bakah Sumi Community, RN Ravi (Interlocutor), Nandita Haksar, Human rights Activist & Lawyer, Bharat Bhushan, Journalist, Deepak Dewan, Executive Editor, North East Sun haiin an nei bawk a nih.
Delhi Hmar Welfare Association thuoitu hai le members iemanizat hi sunna hunser a hin an va thang ve a nih.
Lt. Isak Chishi Swu a ruong hi June 30 hin Dimapur tlungpui dinga ti a nia, Naga hai Inpui (Naga Hoho) haiin a ruong lo hmuok an ta chu zova NSCN hai camp Hebron ah laklut ning a tih. July 1 ah Hebron hmuna State condolence service nei ni nawk ata, July 3 in a piengna khuo Chishilimi, Zunebohto district tieng phur ning ata July 4 ah vuiliem ani ding a nih.
