Responsive Ad Slot

Kum 10 hnunga Rimawi Khawvel-ah Ruby Zote a kir nawk

Sunday, June 19, 2016

/ Published by VIRTHLI
Aizawl, June 19, 2016, Virthli (ONP): Hlasakthiem, hmeltha le BDS zo thar Virthli khawma interview chen alo neipui hiel tah Nk. Ruby Zote chu rimawi tieng pang ah kir zai a rel nawk tah.

Nk. Ruby Zote hin Album puitling kum 10 liem ta khan a lo siem taa, hunsawt tak rimawi khawvel a suoksan hnungin Single Music Video siem tumin an puocha nawk mek a nih. Hi music video hi Mizo rapper inlar tak el Michael M Sailo leh ngei an hung suksuok ding a nih.

Nk. Ruby Zote single music video thar ding hi "Panlai Nunhlui" ti a nia, hi hla hi Mizo thangthar hla phuokthiem, hlasakthiem han a hla phuok an sak rawn pawl tak Thangliana Colney hla phuok ngat a nih.



"Panlai Nunhlui" music video hi May thla tawp tienga inthawk khan shooting nei tan a nia, Ruby Zote in ama chan po zoin tuhin Michael M Sailo a chan (a part) ala bak met leiin zofel ala ni naw deu a nih. Beisei dan chun tuta thla tawp annawleh July thla bul tieng suksuok hman an tum thu Nk. Ruby Zote chun a hril.

Nk. Ruby Zote hin music video pa 8 lai alo siem taa, Gospel hla tieng deu vawng niin, kum 2004 lai vela alo siem vawng an ni tah. Kum 2005 khan "Chatuan Pathian" ti audio album khawm alo siem tah a nih.  A kum nawk Lal Lenna, Nunna Kailawn, A Tha Vek E ti le Krismas hla hai music video alo siem ta bawk a nih.  A hla hai hi an lar a, mi hriet a hlaw em em bawk a nih.

Tuta hla lenglawng "Panlai Nunhlui" hmanga a hung COME BACK nawk ding hi mi tamtak chun an nghakhla hle a nih. 
Don't Miss
© all rights reserved
made with by Simon L Infimate