Tamil Nadu Home a um naupang 12 CCPur thuoi tlung
CCPUR: Tamil Nadua Mary Daina Samuel Children Home, Poliwakam, Thiruvalura um Churachandpur district mi naupang kum 1015 inkar mi 12 hai chu June 23, 2016 zingkar 10:30AM khan District Child Protection Unit (DCPU), CCPur han dam takin Imphal Airport an hung thuoitlung a, DCPU chun zani ma khan Child Welfare Committee (CWC), CCPur kutah an inhlan a, CWC chun naupang hai hi an nu le pa hai kutah an inhlan sawng nawk niin Ms Florence Haokip, Chairperson, CWC chun report a hung pek.
Hieng naupang hai hi an nu le pa han khawsak harsatna leia kum 2011a kha hi Children Homea an zu sie, thuoikir nawk an nuom ta leia anni mimala annauhai an laksuok thei tanaw leia DCPU in a hmuna um Child Welfare Committee hai thangpuinaa Department of Social Welfare, CCPur sum senga an zu thuoisuok an nih.
Paramedical Sciences inchuk thei
CCPUR: Tribal Affairs and Hills Department, Govt. of Manipur chun tribal students hai ta dingin Paramedical Sciences courses tum tum Diploma in Medical Laboratory Technology 15 students; Diploma in Radiology Imagin Technology 15 students; Diploma in Opthalmic Technology 10 students le Diploma in Operation Theatre Technology 10 students inchuk ding lak a tum a. Tribal students Class XII (science) passed hai ta dingin apply thei ning a ta, Application form le prospectus chu Rs. 300/ pein Medical officer, Directorate of Tribal Affairs & Hills, Near Kuki Inn, Imphal; DC, CCPur Office le CEO, ADC, CCPur haiah lak thei ning a tih. Hieng a chunga office haia Aplication form peklut theina hun nuhnung tak June 30, 2016 a ni a, Directorate of TA & Hillsah July 5, 2016 chenin peklut thei ning a ta, eligible candidates hai ta dinga interview chu July 12, 2016 in Directorate of TA & Hills Officeah nei ning a tih tiin CEO/ADCC chun inhriettirna a siem.
S.K.Oil Dealer han June 2016 quota
CCPUR: DC, CCPur chun Churachandpur District sunga S.K. Oil SubDealer hai chu DC Office in S.K. Oil Dealers hai kuoma Advice list a pek dungzuiin June 2016 quota chu DC Office in permit a peksuok kher tul lovin direct in S.K. Oil Dealer hai kuomah mani Identity Card chawiin vawisuna inthawk June 30, 2016 chenin la thei an tih tiin zanikhan thusuok a siem. S.K. Oil dealer hai chu adviced list dunguia Subdealers hai kuoma pe ding le an pekdawk zat, pek suok ni hai tha taka zieklut le signature pe ngei dingin an hriettir bawk.
RPCNEI 45th Executive Council
CCPUR: Reformed Presbyterian Church (RPC), NEI chun June 23, 2016 a inthawk khan VTI Auditorium, Rengkai Muolhlumah 45th Executive Council an nei. Hi huna hin District 5 haia inthawk le Mission Fields 5 haia inthawk palai thahnem tawk tak an fekhawm. Council inthung hi June 24, 2016 chen nei ding a ni a. Hi hun sung hin ro pawimaw tak tak hai rel a nih.
Pasal 3 ralthuom le inruithei leh an man
CCPUR: June 22, 2016, zan dar 5:35 khan 7Assam Rifles han Koite Roada frisking an thawnaah Seitinlal (29) s/o Jangthang of D. Vaison village, Zangkhogin (37) s/o Seikhopau of V. Bethel le Tongmang Guite (28) s/o Doukhothang of Saikul, Senapati district hai an man a. An kuta inthawk country made 9mm Pistol 2, magazine 2, a mu 2, Mobile phone 5, Airtel SIM Card 2, Memory Card 1, Scooty Yahama Ray MN01C8081, Honda Activa MN02A7928, Rs.3492, SP mum 344, Heroin (No.4) gram 5 an mansa bawk niin zanita Police thusuok chun a hril. Hi le inzawm hin Police chun FIR No.32 (6) 2016 CCPPS U/S 21 NDPs Act & 25 (1C) A. Act an registered. Zanikhan Police han Court hmaah an inlangtir a, Court chun June 30, 2016 chen Police Custodya la um phawt dingin an chungthu a rel.
7Assam Rifles hai hin, Churachandpur le Moirang inkarah ralthuom chawi ni dinga ringhla inruithei zawr an um ti report an dawng bawzuia frisking an thawna hieng mi 3 hai hi an man a nih.
Manipura Sports University indinna dinga a mawphurna chu state sawrkarin a zo fel tah O.Ibobi Singh, CM
IMPHAL: Manipura Sports University indinna dinga a mawphurna chu state sawrkarin a zo fel vawng tah tiin zanita CM O.Ibobi Singh in Press Conference a buotsai huna Chanchinbumihai kuoma a hril. Press Conference a hin Dy. CM Gaikhangam, Ministers le Chief Secretary hai khawm an thang. Sports University indinna dinga hmun 336.93 acres tul khawm sukfel le a lekha pawimawhai khawm sawrkar thlungpui kuomah peklut a ni tah. Hi University indinna dinga hmun acres 34 la sukfel lova um chungthua khawm June 22, 2016 khan Courtah hearing zo a ni ta a, a ram neituhai khawma an ramah hi University bawl hi an remti tawl ta a, tuta inthawk ni 2/3 hnungah thil sukfel tulhai sukfel ni tang a tih. PM Narendra Modi kuomah ram chungchang hi hrilfiena ka pek ta a nih tiin O.Ibobi Singh chun Chanchinbumihai kuoma a hril.
Manipura Sports University indinna ding hin Parliamentah Bill pasi a tul a. Sawrkar thlungpui ruok chun hi Bill hi Parliament Sessiona khawm a la putlut nawh. Hi University bawlna ding hmun le ram thuah buoina a um ta naw a, a ram neitu han an ram hi University bawlna ding hin an phal vawng ta a, kan ram hai hi la ta ro tiin sawrkar an mawr lem a nih. Ram chungchangah buoina a um tanaw a, hi University indinna dinga Parliamenta Bill pasi tul chu sawrkar thlungpuiin a ngaitha lem a nih tiin O. Ibobi Singh chun Chanchinbumihai kuoma a hril.
Hieng laizing hin BJP chun, hi University indinna ding hmuna ti Yaithibi Loukon chungthua inselbuoina um June thla sunga chingfel a ninaw chun hmun dana indin dinga sawn a ni el thei tiin an hril. May 26, 2016 khan Joint Secretary, Ministry of Youth Affairs and Sports, Govt. of India Rajvir Singh chun Manipur Chief Secretary kuomah hi thu hi (hmun danga sawn ding thu) a hung inhriettir ta a nih tiin Shijagurumayum Shantikumar, ExPresident, BJP Manipur President in BJP Office, Nityaipat Chuthek, Imphala Chanchinbumihai an hmupui huna a hril ve thung.
Ram inchu buoinaah mi 7 an hliem
IMPHAL: Zani zingkar dar 3:30 vel khan Senapati Disticta Maram Khunou le Khabung Karong khaw mihai inkarah ram inchubuoina le inzawmin silai kap puok a ni a, mi 7 an hliem a, hliem hai laia 5 chu an hliem inrik leiin Imphal tieng panpui an ni a, Shija Hospital le Raj Hospital haiah admit le enkawl an nih. Maram Khunou khaw mihai chu silai hung kap hmasatu an nia hril a nih. Hliem deu hai chu Th. Viinii (19) s/o Thole of Vaikho, Sahiinii, s/o Daile of Vaikho; P. Daihrii, V. Paul, s/o P. Vio le A. John, s/o (L) Ahrai hai an nih.
Nundan pangngai a sukbuoi
IMPHAL: JAC Against the announcement of Wanter JCILPS leader Kh. Ratan and on Implementation of ILPS Singjamei Wangma in darkar 48 bandh an thaw chun nundan pangngai a sukbuoi pha hle. Imphal khawpuia chun dawr, bazar, inchuknain hai khar an ni a, mimal motor hai an tlan naw bawk. Chun, Imphal le District Headquarters hai inkarah passenger buses, Winger, etc hai an tlan naw bawk. Sawrkar office haia khawm ni dang nekin office kai an tlawm.
RIMS OPD le Casualty khar
IMPHAL: RIMS Hospitala nonteaching le Teaching staff han an sinthaw chawlsana nuorna an nei leiin RIMS OPD le Casualty Department hai khar a ni leiin damnaw hai chu hi hospitala Doctor pan thei lovin zanikhan an kir tawl.Parliamentary Secretary, K. Meghachandra in staff thenkhat nakawr a her pek ti leia lungawi lova RIMS Staff han nuorna hi an nei a nih.
Training nuomhai ta dingin
IMPHAL: Institute of Hotel Management, Catering Technology and Applied Nutrition, Guwahatia Food Production & patisserie, P.G. Diploma in Accomodation Operation & Beverage Service hai State sawrkar tira training nuomhai ta dingin June 29, 2016 chenin Directorate of Tourism, Govt. of Manipur ah hnina lekha peklut thei a nih.
Bomb expert man a nih
IMPHAL: NRFM Gang a bomb expert, Nameirakpam Mangi @ Yaima (48), s/o N. Kondum Singh of Yurembam Mayai Leikai chu zani zingkar dar 3 vel khan Imphal West Police Commando le 12Bihar Regiment thangruol han a chengnaina inthawk an va man.
NE Regional party 8 in NEDA an zawm
GUWAHATI: India hmarsak biel (North East) –a Mizo National Front le Asom Gana Parishad hai thangin regional political parties 8 hai chun North East Democratic Alliance (NEDA) an zawm. NEDA chun zani hmasa zan khan Guwahati hmuna NEDA meeting hmasatak an nei a,hi huna hin AGP, MNF, BPF, Peoples’ Party of Arunachal, Indigenous Peoples Front of Tripura le Meghalaya a inthawk UDP le NPP thuoitu hai an thang a nih. NEDA hi National Democratic Alliance (NDA) hnuoia indin a nih. NEDA Convenor Himanta Biswa Sarma chun, Alliance conventionhmasa tak chu July 13, 2016 khin Guwahati hmuna nei ni dingin a hril.
Meeting a hin NEDA fe dan ding hriltlang le rel a ni a, secretariat hran, working groups indin ding le a dang dang hai hriltlang a nih.
Bihar toppers han Rs. 20 lakh seng an pek
PATNA: Bihar School Examination Board (BSEB) Chairman hlui Lalkeshwar Prasad Singh chun, tukuma Bihar Board hnuoia Class XII exama toppers hai khan top position an ni theina dingin Rs. 20 lakh seng an pek niin an puong tiin zanita Police thusuok chun a hril. Hi baka hin Mr Singh hin intermediate college haia inthawk affiliation fee in Rs. 4 lakh seng a lak bawk niin an puong bawk. Patna SSP Manu Maharaaj chun, Sing hin BSEB Chairman a ni dungin colleges 100 chuong affiliation a pek niin a hril.
Mr Singh le a nuhmei ni bawk exMLA le professor hlui Usha Sinha hai hi June 20, 2016 a kha SIT han Varanasi hmuna an va man le zani hmasaa kha ni 3 sung Police Custodya um phawt dinga court in a rel a nih.
NE Security meet Shillongah
SHILLONG: Intelligence Bureau, Delhi huoihawtnain NEa DGPs/IGPs hai ta dingin ni 2 sung aw ding North East Security Meet chu zanikhan Shillong, Meghalayaah tan niin Meghalaya CM Mukul Sangma in a hawng. NE DGPs/IGPs meeting hi kum 1982 a inthawk regular taka nei hlak hrim a ni a, meeting hmasatak chu May 19, 1982 khan Shillong hmuna hin nei a ni a, tuta tum hi hiengang meeting Shillong in a mikhuol vawi 8na a ni tah. Meetinga hin Special DG, IB New Delhi; DGP, Meghalaya, DG NCB, DGPs of Assam, Sikkim, Nagaland le Addl. DGPs of Tripura, Manipur le West Bengal hai thang dinga ti an nih. Hienghai baka hin Assam Rifles, BSF, ITBP le SSB officers hai khawm thang an tih.
UP Electionah JD(U) an party malin
PATNA: Janata Dal (United) chun kum 2017a Uttar Pradesh Assembly Election hung um dinga khin an party khatin candidate an nei ding thu an party president le Bihar CM Nitish Kumar chun a hril. UP Assembly election hung um ding le inzawma party dang le thangruol dinga party dang inbiekpuinaa hun le tha a seng tanaw ding thu Nitish Kumar chun a hril a, Party thuoitu le workers hai chu election ding le inzawma an hun tamlem hmang dingin an hriettir bawk.
Kamat in an banna lekha a hnukkir
NEW DELHI: Union Minister hlui le Congress leader Gurudas Kamat chun June thla bula Congressa inthawk inbanna a pek chu zanita Congress President Sonia Gandhi an hmupui hnungin an banna a hnukkir nawk tah. Mipui ta dinga rawngbawl theina platform thatak Congress party chau a nia a hriet leia a lungril thlakthlenga inbanna a pek hi a hnukkir nawk niin a hril. Tuta hma khawmin Congress leaders hai chun tum 5 lai zet an banna hi hnukkir dingin an lo thlem ta hrim a nih. Mr Kamat hin active politics chawlsan a nuom ta thu hrila June 8, 2016 a kha Ms Sonia Gandhi kuoma inbanna a lo pek a nih.
MLA term hni tling tah lampui sirah Tarpaulin zarin a khawsa
GARHSHANKAR: Punjaba Hoshiarpur districta chun BSP MLA term khat chau khawm ni lo, term hni zet lo tling tah Shingara Ram Shahunggra le a sunghai chu chengna ding in khawm neizo loin lampui sira tarpaulin zarin an khawsa.
Mr Shaunggra le a sunghai hi irrigation department buildinga ni iemanizat chu dan loa lo khawsa tah, state sawrkarin June 19, 2016a kha a hnawtsuok leia lampui sira khawsa el an nih. State hausa takel Punjaba MLA hlui, mani chengna ding in nei lova um umsun a la nih.
Shaunggra chun, MLA pension hlaw thla tin Rs. 20,000 a lak ve a, in hluo ding a zawng zing a, sienkhawm a la hmu zonaw leiin lampui sira footpathah thlaisuonga khawsa el an ni thu le an thenum pakhat hai insil le insawpfainain hmun an intawmpui thu a hril.
Shahunggra hi kum 1992 le 1997 hai khan Scheduled Caste ni zing sia Garhshankar general categorya MLA a thlangtling niin Kansi Ram hai sungkuo a tan leia BSP in an hnawtdawk a ni thu, hnam hnuoihnung hai ngirhmun dawmsang tumna leia Kanshi Ram’s missiona a thang theina dinga politics a lut a ni thu a hril a. MLA term 2 ka chel sung khan ka mimal ta dinga pawisa siem ka tum ngai nawh. Corruption thila kan rawl nuomnaw leia hiengang ngirhmuna um ka nih. MLA ka ni huna khan ka thla tin hlaw kha In bawl theina khawp a ninaw a, tuhin ka pension hlaw in ka khawsa a nih tiin a hril.
Kum 10 sung zet MLA ni sia chengna ding in neizo lova umsun a la ni ring a um.
RBI Governor thar ding
NEW DELHI: Reserve Bank of India (RBI) Governor Raghuram Ranjan hun (term) chu September 4, 2016 khin a tawp ta ding a ni a. Sawrkar thlungpui chun Raghuram Rajan hun hi keisei a tum naw nia hril a nih. Hi lei hin Union Finance Ministry chun RBI Governor thar ding hi a zawng mek a hril a nih. RBI Deputy Governor Rakesh Mohan chu RBI Governor thar dinga ruot a ni el thei tiin ei thu dawngna chun a hril. RBI Governor thar ni thei dinga hril hai lai SBI Chief Arundhati Bhattacharya, RBI Deputy Governor Subir Gokarn, Economic Affairs Secretary Shaktikanta Das, RBI Dy. Governor Urjit Patel le Chief Economic Adviser Arvind Subramanian hai an thang. Rakesh Mohan hi Imperial College, University of London le Yale University haia lekha lo inchuk, Princeton a inthawka Ph.D (Economics) zo a nih. Deputy Governor RBI bakah Secretary, Department of Economic Affairs, Ministryof Finance, Govt. of India le Chief Economic Adviser, Ministry of Finance sin hai lo chel ta hlak a ni bawk. RBI Governor thar ding hi PM Modi in Union Finance Miister inrawnpuia a ruot ding a nih.
SCO Summit thang dingin PM Tashkent a tlung
TASHKENT: Shanghai Cooperation Organization (SCO) a thang dingin PM Narendra Modi chu zanikhan Uzbekistan khawpui Tashkent a tlung. Summit sung hin PM Modi chun China President Xi Jinping le Russia President Vladimir Putin hai inhmupui a ta, China president chu India Nuclear Supply Group (NSG) member a nei theina dinga thlawp dingin ngen a ta, Uzebekistan President khawm inhmupui bawk a tih.
Mizoramah District siem belsa tum
AIZAWL: Mizoram sawrkar chun District siem belsa a tum a, hi thil bawzuia enfeltu dingin members 10 umna District ReOrganisation Committee an din. Hi Committee Chairman dingin Mizoram Chief Secretary Lalmalsawmna ruot a nih. Kum 2008 khan MNF sawrkarin District 3, Hnathial, Saitual le Khawzawl district hai siem dingin thutlukna a siem a, sienkhawm tuchen hin officiala sukpuitlingna a la um nawh. Hnathial hi Lunglei districta um, Saitual le Khawzawl hai hi Aizawl district sunga um an nih.
VAWISUN THUPUI
Suok ni lo dingin Krista chun a min suoktir ta kha; chuongchun ngir det unla, suok ringkawla chun intang nawk ta naw ro. Galati 5:
Editorial: Government Recruitment ban hlip hi
June 22, 2016 a Manipur state Cabinet meeting chun Manipur Legislative Assembly a thawk ding Committee Officer 8, Legal Assistant 2, Reporter GradeIV 6 hai thangsain post chi hran hran 125 regulara thawk dinga lak ding, Bishnupur District sunga um Maibam Lotpaching a um War Memorial Complex siem that ding; Imphal War Museum (World WarII) siem that ding; hieng thil pahni hai thawna ding hin Tourism Department kuomah ram 4.055 acres pek ding; ITI campus, Takyelpat hmun danga sawn ding; Loukoipat State Tourism Department kuta inhlan ding; Manipur Technical University a thawktu ding lak ding (post creation) ti le Manipura Appointment ban thawa um hlip ding tihai an rel a. State Cabinet meeting thu rel hai hi a thanaw a um naw a, a tha seng. A bikin Manipur sawrkar hnuoia Department a sin lakna khap (ban) a um sut ta dinga an rel hi Manipur mipui hai ta ding chun lawm a um zuol bik a, chanchin lawmum a nih.
State sawrkarin Appointment ban a thaw leiin Department tum tum haia sin ruok um hai hrim hrim Contract basis a lak vawng hlak a ni leiin sin zawnghai ta dingin harsatna chi tum tum an tlun hlak. Mipui le sin zawnghai ta ding chau ni lovin contract basis a sin lak hi state sawrkar ta ding khawma harsatna chi tum tum an tlun pha a nih. Contract basis a lak thawktuhai hi regular staff an la ninaw leiin an khingbaina chin a hung um a, sawrkar ta dingin a remchangnawna a um hlak. Chun, contract basis a thawktuhai hin sawrkar thawktu indik tak le a neitu nina lungril an put thei naw pha a, sin a fe hrat ding angin a fe hrat naw pha hlak bawk.
Government Recruitment khapna (ban) hlip a hung ni ta ding leiin Department tum tuma sin ruok um hai chu Contract basis ni ta lovin regular/parmanent basis a lak a hung ni thei ta ding an leiin Department hran hran hai harsatna tuok chu a hung inkieng thei pha ta ding a nih. Contract basisa thawktuhai hi an thla hlaw regular staffhai nekin a tlawm lem a, hi lei hin Department Head le officer hai khawmin an nuom angin an tir ngam naw el bakah an hal ngam naw a, regular staff an hung ni vawng pha chun an thunun thei ta ding a nih. Recruitment ban hlipa hung um chu Head of Department hai ta ding khawmin a tha a nih.
Government Recruitment ban khan Home Department chu a huomsa naw leiin Police Department hnuoia sin ruok chi tum tum um hai chu lak theizing a ni a, Police Department hnuoia sin lakna a thul chuong nawh. Hi lei hin kum 2013 khawm khan Police Department chun Police constable lakna dingin physical Efficiency Test (PET), written Test le Viva Voce hai chen a lo neizo ta a.
Amiruokchu, tuchen hin hi sin lakna result hi state sawrkarin a la puonglang naw leiin candidate hai beidawng takin an um a, hi sin lakna result hi a puong vat naw chun candidatehai chun nuorna le helna chi tum tum thaw an tum. Amiruokchu, July 5, 2016 khin CM leh hi chungthua hin inbiekna an nei ding a ni a, iem an hung chang ding chu hriet a la ni nawh. Hi thil hi state sawrkarin chingfel pek nghal sienla chu thiltha a ni ngei ring a um.
Tulai hin Police Department chun Police Constable sin post zatel lakna dingin recruitment drive a nei mek a. Hi sin lakna hi thienghlim taka nei thei nisienla nuom a um ngei el. Amiruokchu, hi sin lakna thua hin hril rik a tam hle. Thenkhatin mi aia tlan dam an um an ti a. Chun, thenkhatin hi sin lakna dinga hin thamna lak tumna a um ti dam an hril ri bawk. Hieng a ni lei hin a tling, a thiem le a tha hai lak an hung ni ngei theina dingin state sawrkarin hma hung la ngei sienla nuom a um. Thamna lak a ni chun mipui han do ngama thang ei lak ve a tul. A do ngam ei um rek kher dim chu maw?
Mi tam tak chun Manipur Assembly Election a hnai ta a, ministers le MLAs han an pawisa zawngna dinga sin ruok chi tum tum an lak tum a nih tiin an hril a. Hi thu hi an dikna chin khawm a um el thei. Thil ni thei ngai a ni tlat leiin. pawisa zawngna ding le vote hmuna ding Government Recruitment ban hi hlip a lo ni chun, mipui ta ding, ei ram le hnam ta dingin a tha ring a um nawh. Police dukdaklo tam takel an um ta a, a chunga ei hril anga Police constable le Department dang danga sin lakna hi mipui le sawrkar ta dinga harsatna hung intluntu a la hung ni ding a nih. Government Recruitment Ban hlip hi hmang suol ninaw sienla nuom a um takzet el. Ienganga hmang am a na ti chu hunin a la hung hril ding a nih.
CCPUR: Tamil Nadua Mary Daina Samuel Children Home, Poliwakam, Thiruvalura um Churachandpur district mi naupang kum 1015 inkar mi 12 hai chu June 23, 2016 zingkar 10:30AM khan District Child Protection Unit (DCPU), CCPur han dam takin Imphal Airport an hung thuoitlung a, DCPU chun zani ma khan Child Welfare Committee (CWC), CCPur kutah an inhlan a, CWC chun naupang hai hi an nu le pa hai kutah an inhlan sawng nawk niin Ms Florence Haokip, Chairperson, CWC chun report a hung pek.
Hieng naupang hai hi an nu le pa han khawsak harsatna leia kum 2011a kha hi Children Homea an zu sie, thuoikir nawk an nuom ta leia anni mimala annauhai an laksuok thei tanaw leia DCPU in a hmuna um Child Welfare Committee hai thangpuinaa Department of Social Welfare, CCPur sum senga an zu thuoisuok an nih.
Paramedical Sciences inchuk thei
CCPUR: Tribal Affairs and Hills Department, Govt. of Manipur chun tribal students hai ta dingin Paramedical Sciences courses tum tum Diploma in Medical Laboratory Technology 15 students; Diploma in Radiology Imagin Technology 15 students; Diploma in Opthalmic Technology 10 students le Diploma in Operation Theatre Technology 10 students inchuk ding lak a tum a. Tribal students Class XII (science) passed hai ta dingin apply thei ning a ta, Application form le prospectus chu Rs. 300/ pein Medical officer, Directorate of Tribal Affairs & Hills, Near Kuki Inn, Imphal; DC, CCPur Office le CEO, ADC, CCPur haiah lak thei ning a tih. Hieng a chunga office haia Aplication form peklut theina hun nuhnung tak June 30, 2016 a ni a, Directorate of TA & Hillsah July 5, 2016 chenin peklut thei ning a ta, eligible candidates hai ta dinga interview chu July 12, 2016 in Directorate of TA & Hills Officeah nei ning a tih tiin CEO/ADCC chun inhriettirna a siem.
S.K.Oil Dealer han June 2016 quota
CCPUR: DC, CCPur chun Churachandpur District sunga S.K. Oil SubDealer hai chu DC Office in S.K. Oil Dealers hai kuoma Advice list a pek dungzuiin June 2016 quota chu DC Office in permit a peksuok kher tul lovin direct in S.K. Oil Dealer hai kuomah mani Identity Card chawiin vawisuna inthawk June 30, 2016 chenin la thei an tih tiin zanikhan thusuok a siem. S.K. Oil dealer hai chu adviced list dunguia Subdealers hai kuoma pe ding le an pekdawk zat, pek suok ni hai tha taka zieklut le signature pe ngei dingin an hriettir bawk.
RPCNEI 45th Executive Council
CCPUR: Reformed Presbyterian Church (RPC), NEI chun June 23, 2016 a inthawk khan VTI Auditorium, Rengkai Muolhlumah 45th Executive Council an nei. Hi huna hin District 5 haia inthawk le Mission Fields 5 haia inthawk palai thahnem tawk tak an fekhawm. Council inthung hi June 24, 2016 chen nei ding a ni a. Hi hun sung hin ro pawimaw tak tak hai rel a nih.
Pasal 3 ralthuom le inruithei leh an man
CCPUR: June 22, 2016, zan dar 5:35 khan 7Assam Rifles han Koite Roada frisking an thawnaah Seitinlal (29) s/o Jangthang of D. Vaison village, Zangkhogin (37) s/o Seikhopau of V. Bethel le Tongmang Guite (28) s/o Doukhothang of Saikul, Senapati district hai an man a. An kuta inthawk country made 9mm Pistol 2, magazine 2, a mu 2, Mobile phone 5, Airtel SIM Card 2, Memory Card 1, Scooty Yahama Ray MN01C8081, Honda Activa MN02A7928, Rs.3492, SP mum 344, Heroin (No.4) gram 5 an mansa bawk niin zanita Police thusuok chun a hril. Hi le inzawm hin Police chun FIR No.32 (6) 2016 CCPPS U/S 21 NDPs Act & 25 (1C) A. Act an registered. Zanikhan Police han Court hmaah an inlangtir a, Court chun June 30, 2016 chen Police Custodya la um phawt dingin an chungthu a rel.
7Assam Rifles hai hin, Churachandpur le Moirang inkarah ralthuom chawi ni dinga ringhla inruithei zawr an um ti report an dawng bawzuia frisking an thawna hieng mi 3 hai hi an man a nih.
Manipura Sports University indinna dinga a mawphurna chu state sawrkarin a zo fel tah O.Ibobi Singh, CM
IMPHAL: Manipura Sports University indinna dinga a mawphurna chu state sawrkarin a zo fel vawng tah tiin zanita CM O.Ibobi Singh in Press Conference a buotsai huna Chanchinbumihai kuoma a hril. Press Conference a hin Dy. CM Gaikhangam, Ministers le Chief Secretary hai khawm an thang. Sports University indinna dinga hmun 336.93 acres tul khawm sukfel le a lekha pawimawhai khawm sawrkar thlungpui kuomah peklut a ni tah. Hi University indinna dinga hmun acres 34 la sukfel lova um chungthua khawm June 22, 2016 khan Courtah hearing zo a ni ta a, a ram neituhai khawma an ramah hi University bawl hi an remti tawl ta a, tuta inthawk ni 2/3 hnungah thil sukfel tulhai sukfel ni tang a tih. PM Narendra Modi kuomah ram chungchang hi hrilfiena ka pek ta a nih tiin O.Ibobi Singh chun Chanchinbumihai kuoma a hril.
Manipura Sports University indinna ding hin Parliamentah Bill pasi a tul a. Sawrkar thlungpui ruok chun hi Bill hi Parliament Sessiona khawm a la putlut nawh. Hi University bawlna ding hmun le ram thuah buoina a um ta naw a, a ram neitu han an ram hi University bawlna ding hin an phal vawng ta a, kan ram hai hi la ta ro tiin sawrkar an mawr lem a nih. Ram chungchangah buoina a um tanaw a, hi University indinna dinga Parliamenta Bill pasi tul chu sawrkar thlungpuiin a ngaitha lem a nih tiin O. Ibobi Singh chun Chanchinbumihai kuoma a hril.
Hieng laizing hin BJP chun, hi University indinna ding hmuna ti Yaithibi Loukon chungthua inselbuoina um June thla sunga chingfel a ninaw chun hmun dana indin dinga sawn a ni el thei tiin an hril. May 26, 2016 khan Joint Secretary, Ministry of Youth Affairs and Sports, Govt. of India Rajvir Singh chun Manipur Chief Secretary kuomah hi thu hi (hmun danga sawn ding thu) a hung inhriettir ta a nih tiin Shijagurumayum Shantikumar, ExPresident, BJP Manipur President in BJP Office, Nityaipat Chuthek, Imphala Chanchinbumihai an hmupui huna a hril ve thung.
Ram inchu buoinaah mi 7 an hliem
IMPHAL: Zani zingkar dar 3:30 vel khan Senapati Disticta Maram Khunou le Khabung Karong khaw mihai inkarah ram inchubuoina le inzawmin silai kap puok a ni a, mi 7 an hliem a, hliem hai laia 5 chu an hliem inrik leiin Imphal tieng panpui an ni a, Shija Hospital le Raj Hospital haiah admit le enkawl an nih. Maram Khunou khaw mihai chu silai hung kap hmasatu an nia hril a nih. Hliem deu hai chu Th. Viinii (19) s/o Thole of Vaikho, Sahiinii, s/o Daile of Vaikho; P. Daihrii, V. Paul, s/o P. Vio le A. John, s/o (L) Ahrai hai an nih.
Nundan pangngai a sukbuoi
IMPHAL: JAC Against the announcement of Wanter JCILPS leader Kh. Ratan and on Implementation of ILPS Singjamei Wangma in darkar 48 bandh an thaw chun nundan pangngai a sukbuoi pha hle. Imphal khawpuia chun dawr, bazar, inchuknain hai khar an ni a, mimal motor hai an tlan naw bawk. Chun, Imphal le District Headquarters hai inkarah passenger buses, Winger, etc hai an tlan naw bawk. Sawrkar office haia khawm ni dang nekin office kai an tlawm.
RIMS OPD le Casualty khar
IMPHAL: RIMS Hospitala nonteaching le Teaching staff han an sinthaw chawlsana nuorna an nei leiin RIMS OPD le Casualty Department hai khar a ni leiin damnaw hai chu hi hospitala Doctor pan thei lovin zanikhan an kir tawl.Parliamentary Secretary, K. Meghachandra in staff thenkhat nakawr a her pek ti leia lungawi lova RIMS Staff han nuorna hi an nei a nih.
Training nuomhai ta dingin
IMPHAL: Institute of Hotel Management, Catering Technology and Applied Nutrition, Guwahatia Food Production & patisserie, P.G. Diploma in Accomodation Operation & Beverage Service hai State sawrkar tira training nuomhai ta dingin June 29, 2016 chenin Directorate of Tourism, Govt. of Manipur ah hnina lekha peklut thei a nih.
Bomb expert man a nih
IMPHAL: NRFM Gang a bomb expert, Nameirakpam Mangi @ Yaima (48), s/o N. Kondum Singh of Yurembam Mayai Leikai chu zani zingkar dar 3 vel khan Imphal West Police Commando le 12Bihar Regiment thangruol han a chengnaina inthawk an va man.
NE Regional party 8 in NEDA an zawm
GUWAHATI: India hmarsak biel (North East) –a Mizo National Front le Asom Gana Parishad hai thangin regional political parties 8 hai chun North East Democratic Alliance (NEDA) an zawm. NEDA chun zani hmasa zan khan Guwahati hmuna NEDA meeting hmasatak an nei a,hi huna hin AGP, MNF, BPF, Peoples’ Party of Arunachal, Indigenous Peoples Front of Tripura le Meghalaya a inthawk UDP le NPP thuoitu hai an thang a nih. NEDA hi National Democratic Alliance (NDA) hnuoia indin a nih. NEDA Convenor Himanta Biswa Sarma chun, Alliance conventionhmasa tak chu July 13, 2016 khin Guwahati hmuna nei ni dingin a hril.
Meeting a hin NEDA fe dan ding hriltlang le rel a ni a, secretariat hran, working groups indin ding le a dang dang hai hriltlang a nih.
Bihar toppers han Rs. 20 lakh seng an pek
PATNA: Bihar School Examination Board (BSEB) Chairman hlui Lalkeshwar Prasad Singh chun, tukuma Bihar Board hnuoia Class XII exama toppers hai khan top position an ni theina dingin Rs. 20 lakh seng an pek niin an puong tiin zanita Police thusuok chun a hril. Hi baka hin Mr Singh hin intermediate college haia inthawk affiliation fee in Rs. 4 lakh seng a lak bawk niin an puong bawk. Patna SSP Manu Maharaaj chun, Sing hin BSEB Chairman a ni dungin colleges 100 chuong affiliation a pek niin a hril.
Mr Singh le a nuhmei ni bawk exMLA le professor hlui Usha Sinha hai hi June 20, 2016 a kha SIT han Varanasi hmuna an va man le zani hmasaa kha ni 3 sung Police Custodya um phawt dinga court in a rel a nih.
NE Security meet Shillongah
SHILLONG: Intelligence Bureau, Delhi huoihawtnain NEa DGPs/IGPs hai ta dingin ni 2 sung aw ding North East Security Meet chu zanikhan Shillong, Meghalayaah tan niin Meghalaya CM Mukul Sangma in a hawng. NE DGPs/IGPs meeting hi kum 1982 a inthawk regular taka nei hlak hrim a ni a, meeting hmasatak chu May 19, 1982 khan Shillong hmuna hin nei a ni a, tuta tum hi hiengang meeting Shillong in a mikhuol vawi 8na a ni tah. Meetinga hin Special DG, IB New Delhi; DGP, Meghalaya, DG NCB, DGPs of Assam, Sikkim, Nagaland le Addl. DGPs of Tripura, Manipur le West Bengal hai thang dinga ti an nih. Hienghai baka hin Assam Rifles, BSF, ITBP le SSB officers hai khawm thang an tih.
UP Electionah JD(U) an party malin
PATNA: Janata Dal (United) chun kum 2017a Uttar Pradesh Assembly Election hung um dinga khin an party khatin candidate an nei ding thu an party president le Bihar CM Nitish Kumar chun a hril. UP Assembly election hung um ding le inzawma party dang le thangruol dinga party dang inbiekpuinaa hun le tha a seng tanaw ding thu Nitish Kumar chun a hril a, Party thuoitu le workers hai chu election ding le inzawma an hun tamlem hmang dingin an hriettir bawk.
Kamat in an banna lekha a hnukkir
NEW DELHI: Union Minister hlui le Congress leader Gurudas Kamat chun June thla bula Congressa inthawk inbanna a pek chu zanita Congress President Sonia Gandhi an hmupui hnungin an banna a hnukkir nawk tah. Mipui ta dinga rawngbawl theina platform thatak Congress party chau a nia a hriet leia a lungril thlakthlenga inbanna a pek hi a hnukkir nawk niin a hril. Tuta hma khawmin Congress leaders hai chun tum 5 lai zet an banna hi hnukkir dingin an lo thlem ta hrim a nih. Mr Kamat hin active politics chawlsan a nuom ta thu hrila June 8, 2016 a kha Ms Sonia Gandhi kuoma inbanna a lo pek a nih.
MLA term hni tling tah lampui sirah Tarpaulin zarin a khawsa
GARHSHANKAR: Punjaba Hoshiarpur districta chun BSP MLA term khat chau khawm ni lo, term hni zet lo tling tah Shingara Ram Shahunggra le a sunghai chu chengna ding in khawm neizo loin lampui sira tarpaulin zarin an khawsa.
Mr Shaunggra le a sunghai hi irrigation department buildinga ni iemanizat chu dan loa lo khawsa tah, state sawrkarin June 19, 2016a kha a hnawtsuok leia lampui sira khawsa el an nih. State hausa takel Punjaba MLA hlui, mani chengna ding in nei lova um umsun a la nih.
Shaunggra chun, MLA pension hlaw thla tin Rs. 20,000 a lak ve a, in hluo ding a zawng zing a, sienkhawm a la hmu zonaw leiin lampui sira footpathah thlaisuonga khawsa el an ni thu le an thenum pakhat hai insil le insawpfainain hmun an intawmpui thu a hril.
Shahunggra hi kum 1992 le 1997 hai khan Scheduled Caste ni zing sia Garhshankar general categorya MLA a thlangtling niin Kansi Ram hai sungkuo a tan leia BSP in an hnawtdawk a ni thu, hnam hnuoihnung hai ngirhmun dawmsang tumna leia Kanshi Ram’s missiona a thang theina dinga politics a lut a ni thu a hril a. MLA term 2 ka chel sung khan ka mimal ta dinga pawisa siem ka tum ngai nawh. Corruption thila kan rawl nuomnaw leia hiengang ngirhmuna um ka nih. MLA ka ni huna khan ka thla tin hlaw kha In bawl theina khawp a ninaw a, tuhin ka pension hlaw in ka khawsa a nih tiin a hril.
Kum 10 sung zet MLA ni sia chengna ding in neizo lova umsun a la ni ring a um.
RBI Governor thar ding
NEW DELHI: Reserve Bank of India (RBI) Governor Raghuram Ranjan hun (term) chu September 4, 2016 khin a tawp ta ding a ni a. Sawrkar thlungpui chun Raghuram Rajan hun hi keisei a tum naw nia hril a nih. Hi lei hin Union Finance Ministry chun RBI Governor thar ding hi a zawng mek a hril a nih. RBI Deputy Governor Rakesh Mohan chu RBI Governor thar dinga ruot a ni el thei tiin ei thu dawngna chun a hril. RBI Governor thar ni thei dinga hril hai lai SBI Chief Arundhati Bhattacharya, RBI Deputy Governor Subir Gokarn, Economic Affairs Secretary Shaktikanta Das, RBI Dy. Governor Urjit Patel le Chief Economic Adviser Arvind Subramanian hai an thang. Rakesh Mohan hi Imperial College, University of London le Yale University haia lekha lo inchuk, Princeton a inthawka Ph.D (Economics) zo a nih. Deputy Governor RBI bakah Secretary, Department of Economic Affairs, Ministryof Finance, Govt. of India le Chief Economic Adviser, Ministry of Finance sin hai lo chel ta hlak a ni bawk. RBI Governor thar ding hi PM Modi in Union Finance Miister inrawnpuia a ruot ding a nih.
SCO Summit thang dingin PM Tashkent a tlung
TASHKENT: Shanghai Cooperation Organization (SCO) a thang dingin PM Narendra Modi chu zanikhan Uzbekistan khawpui Tashkent a tlung. Summit sung hin PM Modi chun China President Xi Jinping le Russia President Vladimir Putin hai inhmupui a ta, China president chu India Nuclear Supply Group (NSG) member a nei theina dinga thlawp dingin ngen a ta, Uzebekistan President khawm inhmupui bawk a tih.
Mizoramah District siem belsa tum
AIZAWL: Mizoram sawrkar chun District siem belsa a tum a, hi thil bawzuia enfeltu dingin members 10 umna District ReOrganisation Committee an din. Hi Committee Chairman dingin Mizoram Chief Secretary Lalmalsawmna ruot a nih. Kum 2008 khan MNF sawrkarin District 3, Hnathial, Saitual le Khawzawl district hai siem dingin thutlukna a siem a, sienkhawm tuchen hin officiala sukpuitlingna a la um nawh. Hnathial hi Lunglei districta um, Saitual le Khawzawl hai hi Aizawl district sunga um an nih.
VAWISUN THUPUI
Suok ni lo dingin Krista chun a min suoktir ta kha; chuongchun ngir det unla, suok ringkawla chun intang nawk ta naw ro. Galati 5:
Editorial: Government Recruitment ban hlip hi
June 22, 2016 a Manipur state Cabinet meeting chun Manipur Legislative Assembly a thawk ding Committee Officer 8, Legal Assistant 2, Reporter GradeIV 6 hai thangsain post chi hran hran 125 regulara thawk dinga lak ding, Bishnupur District sunga um Maibam Lotpaching a um War Memorial Complex siem that ding; Imphal War Museum (World WarII) siem that ding; hieng thil pahni hai thawna ding hin Tourism Department kuomah ram 4.055 acres pek ding; ITI campus, Takyelpat hmun danga sawn ding; Loukoipat State Tourism Department kuta inhlan ding; Manipur Technical University a thawktu ding lak ding (post creation) ti le Manipura Appointment ban thawa um hlip ding tihai an rel a. State Cabinet meeting thu rel hai hi a thanaw a um naw a, a tha seng. A bikin Manipur sawrkar hnuoia Department a sin lakna khap (ban) a um sut ta dinga an rel hi Manipur mipui hai ta ding chun lawm a um zuol bik a, chanchin lawmum a nih.
State sawrkarin Appointment ban a thaw leiin Department tum tum haia sin ruok um hai hrim hrim Contract basis a lak vawng hlak a ni leiin sin zawnghai ta dingin harsatna chi tum tum an tlun hlak. Mipui le sin zawnghai ta ding chau ni lovin contract basis a sin lak hi state sawrkar ta ding khawma harsatna chi tum tum an tlun pha a nih. Contract basis a lak thawktuhai hi regular staff an la ninaw leiin an khingbaina chin a hung um a, sawrkar ta dingin a remchangnawna a um hlak. Chun, contract basis a thawktuhai hin sawrkar thawktu indik tak le a neitu nina lungril an put thei naw pha a, sin a fe hrat ding angin a fe hrat naw pha hlak bawk.
Government Recruitment khapna (ban) hlip a hung ni ta ding leiin Department tum tuma sin ruok um hai chu Contract basis ni ta lovin regular/parmanent basis a lak a hung ni thei ta ding an leiin Department hran hran hai harsatna tuok chu a hung inkieng thei pha ta ding a nih. Contract basisa thawktuhai hi an thla hlaw regular staffhai nekin a tlawm lem a, hi lei hin Department Head le officer hai khawmin an nuom angin an tir ngam naw el bakah an hal ngam naw a, regular staff an hung ni vawng pha chun an thunun thei ta ding a nih. Recruitment ban hlipa hung um chu Head of Department hai ta ding khawmin a tha a nih.
Government Recruitment ban khan Home Department chu a huomsa naw leiin Police Department hnuoia sin ruok chi tum tum um hai chu lak theizing a ni a, Police Department hnuoia sin lakna a thul chuong nawh. Hi lei hin kum 2013 khawm khan Police Department chun Police constable lakna dingin physical Efficiency Test (PET), written Test le Viva Voce hai chen a lo neizo ta a.
Amiruokchu, tuchen hin hi sin lakna result hi state sawrkarin a la puonglang naw leiin candidate hai beidawng takin an um a, hi sin lakna result hi a puong vat naw chun candidatehai chun nuorna le helna chi tum tum thaw an tum. Amiruokchu, July 5, 2016 khin CM leh hi chungthua hin inbiekna an nei ding a ni a, iem an hung chang ding chu hriet a la ni nawh. Hi thil hi state sawrkarin chingfel pek nghal sienla chu thiltha a ni ngei ring a um.
Tulai hin Police Department chun Police Constable sin post zatel lakna dingin recruitment drive a nei mek a. Hi sin lakna hi thienghlim taka nei thei nisienla nuom a um ngei el. Amiruokchu, hi sin lakna thua hin hril rik a tam hle. Thenkhatin mi aia tlan dam an um an ti a. Chun, thenkhatin hi sin lakna dinga hin thamna lak tumna a um ti dam an hril ri bawk. Hieng a ni lei hin a tling, a thiem le a tha hai lak an hung ni ngei theina dingin state sawrkarin hma hung la ngei sienla nuom a um. Thamna lak a ni chun mipui han do ngama thang ei lak ve a tul. A do ngam ei um rek kher dim chu maw?
Mi tam tak chun Manipur Assembly Election a hnai ta a, ministers le MLAs han an pawisa zawngna dinga sin ruok chi tum tum an lak tum a nih tiin an hril a. Hi thu hi an dikna chin khawm a um el thei. Thil ni thei ngai a ni tlat leiin. pawisa zawngna ding le vote hmuna ding Government Recruitment ban hi hlip a lo ni chun, mipui ta ding, ei ram le hnam ta dingin a tha ring a um nawh. Police dukdaklo tam takel an um ta a, a chunga ei hril anga Police constable le Department dang danga sin lakna hi mipui le sawrkar ta dinga harsatna hung intluntu a la hung ni ding a nih. Government Recruitment Ban hlip hi hmang suol ninaw sienla nuom a um takzet el. Ienganga hmang am a na ti chu hunin a la hung hril ding a nih.
