Virthli Sports, 27-06-2016: Chile hai chun penalty a 4-2 a
Argentina hnein nikuma hratna nopui an lo dawm tah chu an humhim anih. Vawituka
MetLife Stadium, New Jersey hmuna inkhel ah hin team pahnihai hi an inhnetawk
em em a. Hun pangngai ah an inhnetawk leiin hun pek sa an ni a, extra time ah
khawm an inhnetawk rawp leiin penalty shootout in a hratlem zawng anih.
First half ah goal lut umnaw sienkhawm inkhel hmunuomum tak
ani tho a, inkhel tan ani hlim anthawk thathotak in an innawr nghal mawl mawl
a, beisei dan ang hrimin Argentina han chance an nei rawn a, hmunawl hmu in
goal thun theina chance an siem rawn hle. Chile ha’n an tumruna suklangin
Argentina hai an lo dang hne hle bawk.
Minute 28 na ah Marcelo Diaz chun yellow card vawihnina hmu
in hnawtsuok ani a, Chile hai chun mi 10 a inkhel in hun an hmang a tul tah a.
Chu hnung sawtnawte ah Gonzalo Higuain chun goal thuntheina ding chance tha tak
hmu sien khawm goal ah an chanter zo nawh. Messi khawmin penalty chance zawngin
nasa takin a thaw a chu simulation anih tiin referee in card a pek lem hlau.
First Half tawp tawm in Marcos Rojo chun Vidal a tackle red card a hmu ve bawk
a, chuongchun mi 10 ve ve in first half chu an inkhel zo anih.
Second half tan ani chun field lailung lai ball a um rawn
hle a, goal thunna chance an siem thei naw veve ani deu tak. Vidal le Aranguiz
in Messi le a rawihai chu field lailung lai an dang hne hle. Gerardo Martino
chun inkhel thalo em em Higuain aiin Sergio Aguero a hung thunlut a, sienkhawm
ieng uol chu a suk suok thei bik chuong nawh. Chuongchun hun pangngai ah an
inhnetawk leiin extra time pet a hung ngai tah a.
Extra time pet ani meu chun team pahnihai an innawrtuo nasa
em em a, goal thuntheina chance an insiem sawk ani deu tak. Claudio Bravo’n box
puo met anthawka Sergio Aguero ball hung head a lo save chu mitin mak ti a
tling. Argentina hai chun nawr sunzawm pei hai sienkhawm Chile hai defence line
a khawng tha em leiin nikuma ang bawkin penalty shootout hmangin a hratlem
zawng a hung tul tah a.
Penalty Shootout khawm hmunuom a um vang vang hle. Chile
ha’n pet hmasa lem in Arturo Vidal chun a thun thel phawt a, chu zo ah Lionel
Messi chun vuong vurin a hung pet over nawk a. Sienkhawm Chile han chu hnunga
mi 4 hai chu an thun vawng a, Lucas Biglia pet chu Bravo’n a save leiin 4-2 in
Chile hin hratna an chang lem tah anih. Hieng hin Argentina chu a zawnin
International competition final ah vawithum an hratnawna ani tah.
Messi chun south American TV station pakhat hrilin International football chu chawlsan a tum tah thu a hril. Messi chun national team a ka hun chu a tawp tah, hihi ka thutawp siem chu a nih tiin a hri. Messi hin internation football kum 2005 khan inkhel tan in, international goal 55 zet thun tah in Argentina all-time top scorer a nih. Tuta Copa final hi international game/football vawi 113 an khelna an tah. An khel sung hin Argentina in major title vawikhat khawm an la lak naw nih.
Messi chun south American TV station pakhat hrilin International football chu chawlsan a tum tah thu a hril. Messi chun national team a ka hun chu a tawp tah, hihi ka thutawp siem chu a nih tiin a hri. Messi hin internation football kum 2005 khan inkhel tan in, international goal 55 zet thun tah in Argentina all-time top scorer a nih. Tuta Copa final hi international game/football vawi 113 an khelna an tah. An khel sung hin Argentina in major title vawikhat khawm an la lak naw nih.