Responsive Ad Slot

1st Rengkai Premier League 2016 huoihawttu; FAST in 17th June ah 18th Raising Day ursun takin inser an tih

Wednesday, June 15, 2016

/ Published by VIRTHLI
CCPUR | June 15, 2016, Virthli (ONP): Friendship Athletic Sporting Team (FAST) chun an pawl indin (Raising Day) a kum 18-na chu hungtlung ding 17th June 2016 (Zirtawpni) hin sun le zan haia programme puithu taka siemin HL Daka Memorial Hall, HSA Campus, Rengkai, CCPur hmun ah ursun takin Chief Guest, Guest of Honour le Functional President hai umin le mi pawimaw tak tak hai fielin inser an tih. Hi huna hin Special taka Chief Admin, Virthli khawm fiel ve a ni angin uop veng a tih. Sun huna chun zantieng dar 1 pm a programme hmang ning a ta, zan hun ah 5:30 pm - 9:30 pm inkar sung Open Concert um bawk a tih.

FAST hi tuta 1st Rengkai Premier League 2016 huoihawttu an nih. Anni players laia mi tamtak football inkhel tieng ah an hlawtling ve em em a. NE Tamchon Trophy a Hmar FC lo hratpuitu khawm an ni ve. Club le Team dang danga hai khawm lak an ni rawp hlak. Anni hi Rengkai khuo a Office nei le Rengkai besana um Football Club an nih.

Pic. - FAST (Jersey Saffron colour) Manipur State Level 13th Hmar Martyrs' Trophy 2016 huna Bungkhawpui FC le an inkhel lai a nih. Photograph: Muona Infimate | Virthli


Don't Miss
© all rights reserved
made with by Simon L Infimate