CCPUR/RENGKHAWPUI | CT News (May 31, 2016): Rengkai khawsunga football tienga hmasawnna le inkhelmi hai sukhmasawnna dinga buotsai Rengkai Premiere League 3rd June, 2016 ainthawka Rengkai Playground a tan ding le inzawmin team/club tum tum hai chun hrat ngei tumin hma an lak tawl mek a. Hi huna hin Churachandpur Times FC (CTFC) khawm suok ve dingin nasatakin an insingsa tan ve mek. Team Manager, Coach, Physio Therapist, Medical i/c, Players hai chu hun sawtnawte ah puong lang vat ni tang a tih.
Hi Rengkai Premiere League football tournament ding le inzawm hin CTFC chun fund drive-na dingin Lucky Gift an buoipui mek a. Chun, sum zawngnain a tul chun pheikhawk nawt chen khawm thaw an rin nawh. Tleirawl le Thalai talent nei tha tak tak hai sukhmasawn chu CTFC thil tum tak a nih. Rengkai khuo hi tuta hma le tulai chena khawm player tha tak tak suokna a nih. Premiere League buotsai a hung ni tah lem hin chu footballer hlawtling tak tak an la hung suok dawk treu dingah lo ngai ei tih.
Hienganga inkhelmi le inkhelna tienga inhnikhai sukhmasawn (promote) hi a ngai hrim a nih. Ei ramah lekha thiem sin neilo ei ti hai hi thiemthil chi hran hran lo nei nihai sienla chu sin neilo ti hi hung tlawm pha sawt ngei a tih. Tuhin Manipur ah mihriem 28 Lakhs ah 7 Lakhs vel sinneilo a sinsie (record) le hril a nih! A bulpui ruokchu iengieng khawm thaw dingin education line a thaw thrat chu a ni zing tho a. Chuzo ah mani inhnikna line ah fakhmu ngei ding khawpa hmalak a nih.
Churachandpur Times hi Online News Portal le Multi-Lingual News Magazine a nih.
-LRS Puruolte (Chief Correspondent, CT News)
Pic. - Rengkai Playground
Hi Rengkai Premiere League football tournament ding le inzawm hin CTFC chun fund drive-na dingin Lucky Gift an buoipui mek a. Chun, sum zawngnain a tul chun pheikhawk nawt chen khawm thaw an rin nawh. Tleirawl le Thalai talent nei tha tak tak hai sukhmasawn chu CTFC thil tum tak a nih. Rengkai khuo hi tuta hma le tulai chena khawm player tha tak tak suokna a nih. Premiere League buotsai a hung ni tah lem hin chu footballer hlawtling tak tak an la hung suok dawk treu dingah lo ngai ei tih.
Hienganga inkhelmi le inkhelna tienga inhnikhai sukhmasawn (promote) hi a ngai hrim a nih. Ei ramah lekha thiem sin neilo ei ti hai hi thiemthil chi hran hran lo nei nihai sienla chu sin neilo ti hi hung tlawm pha sawt ngei a tih. Tuhin Manipur ah mihriem 28 Lakhs ah 7 Lakhs vel sinneilo a sinsie (record) le hril a nih! A bulpui ruokchu iengieng khawm thaw dingin education line a thaw thrat chu a ni zing tho a. Chuzo ah mani inhnikna line ah fakhmu ngei ding khawpa hmalak a nih.
Churachandpur Times hi Online News Portal le Multi-Lingual News Magazine a nih.
-LRS Puruolte (Chief Correspondent, CT News)
Pic. - Rengkai Playground
