Responsive Ad Slot

LEADERSHIP AMONG THE YOUTH

Tuesday, May 10, 2016

/ Published by VIRTHLI
 ~ Nk. Lalhlimum Zote

Leadership ei ti hi them thei ni lo (tangible) a ni a. A hrilfiena hnai tak chu mi thlawpna le thangpuina sawr thiem a, thaw ding tul le sinthawna kawnga mipui tamlem ditdan hlawtling taka sukpuitling theina hi a nih. Chun, leadership ei ti hin mipui annawleh organisation keihruoina hi a nih. Hi hi leadership hi mi in hlawtling taka mipui a keihruoi thei pha chun a nina hrilfie thei tak tak chauh a tih. Leadership indiktak hi keihruoia lo um ta hai vek hin an hmang thiem thil chu a nih. Mi hlawtling taka keihruoi theitu chu, a lungril hne thei khawpa keihruoina lo dawng ta hlak mi a ni hlak.

Leadership ei ti hi mi nazawng thaw thei ding chi a ni nawh, ti chu hriet thei dingin a urn. Amiruokchu thuoitu ni thei ding khawpa mi in an mi ngai tah a ni ruok chun, chu mawphurna chu hnesaw taka hlen tum chu ei thaw ding makmaw a nih. Vawisuna hi laia hung khawm hai khawm hi, kawng khat a bek a thuoitu lo ni ta le, ni ta mek le la ni ding pei ding hai chu ei nih. Awleh, ei thupui "Leader-ship among the Youth" ti hi a pawimaw em em chu a nih. Ei mimal, khawtlang nun le ram le hnam chen khawma a sawr ding le ei hlawkpui ding chu a nih.

Mipui vantlang laia inthawka thuoitu danglamna la zuk suklang ei tih. Thuoitu ni ding hin nina nei kher a ni hran nawh, ti khawm hi hrietsa nuom a um.
(i) Thuoitu tha chun midang thurawn Ia in ienglai khawmin midang thangve dingin a ditsak hiak. (Mi dang khawm a ngai pawimaw hlak).
(ii) Thil thaw tlang hunah, a thawpui hai an za thiem hiak a.  A nina hre zing si in, hnungzuitu nina ngirhmun a khawm a ngir thiem hlak.
(iii) Khawtlang le an inlaichinna a hrietchieng a, a nina an zapui ngai nawh. A baksamna hai hre in, insiem that a rin ngai naw a, a thilthaw haiah mawphurna Ia ngam mi a ni hlak.
(iv) Thil hrim hrim hi ngunthluk taka thuthlukna siem hlak mi a nih.  A hun le hmuna inthuom dan le changdan a thiem hlak.
(v) Thiltum hlawtlingna dinga hma Ia hlak mi a ni a, meeting a ngai pawimaw hlak. Chun a . thilthaw ta hai thlirlet a ngaituo hiak mi a ni a, a mimal ditdan le nuom zawng hai mipui ditdan le thlierhrang thiem mi a ni hlak.

Ei thupui hi kawng hran hrana hril dan a um ding ti chu inhmai ruollo a chiengsa a nih.  Amiruokchu thalai nun le inmila leadership pawimawna le a phut hai ei suklang nuom chu a nih. Thalai hai hi zing hun ela roreltu ding chau ni ta lovin, vawisuna thuoituhai chu ei ni ta zing a nih. Ei zing hun innghatna chu ei tu hun pei hi a lo ni ta zing el chu a ni si a. Chuleiin thalai hun laia leadership quality inthanglientir a pawimawna chu hieng a hnuoia hai hi an nih:-
(i) Naupangte a nia inthawkin a hratna le a baksamna hai a enfel thiem hiak.
(ii) Mi guide le thilthaw tulna huna thawdan ding le hmalak dan ding a ruot thiem hlak.
(iii) Puitling hai hmalakna a thlawp thiem tlat hlak.
(iv) Indik taka hun vawng an thiem tir hlak.
(v) A thiltum hai chieng taka hre a, hmalak dan ding khawm fie takin a hril hrietthiem hlak.

Hienghai baka hin thalai hun laia leadership inthanglientir a pawimawna hai:-
(i) Leadership quality hi thalai tamtak hai hlawtlingna an chang tir thei.
(ii) Khawtlang buoina le thildang dang fel takin an chingfel tir thiem.
(iii) Thalai tamtak harsatna an hrietthiem pui phak leiin, an harsatna hai hlipkieng dan kawng an zawng thiem hlak.
(iv) Tlawma thuoitu lo upa hai tha thar an pek el bakah, ngaidan indiklo tak an nei hai an hrilhriet/hrnasawn ngam hlak.

Leadership pawimawna le thalai nuna thatna hre the pei a, a sawrtu le hmang tangkaitu ni seng dingin ditsakna insangtak kan hlan cheu a nih.

Hi paper hi Nk. Lalhlimum Zote in HSA JHQ CCPur - Leadership Training May 10, 2016 nia an huoihawt huna a present a nih.
Don't Miss
© all rights reserved
made with by Simon L Infimate