State Level Seminar on Hill Areas zo a nitah
CCPUR: January 30, 2016 a inthawk Rayburn College Auditorium, New Lamkaa State Level Seminar on ‘Development Experiences in the Hill Areas of Manipur: Problems and Prospects” nei tana um chu zanikhan zo a nitah. Zani 10AM Technical Sessionah Prof Dr N.Rajmohan Singh, RK Dilip Singh, K.Vungzamawi, Pumsiankim, Dr Grace Laltlinzo le Dr Immanuel Zarzosang Varte han paper an present a; zantieng 2PM khan kharna hun hmang a ni a, Chief guest in Langkhanpau Guite, Chairman, ADCC a thang a, Prof. Dr N. Mohendro Singh, Former member Steering Committee NER Vision 2010, DoNER, Govt of India le Lunminthang Haokip, IAS, DC, CCPur hai functional President le Guest of honour in an thang.
Ei rama hmasawnna a um theina dingin inremna le muongna a um a pawimaw a, inremna le muongna a um naw chun ei ram hin hma a sawn theinaw ding a nih tiin Langkhanpau Guite chun a hril. Article 371C huoiah Hill area sunga dinga India constitution in a mi pek Manipura hmang thei a ninaw leiin inremna le muongna a um theinaw el chau ni lovin hmasawnna a um theinaw a nih; Autonomous Dist, Council hi 1971 a tan, kum 1972 a hmang tan, CCpur Dist. ah ADC 1st term 197378 sung, 2nd term 19781983 a ni a, 3rd term 19831989 chen election tha taka nei thei a ni a, hi zo kum 20 hnungah 2010 khan election nei thei nawk chau a nih tiin Langkhanpau Guite chun a hril a, student hai chu tumru, titak le taima taka sin thaw dingin an fui.
HSA Conf. fe hai chuongna Bus a eksiden
CCPUR/JIRIBAM: January 2729, 2016 inkar sung Muolhoi, Haflongah HSA GHQ General Conference neia uma Manipura inthawk HSA member conference zu thang hai chungna Bus chu Manipur pana an hung kir tiengin zani hmasa khan Jiribam bul hnai lai tuoksiet tuokin khobak a baw a, mi iemanizatin hliemna an tuok a, hliem hai laia Mr Obed Malsawmlien of Rengkai chu a hliem inrik deu a, sienkhawm ngaituo um taluo chu a ninaw niin ei thu dawngna chun a hril. Bus hi a spring a bawng leia eksiden nia hril a nih.
Obed hi Silchar tieng panpui a ni a, sienkhawm Manipur tienga enkawl dingin zanikhan Guwahati panpui a ni a, vawisun hin Guwahati a inthawk vuongnain Imphal hung panpui ni dingin ei thu dawngna chun a hril. Eksiden tuok bus a chuong dang hai chu zanikhan an hung tlung tawl tah.
District Hospital a hung enfel ding
CCPUR: Ministry of Health & Family Welfare, Govt. of India palai Dr H.Bhushan, Adviser & Health PHA, Division, National Health Resouce Centre, New Delhi le Former Dy. Commissioner i/c Maternal Health Division, govt. of India chu Feb. 2, 2016 hin CCPura hungin District Hospital CCPur hung enfel a tih. Imphala inthawk Dr O.Ibomcha Singh, Director Health Services inrawiin official iemanizatin hung zui an tih. India sawrkar chun Manipura Govt. Hospital 2 District Hospital/CCPur le Thoubal Dist. Hospital hai “Model Health District” dingin a thlang a, hi le inzawma hung enfel ding a nih.
Free Medical Assessment camp nei
CCPUR: Zani sun dar 12 khan Synod Hall, IB Road, CCPurah SSA/IED (inclusive Education for Disability), CCPur huoihawtnain “Free Medical Assessment Camp for Children With Special Needs nei a nih. Jan. 19, 2016 nia neia um sunzawm nawk a nih. Zanikhan hearing (nakawr tiengpang harsatna nei) mi 5 en nawk a ni a, Imphala inthawk Raj Kumari, Hearing Empairment inrawinain Medical Assessment hi nei a nih.
Sit in Protest a fepui
CCPUR: CCPur Police Station tuola AntiTribal Bills 3 hai le inzawma JAC in sitinprotest an nei chu an sunzawm pei a, zanikha ni 6 a tlingna a nitah. Protest roster dungzuiin Feb. 2, 2016 hin Zenhang Lamka; Zomi Colony le Zou Veng hai inthung an ta, Feb. 3&4 in Zenhang Lamka; Lhangnem le Saikawt inthung an tih.
Leprosy fortnight training tan
CCPUR: Zani 11:00AM khan District Leprosy Office, CMO campusah AntiLeprosy Fortnight 2016 training tan a ni a, Sagang PHC hnuoia Health Workers le ASHA workers hai zanikhan an training a, T. Lamzapau, Non Medical Asst. le Th. Ranjit, Physiotherapy hai resource person in an thang.
Anti Leprosy Fortnight sung hin Sangang PHC sunga khuo tum tum haia Leprosy um le umnaw enfel ning a ta, an lo um chun District Leprosy Officer kuoma report pein a thlawna enkawl an ni ding a nih.
Union MoS for MSME Giriraj Singh in Nillakuthiah Village and Industry building a hawng
IMPHAL: Union Minister of State (MoS) for Micro, Small and Medium Enterprises (MSME), Giriraj Singh chu Manipura ni 3 sung cham dingin zanikham Imphal hungtlung a, Nilakuthi hmuna village and Industry building bawl thara um a hawng bakah Food Park, Nillakuthi enna a nei.
Narendra Modi Prime Minister nina h nuoia NDA sawrkar chun ei ramah Skill Training Centres um hai laia 100 ah 70 sukpuitling ngei a tum a, tuhin chu 100 ah 5 chau la sukpuitling a nih. NDA sarwkar chun NE biel hi sukhmasawn tumin hma a lak mek a, hmatieng peiah khawm hma nasa nawk zauolin lang a tih tiin Giriraj Singh in mipui pungkhawmhai hmaa thu a hrilna huna a hrillang. Chun, India ram pumpuiah Livelihood Business Incubator Projects 22 indin ning a ta, hienghai laia 8 hai chu Manipurah indin ning a tih tiin Union Minister hin a hril.
Hi huna thang ve Manipur Commerce & Industries Minister Govindas Konthoujam chun, Manipurah Industrial Estates 6 indin a ni ding thu, hienghai laia Industrial Estates 3 hai chu financial year nawkah bawl tan ning a tih tiin a hril. Industrial Estate indinna dinghai lai hin Churachandpur, Ukhrul, Chandel, Bishnupur le Thoubal hai khawm an thangsa niin K. Govindas chun a hril a; Bishnupur le Thoubal a mi hai chu tuta financial year ve keka tan ni dingin a hril.
Giriraj Singh hin vawisun hin Loktak Dil le INA Complex, Moirang hai va en a ta, Feb. 3, 2016 in Prime Minister’s Employment Generation Programme chungthu State Govt. officialhai hriltlangpui a ta, hi zo hin Imphal suoksanin Agartala, Tripura a pan ding niin ei thu dawngna chun a hril.
Hun tiemchin um lo NH bandh thul
IMPHAL: Feb. 1, 2016 zanrila inthawka KSO General Headquarters le All Naga Students Association Manipur (ANSAM) han hun tiemchin um lova bandh thaw an tum chun thul ta niin General Secretary, KSO General HQ le Secretary (Eduations, ANSAM) hai chun an hril. Zanikhan State sawrkar palaihaia leh darkar 2 sung inbiekna an nei, hi huna hin an thil ngen sukpuitling pek an tiem leia an bandh thaw tum hi an thul niin Gen. Secy. KSO le Secretary (ddcation), ANSAM hai chun Imphal hmuna zanita Chanchinbumihai an inhmupui huna an hril.
Polytechnic Administrative Block suksiet
IMPHAL: Zani sun dar 11:30 vel khan Govt. Polytechnic Block le Library hai chu Govt. Polytechnic Students Union Volunteer han an suksiet bakah Education Minister M. Okendro le College Principal R. Rajchandra lim siemfawmin an raw. Jan. 4, 2016 a Simkhawlei inhningin an College building a suksiet siemtha dinga an ngenna state sawrkarin a ngaisak naw leia lungawi lova hi thil hi an thaw a nih. Hi College studenthai chun January 30, 2016 a intahwk khan lungawi lovin Class an boycott tan ta a nih.
Lalrawngbawl Hmar Dy. Director in a kaisang
IMPHAL: Information and Public Relations, Government of Manipur hnuoia Assistant Publicity Officer (APO) sinthaw lai Ms Lalrawngbawl Hmar chu Deputy Director (IPR) a inkaisangtir a nih. A kaisangna hi ei Chanchinbu chun a lawmpui hle. Ama le inruol hin APO(IPR) sin chel lai tho Th. Samo Singh, Ch, Nayon Singh, District Information Officer (DIO) le Sarat Sharma, DIO hai khawm Deputy Director a inkaisangtir an nih.
CBI IG Imphalah a hung inzin ding
IMPHAL: CBI Inspector General chu vawisun hin Imphalah a hung inzin ding niin ei thu dawngna chun a hril. Ch. Sanjit fake encountera kap hlum a nina le inzawma CBI Inspector General hi Imphala hung inzin ding nia hril a nih.
S Vaiphei, IAS in Ashram schools a enkawl sa ding
IMPHAL: Manipur Government hnuoia Ashram Schools Deputy Director chu a sina inthawk a pension ta leiin Pu S. Minlianthang Vaiphei, IAS, Director, Tribal Affairs/ Hills/SC and Managing Director MTDC chu Manipur Ashram Schools hai lo enkaisa dingin Manipur sawrkarin zanikhan Order an suo.
Manipur Assembly Session Feb. 19 a inthawk
IMPHAL: Jan. 30, 2016 a State Cabinet meeting chun Manipur Assembly budget session Feb. 16, 2016 a inthawka tan dinga a lo rel ta chu Governor an hman naw ding leiin Feb. 19, 2016 a intahwka tan ni lem dingin a sawn hla. Hi Session a hin CM le Finance Minister chelsa O.Ibobi Singh in kum 201617 Budget phar a tih. Buget hun sung ding le thu rel ding hai chu Assembly Business Advisory Committee in an la rel ding a nih.
Gogoi in interim budget a phar
GUWAHATI: Assam Chief Minister le Finance Minister ni bawk Tarun Gogoi chun zanikhan Assam Assemblyah kum 201617 financial year thla 6 sunga interim budget dingin Rs. 33,687.43 crore a phar Interim budget Gogoi in a phar hi April 1, 2016 September 30, 2016 inkar sunga Assam sum hmang ding a nih. Budget a hin Assam rama hnam hnufuol le Cachar areaa cheng tribal hnam tum tum hai ngirhmun dawmsangna ding Rs. 1000crore package a thangsa.
Student 13 tuiah an tla hlum
PUNE: Zanikhan Abeda Inamdar College,students 130 vel Murud Beach, Alibang, Raigad districtah picnic in an fe a, hienghai laia student 13 hai chu changsuolin tuipuiah an tla hlum. Mi 13 hai lai hin nunghak pathum an thang. Picnic fe student hai hi Abeda Inamdar Collegea Computer Science Department student deu vawng an nih. Mithiruong thenkhat hmu a ni ta a, a tam lem la hmu lo an nih.
India le Afghanistan han Agreement an ziek
NEW DELHI: India rama cham mek Afghanistan Executive Officer le Head of Council of Ministers Dr Abdullah Abdullah chun zanikhan New Delhi hmuna PM Narendra Modi an hmupui a, hi huna hin India le Afghanistan hai chun an ram pahni haia diplomats han Visa ngai kher lova an inzinpaw theina ding Agreement an ziek. Hi thil hin hieng ram pahni hai inlaichinna nasa taka a siemtha ding thu External Affairs ministry spokesperson Vikas Swarup chun a hril.
Dr Abdullah Abdullah hi ni 5 sung cham dinga January 31, 2016 a kha India ram hung tlung a ni a, External Affairs Minister Sushma Swaraj khawm an hmupui.
Zanikhan Myanmar Parliament Session tan a nih
YANGON: Myanmar Democracy icon Aung San Suu Kyi inrawi National League for Democracy (NLD) in Myanmar General Election nikuma nei huna hratna an chang hnunga Myanmar Parliament session hmasa tak chu zanikhan tan a nih. Myanmar Parliament seats 664 umah NLD hin seats 390 an lak a, sipai tiengpang Union Solidarity and Development chun seats 142 an lak leiin NLD hin Myanmar rama sawrkarna an hung chel ding a nih.
NLD hin hratna chang hai sienkhawm Myanmar sipai sawrkar hmasain constitution a lo induong dungzuiin Union Solidary and Development chun ministry pawimaw hai an la chel ding a nih. Parliament (sawrkar thar) in an thaw hmasa tak ding chu President thar thlang a ni ding a nih. Tuta President ni lai mek Thein Sein chu March, 2016 thla tawp khin President a ninaa inthawk an ban ding a ni a, sienkhawm NLD thuoitu Ms Suu Kyi chu constitution thar dungzui hin a nau hai British an ni leiin President a ni theinaw ding a nih.
Kum 2015 sung Assamah helpawl 1,450 man
GUWAHATI: Assam a chun kum 2015 sung khan helpawl group tum tuma mi 1,450 man an ni bakah ralthuom tam tak man a nih tiin Governor Padmanabha Balakrishna Acharya chun zanikhan Assam Assembly an hriettir. Silai mana um hi a rengin 577 niin silaimu 15,515; IEDs 58, Grenades 307; thilpuokthei kg. 144; detonators 2,979 le sumfai Rs. 29,85,510 helpawl dang danga inthawk man a nih. Chun, hi hun sung hin helpawl hai le inkaptuonaah helpawl 58 le civil mi 10 an thi a, inthuoihmangna cases 49 a um bawk. Helpawl group 13 hai chun an ralthuom hai siethlain nundan pangngai an hmang mek.
Selfie thawnaah Rel in a baw hlum
CHENNAI: Zanikhan Chennaia Vandalur hmuna chun Class XI inchuklai Dinesh Kumar (16) in Rel tlan lai hmaa selfie ( ama le ama thla an lak) tumnaah Rel hrat taka hung tlan in a baw hlum. Kum 2015 sunga selfie thawnaa eksidena thi hai laia 27 hai chu India rama tlung niin tulai hnai ela Washington Post report chun a hril. Hiengang selfie leia thina tlung rawp leiin Mumbai Police chun thla hmasa lai khan hmun 16 hai chu noselfie zones in an lo puong ta a nih.
Railway University hmasa tak Gujaratah
VADODARA: Minister of state for railways, Manoj Sinha chun, India rama Railway University hmasatak ding chu Vadodara, Gujaratah indin a ni ding thu zani hmasa khan a hril. Tuta National Academy of Indian Railways (NAIR), Vadodara (Pratap Vilas Palace) a mi chu Railway University a lo hmang phawt ning a ta, sawtnawte hnunga fullfledged University a hlangkai ning a tih tiin a hril. First phase in MBA le M.Tech degrees hai inchuk thei ning a ta, hi zovah diploma le B.Tech hai khawm hawng a ni pei ding a nih. NAIR hi a hma chun Railway Staff College (RSC) tia hriet a ni a, Indian railways a officers han trainingna hmuna an hmang mek a nih.
VP Brunei le Thailand ramah
NEW DELHI: Vice President Md. Hamid Ansari chu Brunei le Thailand ram haia ni 5 sung cham dingin zanikhan New Delhi suoksanin Brunei a pan. Act East Policy le inzawma inzin a nih. Brunei a inzin dinga fieltu Crown Prince Haji AlMuhtadee Billaah inhmupui a tih. Feb. 3, 2016 in Hamid Ansari hin Brunei suoksanin Thailand pan a ta, an rama inzin dinga fieltu Thailand PM Prayut ChanoCha inhmpui a tih. Kum 50 zet liem hnunga India Vice President in hieng rambung pahni hai a sir nawkna hmasa tak a nih.
Boko Haram in mi 86 zet an raw hlum
DALORI: Nigeria rama Dalori village a chun zani hmasa zan khan Boko Haram helpawl han bomb hmangin refugees 25,000 hai umna hmun an kap a, naupang thangsain mi 86 hai chu bomb puok leia kangmei nasa tak suokin a kang hlum niin official thusuok chun a hril. Security forces hai chun hi thil tlungna hmun hi pan nghalin dappui nasa takin an thaw a, sienkhawm mi man an nei nawh. Hi thil tlung leia meiin a kang hliem mi 62 hai chu State Specialist Hospital, Maidugiri hmuna enkawl an ni bawk.
VAWISUN THUPUI
Ngai ta, thlarau po po chu ka ta an na, pa hringna chu ka ta a ni ang bawkin, naupa hringna khawm chu ka ta a nih; thlarau thil suksuol chu thing a tih. Ezekial 18:4
Editorial
Inzak theilo hai ngirsuokna ram
Ei ramah hin mi tha, mi ringum, mi indik le mi taima tak tak um hai sienkhawm, suol langsar tam tak a tam hle. A tlangpuia hang thlir hin, tleirawl le a naupang lem, kum 25 hnuoi tieng hin drugs an inruiin an fak bakah an inkap a, pa valai ang ruol kum 2540 inkar vel hin Zu an dawnin an inrui tlangpui a, kum 40 chungtieng hai hin Corruption, sawrkar tangka fakruk an ching thung niin an lang. Rethei le hausa inkar a hla sawt hle a, puipungnaah khawm inthlierna zungzam an lang tan a. Party politics ri a na a, ei politics khel dan hin sum le thuneina a kawk chur el. Politics indik lo leiin, veng le khuo, khawtlang an thangruol thei naw a, hamhai le thikna leiin ei infak siet tawn a, hmasawnna sirbi thar kai a harsa pha.
Rukrukna a tam a, inrawk le inthatna a tam nuom sawt hle. Sawrkar thawktuhai lai sawrkar thuomhnaw le thil hai mani ta anga en thei an tlawm a, saawrkar thil inruk chu rukruah khawm inngai lo an tam. Mipui mimir lai khawm duamna a nasa a, an chuin ei inchu a ni deu tak. Ringumna le indikna ei tlasam tiel tiel a, hamhai dan ruok chu ei thiem tul tul niin an lang. Ei lungril, ei ngaituona le ei nun khawm thienghlim nekin siet tieng a pan lem an naw mani ding aw ti thei khawpin a um tlat el.
Kohran nunin tuihnang a nei naw a, sakhuo nun a tawl a, chanchin tha ei dawngna kum 100 a chuong met chau a, kohran pawl hlak chu a bute a siem khawp deuthaw a um hman der a. Kohran nunphung pangngai a chun an piengthar thei ta naw am a ni ti dingin Camping le Crusade buotsai an lar a. Pastor le Upa hai kuomah fak ding a um naw mani ti dingin, Evangelistic team an lar a. Pathien thu ei hril tam a, sienkhawm ei nunpui thei lem nawh. Pathien dit dan nekin ei dit dan ei thlang lem rawp hlak. Pathien thang naw chun mihriem nun hin lampui ei inhmang a, nun kawrawng a hung ni hlak. Ei Pathien thuawi dan le, ei Pathien thuhril hai hin mihai a sukphingtam hne ta naw niin an lang. Nun ei uluk hle a tul.
Hieng po po hi iengleia hung um el am ning a ta? Hiengang hi ei pi le puhai kuoma inthawka ei rochung, ei hnam nunphung hrim am ning a ti? Sukdanglam thei lo hnam zie nghet a ni? Hi thil ei dawnna chu ‘ni lo” ti a ni seng ring a um. Zohnathlakhai hi hnam mawla hril hlak ei ni a, sienkhawm hnam suola hril chu ei ni ngai naw a, mi lo enkawltu Saphai ringkai hnam ei ni hlak kha. Hnam tin lai hin misuol, verther le depde tihai hi chu an um ve hlak, Zohnathlakhai lai khawm um ve ngei an tih. Amiruokchu, hnam ang chun ei ringum hlak a nih.
Ei ram hi inzak thei lo hai ngirsuokna ram, pawisak nei lo taphawt nihlawna hmun an chang tan, ei fir tul tul a, inringzona a tlawm tiel tiel a. Hausak thut ei tum tlangpui a, sum ruok chu ei hmang thiem naw a, a enkawl khawm ei thiem naw bawk. Ei khawtlang nun an chep hle a, ei lamlienpui ang el a nih. Lamlienpui bula in bawl han lamlienpui an nek huoi em leiin, a changin hang zaulien hlak inlakhawm, a lien sawt ngai nawh. A thlawna thil dawng ei intim naw a, a thlawna dawng ding thil hi a zawng takzetin ei zawng a, an chuin ei inchu ta a nih. Ei lungril putzie an hnuoi a, sum hmuna ding a ni chun inzakna chang ei hriet der ta nawh.
Insiem that ei ngai. Insiem thatna ding chun mimal, sungkuo, khawtlang, kohran, politician han mani hmazawn sengah thang ei lak a tul. Politics nun, fakzawngna nun, ei tuolzawl nun le a dang dang hai siem thatna ding chun ei kohran nun, ei khawtlang nun, ei politics nun le ei mimal nun hai hi a thienghlim hle a ngai a nih. Ei Pathien thu ring dan le fepui dan khawmin kawngro sut sei hleng a tih. Bible ring tlat le zui mi ei ni a ngai. Pathien thu ei lak zalen annawleh ei lakzam sung hin chu insiem tha ngai nawng ei tih. Chun, ei lungril takah danglamna tak tak ei nei a tul a, puotieng thatna chau hin chu insiem tha ngai nawng ei tih.
CCPUR: January 30, 2016 a inthawk Rayburn College Auditorium, New Lamkaa State Level Seminar on ‘Development Experiences in the Hill Areas of Manipur: Problems and Prospects” nei tana um chu zanikhan zo a nitah. Zani 10AM Technical Sessionah Prof Dr N.Rajmohan Singh, RK Dilip Singh, K.Vungzamawi, Pumsiankim, Dr Grace Laltlinzo le Dr Immanuel Zarzosang Varte han paper an present a; zantieng 2PM khan kharna hun hmang a ni a, Chief guest in Langkhanpau Guite, Chairman, ADCC a thang a, Prof. Dr N. Mohendro Singh, Former member Steering Committee NER Vision 2010, DoNER, Govt of India le Lunminthang Haokip, IAS, DC, CCPur hai functional President le Guest of honour in an thang.
HSA Conf. fe hai chuongna Bus a eksiden
CCPUR/JIRIBAM: January 2729, 2016 inkar sung Muolhoi, Haflongah HSA GHQ General Conference neia uma Manipura inthawk HSA member conference zu thang hai chungna Bus chu Manipur pana an hung kir tiengin zani hmasa khan Jiribam bul hnai lai tuoksiet tuokin khobak a baw a, mi iemanizatin hliemna an tuok a, hliem hai laia Mr Obed Malsawmlien of Rengkai chu a hliem inrik deu a, sienkhawm ngaituo um taluo chu a ninaw niin ei thu dawngna chun a hril. Bus hi a spring a bawng leia eksiden nia hril a nih.
Obed hi Silchar tieng panpui a ni a, sienkhawm Manipur tienga enkawl dingin zanikhan Guwahati panpui a ni a, vawisun hin Guwahati a inthawk vuongnain Imphal hung panpui ni dingin ei thu dawngna chun a hril. Eksiden tuok bus a chuong dang hai chu zanikhan an hung tlung tawl tah.
District Hospital a hung enfel ding
CCPUR: Ministry of Health & Family Welfare, Govt. of India palai Dr H.Bhushan, Adviser & Health PHA, Division, National Health Resouce Centre, New Delhi le Former Dy. Commissioner i/c Maternal Health Division, govt. of India chu Feb. 2, 2016 hin CCPura hungin District Hospital CCPur hung enfel a tih. Imphala inthawk Dr O.Ibomcha Singh, Director Health Services inrawiin official iemanizatin hung zui an tih. India sawrkar chun Manipura Govt. Hospital 2 District Hospital/CCPur le Thoubal Dist. Hospital hai “Model Health District” dingin a thlang a, hi le inzawma hung enfel ding a nih.
Free Medical Assessment camp nei
CCPUR: Zani sun dar 12 khan Synod Hall, IB Road, CCPurah SSA/IED (inclusive Education for Disability), CCPur huoihawtnain “Free Medical Assessment Camp for Children With Special Needs nei a nih. Jan. 19, 2016 nia neia um sunzawm nawk a nih. Zanikhan hearing (nakawr tiengpang harsatna nei) mi 5 en nawk a ni a, Imphala inthawk Raj Kumari, Hearing Empairment inrawinain Medical Assessment hi nei a nih.
Sit in Protest a fepui
CCPUR: CCPur Police Station tuola AntiTribal Bills 3 hai le inzawma JAC in sitinprotest an nei chu an sunzawm pei a, zanikha ni 6 a tlingna a nitah. Protest roster dungzuiin Feb. 2, 2016 hin Zenhang Lamka; Zomi Colony le Zou Veng hai inthung an ta, Feb. 3&4 in Zenhang Lamka; Lhangnem le Saikawt inthung an tih.
Leprosy fortnight training tan
CCPUR: Zani 11:00AM khan District Leprosy Office, CMO campusah AntiLeprosy Fortnight 2016 training tan a ni a, Sagang PHC hnuoia Health Workers le ASHA workers hai zanikhan an training a, T. Lamzapau, Non Medical Asst. le Th. Ranjit, Physiotherapy hai resource person in an thang.
Anti Leprosy Fortnight sung hin Sangang PHC sunga khuo tum tum haia Leprosy um le umnaw enfel ning a ta, an lo um chun District Leprosy Officer kuoma report pein a thlawna enkawl an ni ding a nih.
Union MoS for MSME Giriraj Singh in Nillakuthiah Village and Industry building a hawng
IMPHAL: Union Minister of State (MoS) for Micro, Small and Medium Enterprises (MSME), Giriraj Singh chu Manipura ni 3 sung cham dingin zanikham Imphal hungtlung a, Nilakuthi hmuna village and Industry building bawl thara um a hawng bakah Food Park, Nillakuthi enna a nei.
Narendra Modi Prime Minister nina h nuoia NDA sawrkar chun ei ramah Skill Training Centres um hai laia 100 ah 70 sukpuitling ngei a tum a, tuhin chu 100 ah 5 chau la sukpuitling a nih. NDA sarwkar chun NE biel hi sukhmasawn tumin hma a lak mek a, hmatieng peiah khawm hma nasa nawk zauolin lang a tih tiin Giriraj Singh in mipui pungkhawmhai hmaa thu a hrilna huna a hrillang. Chun, India ram pumpuiah Livelihood Business Incubator Projects 22 indin ning a ta, hienghai laia 8 hai chu Manipurah indin ning a tih tiin Union Minister hin a hril.
Hi huna thang ve Manipur Commerce & Industries Minister Govindas Konthoujam chun, Manipurah Industrial Estates 6 indin a ni ding thu, hienghai laia Industrial Estates 3 hai chu financial year nawkah bawl tan ning a tih tiin a hril. Industrial Estate indinna dinghai lai hin Churachandpur, Ukhrul, Chandel, Bishnupur le Thoubal hai khawm an thangsa niin K. Govindas chun a hril a; Bishnupur le Thoubal a mi hai chu tuta financial year ve keka tan ni dingin a hril.
Giriraj Singh hin vawisun hin Loktak Dil le INA Complex, Moirang hai va en a ta, Feb. 3, 2016 in Prime Minister’s Employment Generation Programme chungthu State Govt. officialhai hriltlangpui a ta, hi zo hin Imphal suoksanin Agartala, Tripura a pan ding niin ei thu dawngna chun a hril.
Hun tiemchin um lo NH bandh thul
IMPHAL: Feb. 1, 2016 zanrila inthawka KSO General Headquarters le All Naga Students Association Manipur (ANSAM) han hun tiemchin um lova bandh thaw an tum chun thul ta niin General Secretary, KSO General HQ le Secretary (Eduations, ANSAM) hai chun an hril. Zanikhan State sawrkar palaihaia leh darkar 2 sung inbiekna an nei, hi huna hin an thil ngen sukpuitling pek an tiem leia an bandh thaw tum hi an thul niin Gen. Secy. KSO le Secretary (ddcation), ANSAM hai chun Imphal hmuna zanita Chanchinbumihai an inhmupui huna an hril.
Polytechnic Administrative Block suksiet
IMPHAL: Zani sun dar 11:30 vel khan Govt. Polytechnic Block le Library hai chu Govt. Polytechnic Students Union Volunteer han an suksiet bakah Education Minister M. Okendro le College Principal R. Rajchandra lim siemfawmin an raw. Jan. 4, 2016 a Simkhawlei inhningin an College building a suksiet siemtha dinga an ngenna state sawrkarin a ngaisak naw leia lungawi lova hi thil hi an thaw a nih. Hi College studenthai chun January 30, 2016 a intahwk khan lungawi lovin Class an boycott tan ta a nih.
Lalrawngbawl Hmar Dy. Director in a kaisang
IMPHAL: Information and Public Relations, Government of Manipur hnuoia Assistant Publicity Officer (APO) sinthaw lai Ms Lalrawngbawl Hmar chu Deputy Director (IPR) a inkaisangtir a nih. A kaisangna hi ei Chanchinbu chun a lawmpui hle. Ama le inruol hin APO(IPR) sin chel lai tho Th. Samo Singh, Ch, Nayon Singh, District Information Officer (DIO) le Sarat Sharma, DIO hai khawm Deputy Director a inkaisangtir an nih.
CBI IG Imphalah a hung inzin ding
IMPHAL: CBI Inspector General chu vawisun hin Imphalah a hung inzin ding niin ei thu dawngna chun a hril. Ch. Sanjit fake encountera kap hlum a nina le inzawma CBI Inspector General hi Imphala hung inzin ding nia hril a nih.
S Vaiphei, IAS in Ashram schools a enkawl sa ding
IMPHAL: Manipur Government hnuoia Ashram Schools Deputy Director chu a sina inthawk a pension ta leiin Pu S. Minlianthang Vaiphei, IAS, Director, Tribal Affairs/ Hills/SC and Managing Director MTDC chu Manipur Ashram Schools hai lo enkaisa dingin Manipur sawrkarin zanikhan Order an suo.
Manipur Assembly Session Feb. 19 a inthawk
IMPHAL: Jan. 30, 2016 a State Cabinet meeting chun Manipur Assembly budget session Feb. 16, 2016 a inthawka tan dinga a lo rel ta chu Governor an hman naw ding leiin Feb. 19, 2016 a intahwka tan ni lem dingin a sawn hla. Hi Session a hin CM le Finance Minister chelsa O.Ibobi Singh in kum 201617 Budget phar a tih. Buget hun sung ding le thu rel ding hai chu Assembly Business Advisory Committee in an la rel ding a nih.
Gogoi in interim budget a phar
GUWAHATI: Assam Chief Minister le Finance Minister ni bawk Tarun Gogoi chun zanikhan Assam Assemblyah kum 201617 financial year thla 6 sunga interim budget dingin Rs. 33,687.43 crore a phar Interim budget Gogoi in a phar hi April 1, 2016 September 30, 2016 inkar sunga Assam sum hmang ding a nih. Budget a hin Assam rama hnam hnufuol le Cachar areaa cheng tribal hnam tum tum hai ngirhmun dawmsangna ding Rs. 1000crore package a thangsa.
Student 13 tuiah an tla hlum
PUNE: Zanikhan Abeda Inamdar College,students 130 vel Murud Beach, Alibang, Raigad districtah picnic in an fe a, hienghai laia student 13 hai chu changsuolin tuipuiah an tla hlum. Mi 13 hai lai hin nunghak pathum an thang. Picnic fe student hai hi Abeda Inamdar Collegea Computer Science Department student deu vawng an nih. Mithiruong thenkhat hmu a ni ta a, a tam lem la hmu lo an nih.
India le Afghanistan han Agreement an ziek
NEW DELHI: India rama cham mek Afghanistan Executive Officer le Head of Council of Ministers Dr Abdullah Abdullah chun zanikhan New Delhi hmuna PM Narendra Modi an hmupui a, hi huna hin India le Afghanistan hai chun an ram pahni haia diplomats han Visa ngai kher lova an inzinpaw theina ding Agreement an ziek. Hi thil hin hieng ram pahni hai inlaichinna nasa taka a siemtha ding thu External Affairs ministry spokesperson Vikas Swarup chun a hril.
Dr Abdullah Abdullah hi ni 5 sung cham dinga January 31, 2016 a kha India ram hung tlung a ni a, External Affairs Minister Sushma Swaraj khawm an hmupui.
Zanikhan Myanmar Parliament Session tan a nih
YANGON: Myanmar Democracy icon Aung San Suu Kyi inrawi National League for Democracy (NLD) in Myanmar General Election nikuma nei huna hratna an chang hnunga Myanmar Parliament session hmasa tak chu zanikhan tan a nih. Myanmar Parliament seats 664 umah NLD hin seats 390 an lak a, sipai tiengpang Union Solidarity and Development chun seats 142 an lak leiin NLD hin Myanmar rama sawrkarna an hung chel ding a nih.
NLD hin hratna chang hai sienkhawm Myanmar sipai sawrkar hmasain constitution a lo induong dungzuiin Union Solidary and Development chun ministry pawimaw hai an la chel ding a nih. Parliament (sawrkar thar) in an thaw hmasa tak ding chu President thar thlang a ni ding a nih. Tuta President ni lai mek Thein Sein chu March, 2016 thla tawp khin President a ninaa inthawk an ban ding a ni a, sienkhawm NLD thuoitu Ms Suu Kyi chu constitution thar dungzui hin a nau hai British an ni leiin President a ni theinaw ding a nih.
Kum 2015 sung Assamah helpawl 1,450 man
GUWAHATI: Assam a chun kum 2015 sung khan helpawl group tum tuma mi 1,450 man an ni bakah ralthuom tam tak man a nih tiin Governor Padmanabha Balakrishna Acharya chun zanikhan Assam Assembly an hriettir. Silai mana um hi a rengin 577 niin silaimu 15,515; IEDs 58, Grenades 307; thilpuokthei kg. 144; detonators 2,979 le sumfai Rs. 29,85,510 helpawl dang danga inthawk man a nih. Chun, hi hun sung hin helpawl hai le inkaptuonaah helpawl 58 le civil mi 10 an thi a, inthuoihmangna cases 49 a um bawk. Helpawl group 13 hai chun an ralthuom hai siethlain nundan pangngai an hmang mek.
Selfie thawnaah Rel in a baw hlum
CHENNAI: Zanikhan Chennaia Vandalur hmuna chun Class XI inchuklai Dinesh Kumar (16) in Rel tlan lai hmaa selfie ( ama le ama thla an lak) tumnaah Rel hrat taka hung tlan in a baw hlum. Kum 2015 sunga selfie thawnaa eksidena thi hai laia 27 hai chu India rama tlung niin tulai hnai ela Washington Post report chun a hril. Hiengang selfie leia thina tlung rawp leiin Mumbai Police chun thla hmasa lai khan hmun 16 hai chu noselfie zones in an lo puong ta a nih.
Railway University hmasa tak Gujaratah
VADODARA: Minister of state for railways, Manoj Sinha chun, India rama Railway University hmasatak ding chu Vadodara, Gujaratah indin a ni ding thu zani hmasa khan a hril. Tuta National Academy of Indian Railways (NAIR), Vadodara (Pratap Vilas Palace) a mi chu Railway University a lo hmang phawt ning a ta, sawtnawte hnunga fullfledged University a hlangkai ning a tih tiin a hril. First phase in MBA le M.Tech degrees hai inchuk thei ning a ta, hi zovah diploma le B.Tech hai khawm hawng a ni pei ding a nih. NAIR hi a hma chun Railway Staff College (RSC) tia hriet a ni a, Indian railways a officers han trainingna hmuna an hmang mek a nih.
VP Brunei le Thailand ramah
NEW DELHI: Vice President Md. Hamid Ansari chu Brunei le Thailand ram haia ni 5 sung cham dingin zanikhan New Delhi suoksanin Brunei a pan. Act East Policy le inzawma inzin a nih. Brunei a inzin dinga fieltu Crown Prince Haji AlMuhtadee Billaah inhmupui a tih. Feb. 3, 2016 in Hamid Ansari hin Brunei suoksanin Thailand pan a ta, an rama inzin dinga fieltu Thailand PM Prayut ChanoCha inhmpui a tih. Kum 50 zet liem hnunga India Vice President in hieng rambung pahni hai a sir nawkna hmasa tak a nih.
Boko Haram in mi 86 zet an raw hlum
DALORI: Nigeria rama Dalori village a chun zani hmasa zan khan Boko Haram helpawl han bomb hmangin refugees 25,000 hai umna hmun an kap a, naupang thangsain mi 86 hai chu bomb puok leia kangmei nasa tak suokin a kang hlum niin official thusuok chun a hril. Security forces hai chun hi thil tlungna hmun hi pan nghalin dappui nasa takin an thaw a, sienkhawm mi man an nei nawh. Hi thil tlung leia meiin a kang hliem mi 62 hai chu State Specialist Hospital, Maidugiri hmuna enkawl an ni bawk.
VAWISUN THUPUI
Ngai ta, thlarau po po chu ka ta an na, pa hringna chu ka ta a ni ang bawkin, naupa hringna khawm chu ka ta a nih; thlarau thil suksuol chu thing a tih. Ezekial 18:4
Editorial
Inzak theilo hai ngirsuokna ram
Ei ramah hin mi tha, mi ringum, mi indik le mi taima tak tak um hai sienkhawm, suol langsar tam tak a tam hle. A tlangpuia hang thlir hin, tleirawl le a naupang lem, kum 25 hnuoi tieng hin drugs an inruiin an fak bakah an inkap a, pa valai ang ruol kum 2540 inkar vel hin Zu an dawnin an inrui tlangpui a, kum 40 chungtieng hai hin Corruption, sawrkar tangka fakruk an ching thung niin an lang. Rethei le hausa inkar a hla sawt hle a, puipungnaah khawm inthlierna zungzam an lang tan a. Party politics ri a na a, ei politics khel dan hin sum le thuneina a kawk chur el. Politics indik lo leiin, veng le khuo, khawtlang an thangruol thei naw a, hamhai le thikna leiin ei infak siet tawn a, hmasawnna sirbi thar kai a harsa pha.
Rukrukna a tam a, inrawk le inthatna a tam nuom sawt hle. Sawrkar thawktuhai lai sawrkar thuomhnaw le thil hai mani ta anga en thei an tlawm a, saawrkar thil inruk chu rukruah khawm inngai lo an tam. Mipui mimir lai khawm duamna a nasa a, an chuin ei inchu a ni deu tak. Ringumna le indikna ei tlasam tiel tiel a, hamhai dan ruok chu ei thiem tul tul niin an lang. Ei lungril, ei ngaituona le ei nun khawm thienghlim nekin siet tieng a pan lem an naw mani ding aw ti thei khawpin a um tlat el.
Kohran nunin tuihnang a nei naw a, sakhuo nun a tawl a, chanchin tha ei dawngna kum 100 a chuong met chau a, kohran pawl hlak chu a bute a siem khawp deuthaw a um hman der a. Kohran nunphung pangngai a chun an piengthar thei ta naw am a ni ti dingin Camping le Crusade buotsai an lar a. Pastor le Upa hai kuomah fak ding a um naw mani ti dingin, Evangelistic team an lar a. Pathien thu ei hril tam a, sienkhawm ei nunpui thei lem nawh. Pathien dit dan nekin ei dit dan ei thlang lem rawp hlak. Pathien thang naw chun mihriem nun hin lampui ei inhmang a, nun kawrawng a hung ni hlak. Ei Pathien thuawi dan le, ei Pathien thuhril hai hin mihai a sukphingtam hne ta naw niin an lang. Nun ei uluk hle a tul.
Hieng po po hi iengleia hung um el am ning a ta? Hiengang hi ei pi le puhai kuoma inthawka ei rochung, ei hnam nunphung hrim am ning a ti? Sukdanglam thei lo hnam zie nghet a ni? Hi thil ei dawnna chu ‘ni lo” ti a ni seng ring a um. Zohnathlakhai hi hnam mawla hril hlak ei ni a, sienkhawm hnam suola hril chu ei ni ngai naw a, mi lo enkawltu Saphai ringkai hnam ei ni hlak kha. Hnam tin lai hin misuol, verther le depde tihai hi chu an um ve hlak, Zohnathlakhai lai khawm um ve ngei an tih. Amiruokchu, hnam ang chun ei ringum hlak a nih.
Ei ram hi inzak thei lo hai ngirsuokna ram, pawisak nei lo taphawt nihlawna hmun an chang tan, ei fir tul tul a, inringzona a tlawm tiel tiel a. Hausak thut ei tum tlangpui a, sum ruok chu ei hmang thiem naw a, a enkawl khawm ei thiem naw bawk. Ei khawtlang nun an chep hle a, ei lamlienpui ang el a nih. Lamlienpui bula in bawl han lamlienpui an nek huoi em leiin, a changin hang zaulien hlak inlakhawm, a lien sawt ngai nawh. A thlawna thil dawng ei intim naw a, a thlawna dawng ding thil hi a zawng takzetin ei zawng a, an chuin ei inchu ta a nih. Ei lungril putzie an hnuoi a, sum hmuna ding a ni chun inzakna chang ei hriet der ta nawh.
Insiem that ei ngai. Insiem thatna ding chun mimal, sungkuo, khawtlang, kohran, politician han mani hmazawn sengah thang ei lak a tul. Politics nun, fakzawngna nun, ei tuolzawl nun le a dang dang hai siem thatna ding chun ei kohran nun, ei khawtlang nun, ei politics nun le ei mimal nun hai hi a thienghlim hle a ngai a nih. Ei Pathien thu ring dan le fepui dan khawmin kawngro sut sei hleng a tih. Bible ring tlat le zui mi ei ni a ngai. Pathien thu ei lak zalen annawleh ei lakzam sung hin chu insiem tha ngai nawng ei tih. Chun, ei lungril takah danglamna tak tak ei nei a tul a, puotieng thatna chau hin chu insiem tha ngai nawng ei tih.
