Ngaibantlang, December 6,2015 (Virthli): December ni 3 a'nthawka ni 5 sung khan Muolhoiah sikpui inur a nih. Ni hni sung hi khuosungin insukhlimna in Sikpui Sports nei ani a, a huntawpni tak December ni 5 sun le zan hun hmangin Muolhoi khawpui a Sikpui inur a nih. Zingkar hunah hin Khuollien Pu L. Hlima Keivom, EM, NCHAC in Sikpui puonzar keipharna neiin Sikpui Pa Pu Lalthasiem Lungtau in Sikpui Hall hawngna a nei. Khuollien, Sikpui Pa, Khuol inzaum Pu Chunga Tuolor, DFO, NC Hills hai le thuoitu dang hai anthawkin thu pawimaw tak tak hai ngaithlakna nei a nih. Sikpui hi a tlangpuiin Pi le Pu hai chun Thlazing thla a inthawk lo lam tanin Mimtukthla chen hi anlo inur hlak a hun lawmum an lo hmang hlak. Khuo hausa le intodel nazawngin anlo hmang thei kher ngai naw a, kumțhat kuma hai bik a naw chun Sikpui hi anlo inur ngai naw ani thu hai hriltu hai le tulai a ei hmang dan hai chipchier taka ngaithlak a nih.
Hla tiengah Tv. Vincent Hekte, Pu Mortimor Joute, Nk. Khawlremzo, Nk. Mary Khuptong, Nk. Laldampui Pena, Tv. Vanlaljona Tuolor le mi dang dang haiin mipui an inawi bawk.
Sikpui Rûn tuola hin pi le pu hai anthawka ei lohma zawngna hmangruo le châng hai mipui hmu theiin suklang a nih. Sun programme hun hnina a hin Telent Search Competition hun nei ani a, hi huna hin mi tamtak haiin Lam, hlasak, fiemthu haia an inruolsiek.
Zan hun hi hun hlimum taka hmang ani nawk a, hi huna hin thu le hla a inpawltlangna le insukhlimna hun hmang a nih. Special Guest Pu Niranjan Hojai CEM, NCHAC chun thuhrilna hun anei a programme a puitling hle a, a lawm hle thu hrilin hmatieng peia khawm hieng hun hai hi la hmamg tlang pei a nuom thu a hril.
Sikpui Sports le competition hran hran haia lawmman dawngtu hai kuoma lawmman semna hun nei ani bawk.
Muohoi ti lo NC Hills a khuo tam lem chun vawisun ni hi umni khâmin sikpui hi an inur a, umni khâma lo hmang theinaw hai khawma zingkar huna Flag keipharna hun bek an hmang thu ei dawng bawk a nih.
[Thlalak dang hai chu nakie tieng hung upload ning a tih]
Hla tiengah Tv. Vincent Hekte, Pu Mortimor Joute, Nk. Khawlremzo, Nk. Mary Khuptong, Nk. Laldampui Pena, Tv. Vanlaljona Tuolor le mi dang dang haiin mipui an inawi bawk.
Sikpui Rûn tuola hin pi le pu hai anthawka ei lohma zawngna hmangruo le châng hai mipui hmu theiin suklang a nih. Sun programme hun hnina a hin Telent Search Competition hun nei ani a, hi huna hin mi tamtak haiin Lam, hlasak, fiemthu haia an inruolsiek.
Zan hun hi hun hlimum taka hmang ani nawk a, hi huna hin thu le hla a inpawltlangna le insukhlimna hun hmang a nih. Special Guest Pu Niranjan Hojai CEM, NCHAC chun thuhrilna hun anei a programme a puitling hle a, a lawm hle thu hrilin hmatieng peia khawm hieng hun hai hi la hmamg tlang pei a nuom thu a hril.
Sikpui Sports le competition hran hran haia lawmman dawngtu hai kuoma lawmman semna hun nei ani bawk.
Muohoi ti lo NC Hills a khuo tam lem chun vawisun ni hi umni khâmin sikpui hi an inur a, umni khâma lo hmang theinaw hai khawma zingkar huna Flag keipharna hun bek an hmang thu ei dawng bawk a nih.
[Thlalak dang hai chu nakie tieng hung upload ning a tih]
