Sinlung Idol MaryJone Lalengvar Leh

Sinlung Idol MaryJone Lalengvar Leh
~ H. Zate

Khawvel insieng tir a inthawka Sinlung Idol hmasa tak le Sinlung Idol la um sun, Hmarkhawlien Tleirawl inno nak el le zei em em a hming Mary Jone Lalengvar chu an inah ngei inpawlpuina neiin a nuna danglamna tamtak um le mi tam takin an hriet chak chu puonglangin a um ta anih. Pathienni sunah hunawl remchang inchanin inpawlpuina kan nei a, hun hlimum tak hmangin a sam, khaw lum em leia a HeNa a nal khawm sawp lo ieng lovin thla dam kan inlak a, inhawi kan ti tlangin hlimum kan ti , a nu a felin a sunghaiin an uop ṭha hle. Hi ṭuma  interview hi chu ni dang ang naw takin ka ruolhaiin an mi uop ṭha hle a, Photographer Joseph Darngawn-in mawi em em khel tiengin thla a lak a, Director Jacob Amo khawm a buoiin a mi tuommawi hne. Kan Kan Stylist Immanuel Lalkumtluong khawmin a sin a hne hle.

Kan inhril a, kan thiltum kan hril hnung le a nu leh sawtfang kan titi hnungin inpawlna kan nei ta a.

I Hming mawi mi hril thei i ti?

Mary: Aw, hril thei ie, Ka hming chu Mary Jone Lalengvar.

A iengti zawng khawmin ko inla che hlasakthiem hming hrim hrim a lo ni chutie  maw? Lalengvar, Mary Jone .

Mary: Umm, ni ie.

I nu le pa hming?

Mary: Ka pa chu L Rosang Thiek a ni a, Ka nu chu Lalsuochawng a nih.

I Piengni mi hril thei i ti?

Mary: Aw, hril thei ie. 24 march 1999

Unau Iengzat am in ni a?

Mary: Unau hi Pali kan ni a, Nuhmei 2 le pasal 2 kan  nih.

Inchuklai i la ni am? Iengzat am i inchuk ta a ? Khawlaia am i inchuk a?

Mary: Inchuklai ka ni a Covenant English School Hmarkhawlien-ah Pawl sawm ka inchuk mek.

I Hobby?

Mary: Lekha tiem le hla sak

Lo hlawtling pei ta la ieng am ni i tuma?

Mary: News reporter , le Civil service

Hla i sak tan dan?

Mary: Ka chinlai, sikul ka kai hmaa inthawkin hla hi chu ka sak hlak. Ka nu leh hin kan sak hlak a.

Sinlung Idol-a i ṭhang khan iengleia ṭhang am i ni a?

Mary: Ṭhang ve reng reng ka nuom a ka ṭhang ve tawp el anih. Lawmman khawm ka beisei chuong nawh.

Sinlung Idol-a i thang hnung le Sinlung Idol i ni hnungin nangma-ah danglamna a um am?

Mary: Keima a chun ka tawnghriet kha ani el a. chun, hma ka sawn pha bawk. Mi dang a inthawka keimaa danglamna um chu Ruol pawl a’nhawi deuin  ka hriet, chun, miin an mi biek nuom deu-in ka hriet. ( a hei innui a)

Hlasakthiem;a bikin Nuhmei ta dingin Sunghaiin an thlawp hi a pawimaw am?

Mary: Aw, pawimaw taluo. Nuhmei lem chu muolphona hi chite rek chau ani leiin sunghaiin an thlawp hi a pawimaw. Inzinna a khawm sunghaiin an ṭawiawm pei hi a ṭhah.

Anleh, chuonga a pawimaw i ti si chun. Nangteh i sunghaiin an thlawpin an tawiawm tha che am?

Mary: Taluo full ṭhak. (annui sai a, a nu a hei en a.) Ka ṭa-hai lem hin chu hla dam an min chukpui hlak.

Album i siem ta am? Siem i tum am? Siem la ieng hla am?

Mary: Album hi ka la siem nawh. siem chu ka tum a, Pathien zara ka lo siem thei a ni chun Pathien hla ngei siem ka tih.

Hla i sak nuom zawng?

Mary: Hla inchawm deu le hot deu.

Hla inhnik deu-a sak theina dinga pawimaw?

Mary: Ummm… Hla inhnik deu-a sak ding chun ( a kam a peta a hei inngaituo vang vang a) A thu-a cheng le a thu hrietchieng hi a pawimawin ka hriet.

Hla i phuok ta am? Tleirawl lai hi hla mak deu deu phuok nuom hunlai a ni a, i lo phuok ve khiet am?

Mary: ( a hei innui nawk phawt a) awiah, hla hi ka la phuok nawh.

Pasal i ditzawng?

Mary:(A nu a um a anzak deu ni ding ana a hei innui a, ving deu taiin) Tawngtam lo, Bengvar, mi inzathiem, Kohran-a inhmang.

Inpawlna hun i mi peka kan lawm ie.

Mary:  Kei khawm ka lawm taluo.

Photo: Joseph Darngawn