Responsive Ad Slot

ZoRO President Pu.R Thangmawia in Chatuon ram a milo inlawi san tah

Monday, July 20, 2015

/ Published by VIRTHLI
Geneva/Aizawl, 20 July, 2015 (Virthli News): Zo Re-Unification Oganisation (ZoRO) Gen. Hqrs President nilai mek Pu. R Thangmawia chu vawisun chawhma dar 12:45 (IST) khan Geneva ah UN 8th Session on Expert Mechanism on The Rights of Indigenous People hmang dinga fe chu a thi.

Vawituk khan Pu. R Thangmawia hi bathroom ah khawhrelo a hmu a ni a, dawmdawiin panpui a ni laiin IST 12:45 khan chatuon ram a mi lo pansan tah a nih. Ama hi diabetes nei a ni leiin a thina san hi Stroke lei ring a nih.

Pu Thangmawia hi Maite khuo ah ni 13th June, 1936 khan a pieng a, inchukna tieng B.Com a ni a, Ram le Hnam hmangaitu tak a ni leiin, MNF Movement ah khawm khan mani insunglum maksanin MNF ah a lut a. Nina insangtak incheltir niin Senator nina chen incheltir a ni nghe nghe a nih.

Sept. 1965- Dec, 1971 chen khan Senator sin hi a chel a. ZoRO indin a lo ni khan UNO hnuoiah Zo nauhai insuikhawm nawkna lampui an hawng ti hrie in nasatakin thang a lak a, Zo nauhai rorelna pakhata an um thei dan ding zawng ngar ngarin 17th, July,1991 a'nthawk khan ZoRO Gen.Hqrs. President ah hlangkai a ni a, a thini chenin hi sin hi a chel ta a nih.

Tuta a fena UN Session (20 -24 July,2015) khawm hi Zo nauhai chungchang an hril ding a ni leia paper present dinga fe a nih. Sienkhawm vangduoithlak takin Geneva khawpui ah inkhawmpui a hmang mek lai chatuon ram a mi lo pan san ta a  nih.

UNO ah hin Zo-Hnam hai ta dingin palai sin vawi 20 chuong a lo thaw ta a, hi baka hin Pu Thangmawia hi Mizoram Chamber of Commerce a President nilai mek a ni bawk. Sumdawngna tieng khawm mi hlawhtling tak niin Highland Enterprise neitu niin Chevrolet Car Agent ni lai mek a ni a. A ruong hi Aizawl hung panpui dingin hma lak mek a nih.

A ruong lo hmuok dan ding hi zingah (Thawlenni) chawhma dar 10 hin ZoRO General Headquarter Office ah rel ning a tih.
Don't Miss
© all rights reserved
made with by Simon L Infimate