Responsive Ad Slot

Muolhoi ah Transformation Seminar nei

Wednesday, June 3, 2015

/ by Simon Infimate
Ngaibantlang, May 03, 2015 (Virthli News) : TRANSFORMATION ti thupui hmangin vawisun Muolhoi CH Khawtlang Memorial Hall-ah HWA NC Hills & Karbi Anglong Joint Headquarters chun Seminar a nei. Hi hun hi Pi Hnemi Tuolor Secretary HWA NC Hills & Karbi Anglongin a keihruoi a, HWA JHQ thiltum ‘Transformation’ a pawimawna khawtlang nunah le Pathienthu a dam hnam a hartharna a tlung theina dinga hieng Seminar hai hi buotsai ani thu le Hnam hi hla deua um niloin mani chit hi hnam eini ti hriet a pawimaw thu hai Pi Lalropui Hmar Vice President in chieng deuin fekhawmtu hai a hril bawk.


Resource person a ruot Rev. Kawlthanglien Infimate hin inchukna tieng le khawtlanga Transformation chungchang thu thiem takin a hril a, Nk. Nancy Tingnunhlim Darngawn hin Legal awareness and Women rights ti thupui hmangin India danpui hnuoia nuhmei hai hamthatna hai le dikna chanvo thu hai a hril bawk. Chun Pi Khuongthangpui Infimate hin Pathienthu a transformation dan ding kimchang takin a hril. Muolhoi nupui le nunghak mi 150 bawr vel hai chun nasa takin an hlawkpui niin an hriet a, hieng ang awareness hi um rawp sien ti chu mipui ngaidan anih.

Hi programme uoptu Pu Rosang Hrangchal, President, Hmar Inpui in thucha hrilna a nei a, Pu Khawvelthang, Parliamentary Secretary NCHAC in thucha hrilna a nei bawk. Rev Kawlthanglien Infimate hin HWA in ditsakna thilpek a’n hlan chu HWA ta dingin a’n hlan sawng nawk a thuoitu hai le mipui an lawm hle a nih.


Hi Seminar hi Mahur ruom le Jinam Valley a hai hlawtling taka lo nei ani  ta a, tukum sung hin Transformation hi thupui a hmang ani lein hmuntin a hai hi Seminar hi nei nawk pei dinga inbuotsai a nih. Hieng ang thu pawimaw inhrilhrietna Nu haiin hma hung la a nasataka tha le zung, sum le puon le an hun hai an pekna hai hi inpak an um takzet a, entawn tlak tak anni bawk.
Don't Miss
© all rights reserved
made with by Simon L Infimate