Responsive Ad Slot

Hmasawnna Thar | 12 June, 2015

Friday, June 12, 2015

/ Published by VIRTHLI
Tuolsung
MYC Hall­ah Free Dental Check­up nei
CCPUR: MYC/Muolvaiphei fielna ngaipawimawin JC Dental Care chun June 11, 2015 khan MYC Hall, Muolvaiphei­ah “Free Dental Check­up: an va nei. Dental Check­up hi zing dar 6 a inthawk nei tan a ni a, hi huna hin Dr Sangi, Dr Lalrotling le Dr Helhing Haokip han naupang le puitling an rengin mi 155 vel an en a, Ha phawi tul hai a thlawnin an phawi pek bakah  Damdawi, tootpaste, toothbrush le Mouth wash hai a thlawnin an sem bawk. 

Hi baka hin Dental Assistant Nk. Hrieti chun Ha Lim hmangin naupang chinzuol hai kuomah Ha nawt dan ding le Ha enkawl dan ding an chuktir bawk. 

MYC thuoitu hai chun Ha hriselna kawnga a enkawl dan hrilhrietna dinga hiengang huntha an buotsai pektu JC Dental Care chu inpakum an ti thu le lawmthu an hril.

Social welfare­ah Financial Assistance sum lak thei
CCPUR: Churachandpur District sunga “Financial Assistance to Dependent Children” scheme hnuoia scholarship dawng dinga thlangsuok hai chun June 15, 2015, 11AM a inthawk District Social Welfare Officer, CCPur office­ah sum lak thei ning a tih. A la ding student hai chun hi huna hin School progress Report an chawi tul a tih tiin DSWO, CCPur chun inhriettirna a siem.

Subroto Mukherjee football closing
CCPUR: District Level Subroto Mukherjee Knock­out Football Tournament, 2015 closing ceremony chu Jun 11, 2015, 1:45PM khin Kholmun ground­ah um a tih. Hi huna hin Pu Henkholun Doungel, Dist. Youth Coordinator, NYK/CCPur khuollienin thang a ta, Pu Lalvullien Joute, President, Distriti Sport Association, CCPur chu functional president in thang a tih.

SMDC member han joint meeting
CCPUR: June 12, 2015, 11:30AM hin Singngat DI of School H. Kapneithang chengna in, Zoveng­ah Zogal Memorial Jr H/S, Behiang khuoa Zogal Memorial Jr. H/S upgradation thuah  Zogal Memorial Jr H/S a Chairman/ Chairperson/ Secy/ Member of SMDC han joint meeing  nei an tih.

Headline:
Manipur­a ADC Election­ah party mala hrat tak INC; a dawttu NPF an nih
IMPHAL: Seats 144 umna Manipur­a ADCs 6 haia inthlangna result hrietkim vawng a ni ta a; Party mala hrat tak chu Indian National Congress (INC) anni a, a dawttu chu Naga People’s Front (NPF) anni a, a pathumna Indepdendent candidates le a palina BJP an nih. INC in seats 46 an lak a, NPF in seats 43, Independent candidates han seats 34 le BJP in seats 21 an lak. District hran hran haia party tum tum hai seat hmuzat chu­ Ukhrul District­ah NPF­17, INC­2, IND­4, BJP1; Tamenglong district­ah NPF 8, INC 10, IND (Independent) 1, BJP 5; Senapati District­ah NPF­11, INC1, IND­4, BJP­8; Chandel district­ah NPF­5, INC­11, IND­6, BJP­2; Sadar Hills­ah NPF­2, INC­17, IND­1, BJP­4;  Churachandpur District­ah NPF­0, INC­5, IND­18, BJP­1 an nih.

Churachandpur District­a canidates­hai votes hmu dan chu a hnuoia ang hi a nih.
1-KHOUSABUNG
Letkhomang INC        - 2632
Seilenmang BJP - 2977
Thangkhomang Ind.    - 1631
2- LEIMATAK 
Demmang Haokip- (INC)       - 3585
Henminthang-BJP                   -2530
3- HENGLEP 
Paolal Haokip- INC                - 5359
Thenkhohau Haokip BJP        - 407
4- CHONGKHOJOU
Hauneilal- BJP                        - 1000
Benlian -Ind                            - 878
T. Liansong- Ind                     - 1466
Genneikhup-Ind                      - 1673
5- THANLON
P.Khamsanglian -Ind              -1030
Jamchinthang- Ind                  -2587
H.Jamkhanpau Simte- Ind      - 1039
Lalkim- BJP                            - 34
6- PARBUNG
Lalthathang-Ind                      - 1953
Lalropieng Hmar-Ind              - 318
Lalhmangpui Fimate- Ind       -2030
Lathavel- Ind                          - 591
7- VANGAI
Lalhmingthang- BJP               - 152
Laltlangmawi- Ind                  - 2430
Lal Hossan-Ind                       - 3992
8- SENVON
Jehovah Malsawm- Ind           - 558
Lalvullien- Ind                        - 729
Ngurlamthang-Ind                  -  561
JS Pudaite- BJP                       - 481
Lalditsang- Ind                       - 940
Tlansang Ind.                          - 327
9- NGAZAM
T. Paukhanlian-Ind                 - 739
H. Pauzalal- Ind                      - 489
Khupzatawn Valte-Ind           - 445
Niang Mary Tombing-Ind       - 228
M. Ginzapau Guite-Ind          - 667
10- TUIVAI
Langkhanpau Guite-Ind         - 3691
Kailal Suantak- Ind                 - 02
11- LUNGTHUL
G. Suanchinpau- Ind               - 1701
Lamkhanmang- Ind                - 51
Ginzamuan- BJP                     - 208
Zamlunmung- Ind                   -1103 
12- LANVA
L. Tualkhanhau- Ind               - 1298
G. Thangchinlian- Ind             - 411
Pum Khen Cin- Ind                - 1526
T.Thanga Tonsing- BJP           - 724
T. Khaikhomang- Ind             - 2019
S. Kapkhanmuan- Ind             -583 
13- KHOLMUN
Khaipao Haokip- INC              - 6184
Thangkhomang Haokip- BJP  - 2056
14- TUIBUONG
Paokholal Haokip- Ind            - 2605
Ngamhao Touthang- INC       - 5384
Ngulkhothang-BJP                 - 2529
15- HIANGTAM LAMKA
G. Thangkhosuanmung-Ind    - 6021
Khamliankhup Lianzaw-BJP-  2852
16- NEW LAMKA WEST
K. Chinkhansuan                    - 326
Nianglian- Ind                         - 294
Ginthianlal- Ind                       - 389
H.Thangzamuan- Ind              - 928
H. Mangchinkhup- Ind           - 1650
Chintwahlian- Ind                   - 1777
17- NEW LAMKA EAST
Donglian- Ind                          - 1374
LK. Mung Ngaihte- Ind         - 2995
M.Gouzamang Guite- Ind      - 5161
Rawland Daikhanmang Guite- BJP    - 2683
18- ZENHANG LAMKA
P. Khamkhanthuam- Ind                    -1079
Lalzahau Samte- Ind                           - 617
Ginkhozam- LJP                                 - 140
V.Chinkhenpau- Ind                           -1452
T.Pumzanang- Ind                              - 700
V. Khaikhanmung- Ind                       - 1617
Tungnung Samuel- BJP                      - 495
19- SAIKOT
Rammawi-BJP                                    - 473
Darsiemlien Rounguol- Ind                -3586
Lalhrillien- Ind                                    - 3623
20- SAGANG
Emboi Serto- Ind                                - 1332
M.Rekhupsong Kom- BJP                  -2086
KC Chonsei- INC                               - 2107
Gasmani- Ind                                      - 21
21- SANGAIKOT
Pumtulthang- Ind                                -6728
Tongkhokai Baite- INC                      -2387
22- HAOPI RANGE
P. Kamkholal -Ind                              - 3475
Lalminthang Misao-BJP                     - 2649
T. Zamkholun Khongsai- Ind.            -242
Haokhanthang- Ind                             - 11
23- MUALLUM
Zaneiching @ Grace Zamnu- Ind       -842
Chinsuanlam- Ind                               -480
Pauminlianthang-Ind                          -552
P.Thangkhanlun-Ind                           -683
Minlian- Ind                                        - 11
Thangkhenhang-Ind                            -4
S.Chinsuanlian- BJP                           -66
24- SINGNGAT
Khamchinmang-Ind                            -555
Hausuanthang-Ind                              -736
Pumkhanmang- Ind                            -448
Thangkhongam Taithu- Ind                -438
P.Sianzadong- Ind                              -713
Nengchinlam- Ind                               -465

Union MoS for Home a hung inzin
IMPHAL: Union Minister of State for Home, PMO, personnel, Public Grievances, Pensions, Dept. of Atomic Energy & Department of Space, Dr Jitendra Singh chu zanikhan Imphal­ah a hung inzin. June 4, 2015 a Paraolon, Chandel District a 6­ Dogra Regiment hai lambuna an umna le inzama hung inzin nia hril a nih. June 4, 2015 a Paraolon a thil tlung hi thil vangduoithlak takel a nih. Hienganga thil a fe pei chun Manipur a hmasawnna sinthawna nasa takin a sukbahla ding a nih tiin a hril. Minister hi NSCN (IM) le India sawrkar hai inbieknaa interlocuter R.N. Ravi in a hung zui.
    
Jitendra Singh hin Imphal International Airport a hung tlung hnungin Governor Dr Syed Ahmad le Manipur CM O.Ibobi Singh hai inhmupuiin tulai hnaia Chandel district sunga Paraolin hmuna helpawl han Army hai an lambun hnunga dan le thupek ngirhmun le Army han Indo­Myanmar border­a beipui an thlakna chungthu hai a hriltlangpui.
     
Dr Jitendra Singh chun, NE le Manipur hmasawnna hi Narendra Modi inrawinaa sawrkar thlungpui prime agenda a ni a, Chandel district­a thil tlung hin NE biela hmasawnna sinthawna a sukbahla ding a ni nawh tiin Old Secretariat Conference Hall, Imphal hmuna Chanchinbumihai an hmupui huna a hril.

CM in National Horti Expo a hawng
IMPHAL: Manipur CM O.Ibobi Singh chun zanikhan 1st Manipur Horti. Expo ­2015 Manipur Film Development Corporation (MFDC) Hall, Imphal­ah a hawng. Hi Expo hi CAU le ICAR hai hmalaknaa nei a nih. Work Culture hriet le neinaw leiin bu le thlai thar suok tumna ding thilah loneitu han harsatna an tuok pha tiin O.Ibobi Singh chun a hril.

Others
NSCN(K) Chif Khaplang Yangon Hospital­ah enkawl
NEW DELHI: June 4, 2015 nia Chandel district­a Paraolin hmuna Army hai lambuntua taka intum NSCN(K) hotu lutak SS Khaplang (75) chu a damnaw leiin China le Myanmar ramri laia Tago hmuna a umna hmuna inthawk Myanmar khawpui lientak Yangon hospital­ah enkawl niin official thusuok chun a hril. Khaplang hi Hemi Naga, Myanmar mi a ni a, April 1940 a Waktham village, Pangsau Pass hmuna pieng a nih. November 1975­a Angami Zapu Phizo inrawi Naga National Council in Shillong Accord an ziek hnunga lungawi lova NSCN (IM) hotu Isak Chishi Swu le Thuingaleng Muivah hai le hel, a hnunga Nationalist Socialist Council of Nagaland (NSCN) hung indin an ni a, Amiruokchu Muiva that a tum a hlawsam hnung 1988 khan NSCN ­K hi a hung indin ta a nih.

Jiran Ram in seats 90 ngen a tum
PATNA: Bihar Chief Minister hlui Jitan Ram Manjhi chun a party indin Hindustani Awam Morcha (HAM) in Centre­a sawrkarna siemtu BJP le an lo thawtlang a ni chun Bihar Assembly seats 243 umah a party da dinga seats 90 pe dinga ngen a tum thu a hril.Amiruokchu, thangruolna ding thua hin official taka BJP hai inbiekpuina a la neinaw thu a hril. Bihar Assembly election hi tukum kumtawp tieng vela nei beisei a ni a, Bihar CM Nitish Kumar inrawi JD(U) le RJD chun thangruol dingin an remti ta bawk a nih.

AIKNA hminga Sum dawltu man
DIPHU: Zani hmasa khan Diphu hmuna All India Karbi National Front (AIKNA) hminga sum dawltu Enush Timung of Lurulangso, Diphu chu 7.65mm Pistol 1, a mu 4 le AIKNA note pad leh Police han an man. Diphu Town Committee Chairman Mohon Singh Tisso le CEM, Karbi Anglong Autonomous Council Tuliram Ronghang hai kuoma sum ngenna lekha a pek leia Police han iemanichen liemtaa inthawka an lo enthlak ta a nih. AIKNA chun Rohghang April 26, 2015 a kha party kal zawnga thil a thaw leia an lo ban ta niin an hril.

Meghalaya By­poll a dingin mi 6 in nomination an file
SHILLONG: Meghalaya­a South Garo Hills district­a Chokpot assembly constituency­a   byeletion um dinga chun mi 6 in nomination paper an file ta a, chuonghai chu­ Congress candidate Bluebell R. Sangma; Garo Natl. Council candidate Kalpana D. Sangma, Natl. Peoples Party candidate Phillipole D. Marak; Independent candidate Seconton K. Sangma, TR Marak, Daewish S. Marak hai an nih. GNC candidate Kalpana Sangma hi GNC MLA ni lai thi tah Clifford R Marak nuhmei a nih. Election hi June 27, 2015 a nei ding a nih.

Assam tuilien leiin mi nuoi 2 chuongin harsatna
GUWAHATI: Assam rama chun tulaia districts 14 haia tuilien leiin mihriem nuoi 2 chuong han harsatna an tuok pha a, Barpeta le Lakhimpur district hai chu harsatna tuok nasa zuoltu an nih. Tuilien hin khuo 705 vel a chim bakah lo lien taka thlai hai nasa takin a suksiet a, relief camps 5 hawng a nih tiin State Disaster Management Authority thusuok chun a hril.

Jitender Singh Tomar bail ngenna hnawl
NEW DELHI: Certificate lem hmanga intumna case leia man Delhi Law Minister hlui Jitender Singh Tomar in regular bail a ngenna chu Additional Session Judge Sanjeev Jain chun a hnawl pek. Chun, hi case­a hearing chu June 16, 2015 a nei dingin a sawn hla bawk.

A chungthu rel mek PS Custody­a inthawk tlansuok
KISHANGANJ: Zanikhan Bihar­a Kishanganj district­a chema mi sun leia a chungthu rel lai mek Gopal Rishidev of Bhavaniganj chu Court­a inlang dinga thuoi a ni lai mekin a tlansuok. Gopal hi Police pahni Chowkidar Madan Rai le constable Rajendra Kumar han an veng a ni a, mankir tuma zawng mek a nih.

Maharastra­ah loneitu mani inthat 1088 an tling tah
MUMBAI: Maharashtra state a chun May, 2015 thla tawp chena khan tukum sunga loneitu mani le mani inthat 1,088 an tling tah niin ei thu dawngna chun a hril. Loneitu hai hi boruok sik le sa infuknaw leia thlai beisei ang an tharsuok zonaw leia thlai chingna dinga loan an lak hai thung thei lova an um beidawnga inthat an nih.

Ralthuom tam tak dap dawk
JAMMU: Zanikhan Jammu & Kashmir­a Poonch district­a Makhiwal ramhnuoia Army le Police thangruol han dappui an thawnaah ralthuom tam dak an dapdawk. Ralthuom an dapdawk hai lai Under Barrel Grenade Launcher (UBGL), UBGL grenades 16, RPG grenades 2, AK magazine 3, AK silaimu 8, Pistol magazine 1, RPG buster le thil dang dang a thang.

Pasal pakhat suom, Rs. 7 lakh lakpek
FARIDABAD: Zanikhan Sector­3 Ballabgarh hmuna cheng pasal pakhat Gangandeep chu tu ti hrietlo han Pali hmuna an suom a, Rs. 7 lakh an lakpek hnungin an tlansan. Gangandeep hi Rs. 7,00,000 chawia Dhauj pana fe a ni a, Pali Hill farmhouse a tlung huna tu ti hrietlovin a luah rawbawngin a hlap a, chu huna a pawisa chawi hi lakpeka um a nih.

Pakistan in a hung kap nawk
JAMMU: Pakistan sipai hai chun ceasefire agreement bawsiein zanikhan Jammu region­a Line of Control (LoC) chu silaiin an hung kap niin defence ministry thusuok chun a hril. Hi thil hi zani zingkar 9:15 AM vel kha a nih tiin defence spokesman Lt. Col. Manish Mehta chun a hril a, India sipai hai khawmin an kap let ve a, thi le hliemna tuok ruok chu an umnaw thu a hril.

China Security chief damsung intang ding
BEIJING: China Security Chief hlui Zhou Yongkang (72) chu corruption thilah damsung lungin intang dingin Court in thiemnaw an changtir. Zhou Yongkang hi China rama sawrkarna siemtu Communist Party­a Politburo Standing Committee member hli a nih.

Hollywood actor Christopher Lee a thi
LONDON: Horror film “Count Dracula” an changna leia lo inlar ve em em le Star Wars actor    Christopher Lee chu kum 93 mi niin June 7, 2015 khan Chelsea and Westminster hospital­ah a thi niin telegraph.co.uk report chun a hril. Lee hin kum 1940 khan film an chang tan a, a hung inlar tanna tak chu kum 1958­a Dracula film an changa inthawk a nih. A film inchang hai laia an lar zuol thenkhat hai chu Lord Summerisle in The Wicker Man (1973) le Scaramanga in The Man With The Golden Gun (1974) hai an nih.

Forbes Athlethes  rich list­ah India  mi  MS Dhoni chau
NEW DELHI: Forbes in khawvela inkhelmi (athletes) hausa tawntaw a thlangsuok hai lai Indian cricketer Mahendra Singh  Dhoni chau a thang. MS Dhoni hi Forbes list­ah rank 23­nain a thang. American Boxer Floyd Mayweather chu a hausa tak a nih. List a hin Tiger Wood , tennis star Roger Federer le soccer star Cristiano Ronaldo hai khawm an thang.

Nepal­a mimkei rapthlak tak tlung leiin mi 30 an thi
KATHMANDU: Nepal rama Taplejung district sunga khuo paruk haia chun zani hmasa zan khan mimkei nasa tak a tlung a, mi 30 an thi bakah midang 12 hai chu an umna chin hriet lovin an inhmang. Imu inhnik taka an in kara mimkei hi tlung niin Acting Chief District Officer (CDO), Surendra Bhattarai chun a hril. Mimkei lei hin mi iemanizatin hliemna an tuok bawk.

Cocaine Rs. 20,000 manhu leh man
CHENNAI: Zanikhan e­publishing firm­a Chief Executive Officer Sanjiv Bhatnagar (50) chu Narcotics Control Bureau official han Heroin grams 3.88, Rs. 20,000 manhu leh Chennai hmuna an man. Ama (Bhatnagar) hi kum 1 liemtaa inthawka kha Cocaine lo thaw hlak a nih ti Police han thu indawnna an nei huna an hrietsuok.

Iraq ­a Car bomb puokah mi 18 an thi
BAGHDAD: Iraq rama chun zanikhan Baghdad khawpuia hmun pahni haia Car bomb puok leiin mi 18 an thi bakah midang 22 in hliemna an tuok tiin official thusuok chun a hril. Mi thi hai lai hin Police officer12 le civil mi 6 an thang.

MERS leia thi mi 9 an tling tah
SEOUL: South Korea rama chun Middle East Respiratory Syndrome (MERS) leia thi mi 2 an um belsa nawk leiin tuchena hi natna leia thi mi 9 an tling ta a, an vawi thar 14 an um nawk leiin hi natna invawi chu 122 an tling  ta bawk.
---------------------------------------------------------------------------------------------
VAWISUN THUPUI
Khawvel hi a chakna pumin a bohmang zing a nih, Pathien ditzawng thawtu ruok chu kumkhuoin um zing a tih.
1 John 2:17

Editorial
Politics in ei society a suksiet phal nawng ei tiu

Sixth Scheduled hnuoia um nilo, power & functions khawm mumal taka nei lo a ni ti hriezing siin Manipur tlangram districts 6 haia Autonous District Council (ADC) Election vote thlakna boruok rik tak kara neizo a ni hnungin votes tla hai June 10, 2015, 8AM a inthawka tan chu June 11, 2015 zingkar khan zo a nita a.Thlangtlinga um hai khawm Elected MDC an nina Certificate hai inhlan an nitah. Hmabak chu sawrkar siem a nitah.
    
Inthlang rama cheng ei ni leiin a hunbi peiah ei inthlang hlak. Mani aiawa roreltu ding thlang theina ei nei hi ei vangnei hle. Chuonglaizing chun politics khel dan ruok hi chu ei lan chuk thiem a tul nasa hlein an lang. Campaign ei thaw dan le ei thilthaw dan hai hin ei kohran le society­ah a tha zawng le a thanaw zawngin nghawng nasa takin a nei thei a. Ei khel dan, ei inruichil dan indiknaw leiin thenum khawveng, unau laina inkarah khawm inhrietthiemnawna an tlun rawp hlak.  Hi lei hin hratna chang hai khawma hrat dan thiem a, a hratnaw hai khawma hratnaw dan thiem ei inchuk a pawimaw hle.
    
Politic bakah Sakhuona hai hi khawvela mihriem nuna nghawng nasa tak nei theitu an nih.  Hi lei hin a hmang dan ei thiemnaw chun thiltha tak ni ve ve si kha thil thalo tak an tlun thei.  Politics chau ni lovin Sakhuona khawm hi ei lak ursun hle, sienkhawm a hmang dan, a khel dan ei thiem naw a ni chun ei society ta dinga sietna nasa tak intluntir theitu le intlun mektu a nih ti hi ei hriet thar nuom a um. Politics hi ram le hnam hmasawnna dinga hmangruo pawimaw le tangkai tak a ni a, sienkhawm ei hmang thiemnaw leiin ei siet pha mek a nih. Ei thil thaw dan thenkhat lem hi chu Kristienna le khawm inmawi lo thil an nih.
    
Tan zawng le ditsak zawng inangnaw lei ela ei tuolthu a se pei a ni chun ei Politics khel chu an fuk naw a, an diknaw tina a nih. Mi hran ei ni tlat leiin ngaidan le ditdan chu an ang theinaw ding hrim a nih. Inhmangaia nupaa insiem hai hman ngaidan le ditdan inkal chang a um hlak. Sienkhawm ei ditdan le lungril inangnawna leia ei lungawinawna chu vawng zing inla nuhmei­pasal inneisawng thei tukhawm umnaw manih. Hi lei hin a hun lai chun ei ngaidan le ditdan a lo inkal a ni thei, sienkhawm election a zo ta chun ingngaidamtuoa theinghil chu mi puitling hai thaw dan a nih.
    
Politics ei khel dan lei bawkin mi tam tak chun Politics chu inkhelna tirdakumin ei ngai ta hrim a nih. A nina taka chun Politics hi mihriem nuna kawp tlat, khawvela ei um sunga ei hnawl thei lo thil a ni a. Sienkhawm ei hmang indiknaw leiin ei khawtlang­ah nghawng thalo tak a nei mek a nih. Hieng a ni lei hin kum 100 chuong kristien ni tahai hin ringnaw mihai entawn tlak ni dinga puitling ei inchuk a pawimaw, chu chu Pathien thu a nih.
    
Politics chau ni lovin Kohran thila khawm ei khaw nghat a china, a hlanaw leiin ei buoi rawp hlak. Khawvela hmun tum tum hai thlirin hrat le hratnawa um dan ei inchuk nuom a um. Politics hi a pawimaw a, ram le hmasawnna dinga thil tul tak a nih. Chu laizing chun ei society le khawtlang ngirhmun sukse thei ding khawpa ei inruichil a ni ruok chun ram le hnam ta ding chau ni lovin mimal ta ding khawma a tawpa sietna intluntu a ni hlak. Hi lei hin ei politics khel hi ei khawtlang le society bakah thenum khawveng hai le ei inlaichinna suksietua hmang tum nawng ei ta, Politics hin ei society a suksiet phal nawng ei tiu.



Don't Miss
© all rights reserved
made with by Simon L Infimate