CCPur, January 29,2015 (HT) : Tuiruong leilak daw tumna le inzawma Additional Chief Engineer thuoia a hmuna thil umdan a hmuna enfel dinga an zin zo hnungin Dr Chaltonlien Amo, Chairman, Hill Areas Committee (HAC), Govt. of Manipur chu Imphal a hungtlung nawk tah. Dr Amo le Addl. CE hai chun Tuiruong leilak dawna dinga thil tul le pawimaw hai an sukfel vawng nghal. Hieng laizing hin Churachandpur District-a Tribal University indin na ding le inzawmin Manipur CM O.Ibobi Singh in New Delhi- a a tir angin zanikhan Dr Chaltonlien Amo chun Manipur suoksanin New Delhi a pan. New Delhi hmuna thil tul le pawimaw hai a thaw zo hnungin CCPur-a University indinna ding le inzawmin Dr Amo chu Sikkim-ah inzin nawk a ta, Manipal University le hmun dang dang hai sirin thil tul le inhmupui tul hai hung inhmupui nghal a tih tiin Lalvullien, Social Worker chun ei chanchinbu palai a hril.
Dr Amo in Vangai Area a fang
CCPur : Dr Chaltonlien Amo, MLA Tipaimukh A/C & Chairman, Hill Area Committee chun kar liemta khan Vangai Area a zu fang a, Development tienga hmalakna hai a hmuna a zu en a, hmalak
pei dan ding thu a biel mipuihai leh inrawntlangna an nei. Hi huna hin School thenkhat a sir a, student-hai kuomah “Free Textbook” a sem a, mipui an hlimtlang hle niin Mr Lalhmasawn, Deputy Inspector of Schools, Tipaimukh Block a inthawk ei thu dawngna chun a hril.
Dr Amo in Vangai Area a fang
CCPur : Dr Chaltonlien Amo, MLA Tipaimukh A/C & Chairman, Hill Area Committee chun kar liemta khan Vangai Area a zu fang a, Development tienga hmalakna hai a hmuna a zu en a, hmalak
pei dan ding thu a biel mipuihai leh inrawntlangna an nei. Hi huna hin School thenkhat a sir a, student-hai kuomah “Free Textbook” a sem a, mipui an hlimtlang hle niin Mr Lalhmasawn, Deputy Inspector of Schools, Tipaimukh Block a inthawk ei thu dawngna chun a hril.
