Responsive Ad Slot

Jan. 8-11, 2015 sungin Parbung Convention

Tuesday, December 30, 2014

/ Posted by VIRTHLI HMAR
CCPur, December,28,2014(HT): Organizing Committee huoihawtnain January 8-11, 2015 inkar sung khin Parbung-ah “Unau Insuikhawm” ti thupuia hmangin All India Parbung Convention hmang ning a tih.

Jan. 8, 2015, 9AM in Lundaw hawngna um a ta, hi huna hin Pu B. John Tlangtinkhuma, IAS chun, (L) Pu Ngamngeivung lungdaw hawngna nei a ta, Pu Teboi in (L) Pu Thanglor Lungdaw hawngna nei a ta, Pu Ngamneivung le Pu Thanglor hai chanchin hrilna hun hmang ning a tih.

Hi ni 10:30AM in Parbung Convention inhlanna Rev. Lalhmuoklien in nei a ta, Parbung Souvenir tlangzarna um bawk a tih.

Convention hmang sung hin Seminar/Awareness hai um bawk a tih. Pu Lalramsang Infimate, MCS; Dr Ruolkhumzo, Associate Professor; Zorisang, MSS; Lalrobul Fimate, MCS; Simon L. Hrangchal, Director, Dev. Dept. EAC; Pu L. Rothang Infimate, retd. FPO; Sumlamrawn, PO; L. Rothanglien Khawbung; Dr Phirthangmawi, Dr Mary Jone le Dr D.J. Lalneiruol Infimate hai resource person- a thangin thupui tum tum hmangin thu hril an tih.

Chun, hi Conventionsung hin Pu Darzakhum, IRS; Tv. Ngurrivung; Pu Darsuothang; Pu Lalhossan, EM, ADCC; Pu Ngursanglur, Ex-Minister le Upa Dr L. Fimate hai khawm thangin thuhrilna nei an ta, lawmman semna le chawimawina hun hmang ni bawk a tih. Convention tawp ni Jan. 11, 2015 in Convention resolutions puongzarna um bawk a tih.
Don't Miss
© all rights reserved
made with by Simon L Infimate