Responsive Ad Slot

HSA Platinum Jubilee Celebration Grand Finale Marathon Race le Football Tournament nei

Saturday, December 6, 2014

/ Posted by VIRTHLI HMAR
-LRS Puruolte|HT Image: Alan Famhoite & LRS Puruolte

CCPur Dec. 6, 2014: Hmar Students’ Assocation (HSA) Platinum Jubilee Celebration le inzawmin Event chi tum tum hai nei mek a ni a. Vawisun zing dar 7am a inthawk Marathon Race chu (Khawmawi-Tiddim Road-Nehru Marg-Rengkai-Saikot via Rengkai Playground) nei a ni a, hi hun hi Mr. K. Kabib IPS, SP, CCPur Police in a vai liem (Flag-Off). 

Hi hun a hin SP CCPur hi ama ngei baka a nuhmei, a sinthaw chanpuihai Mr. Emmanuel Infimate MPS, SDPO le an thawktu chanpui dang dang hai leh hi Marathon a hin an tlan ve. Traffic le Security tieng hi hun sung hin an enkai. CCPur Police hai chung a hin HSA PJCC chun an lawmthu an hril. Hi huna SP in thuhrilna a nei hun a chun HSA in Platinum Jubilee tlung thei a a um chu a lawmpui hle thu le a ditsakna insang tak an hlan a. SP CCpur a ni a, hi Marathon a a tlan ve hrie a, lampui sira um thlirtu mipuihaiin kut ben a an lo lawm le thlir chu inhawi le lawmum a ti thuhai a hrilsa bawk. Chun, hi zo 11am khan Rengkai Playground a HSA Platinum Cup Opening Ceremony chu Chief Guest Shri M. Gouzamang EM/ADCC in a hawng (Kick-Off). Hi huna thuhrilna a nei huna chun HSA in Platinum Jubilee tlung theia a um chu a lawmpui hle thuhai hrilin, Jubilee a ni chun zalenna a ni a. Saltanghai khawm saltang suokna, Inremnawhai khawm inremna hun a niziehai, ei suksuolnahai a inngaidamtuo ding. Mitin inrem taka um tlang ding khawm ei ni ziehai uor takin a hril. Hi hun a hin Functional President in Shri Lalhmangpui MDC, Guest of Honour in Shri Lalhrillien MDC le Chief Host in Shri Zofawnlien, President (RACC) hai an thang a. 

Shri Lalditsang MDC le Shri V. Khaikhanmung MDC hai chu hi hun a hin an taksa hung inlang theinawhai sienkhawm a danghai ang bawkin HSA PJ Lawmpuina Thilpek le an ditsaknain inhlanin hmatieng peia an theina haia thangpui di’n an in tiem tawl. HSA PJ Celebration Committee chun Lawmthuhrilnain Thilpek Memento le Muffler Ngotekher an inhlan let ve. HSA PJ (Grand Finale) Football Tournament vawisuna inkhelna Result chu Rengkai 1 – 0 Saidan, Muolbem 1 – 1 CCPur Govt. College, Ngurte 1 – 0 Imphal JHQ a nih. Marathon Result ruokchu Grand Finale Prize sem hun a puonglang la ning a tih.     









Don't Miss
© all rights reserved
made with by Simon L Infimate